ਤਾਜਾ ਖ਼ਬਰਾਂ


ਸੜਕ ਹਾਦਸੇ ਵਿਚ ਕਾਰਾਂ ਦੀ ਜ਼ਬਰਦਸਤ ਟੱਕਰ, 1 ਦੀ ਮੌਤ, 1 ਜ਼ਖਮੀ
. . .  1 day ago
ਭੋਗਪੁਰ, 9 ਦਸੰਬਰ (ਕੁਲਦੀਪ ਸਿੰਘ ਪਾਬਲਾ)- ਜਲੰਧਰ-ਪਠਾਨਕੋਟ ਰਾਸ਼ਟਰੀ ਰਾਜ ਮਾਰਗ ਉੱਪਰ ਸਥਿਤ ਪਿੰਡ ਕਾਲਾ ਬੱਕਰਾ ਨਜ਼ਦੀਕ ਵਾਪਰੇ ਸੜਕ ਹਾਦਸੇ ਵਿਚ ਕਾਰ ਡਰਾਈਵਰ ਇੱਕ ਵਿਅਕਤੀ ਦੀ ਮੌਕੇ ਤੇ ਹੀ ਮੌਤ ਹੋ ...
ਸੰਵਿਧਾਨਕ ਵਿਵਸਥਾ ਅਨੁਸਾਰ ਹਰ ਐਕਟ ਨੂੰ ਲਾਗੂ ਕਰਨਾ ਮਮਤਾ ਦੀ ਜ਼ਿੰਮੇਵਾਰੀ - ਰਾਮ ਮਾਧਵ
. . .  1 day ago
ਨਵੀਂ ਦਿੱਲੀ, 9 ਦਸੰਬਰ - ਭਾਜਪਾ ਆਗੂ ਰਾਮ ਮਾਧਵ ਦਾ ਕਹਿਣਾ ਹੈ ਕਿ ਸੰਵਿਧਾਨਿਕ ਵਿਵਸਥਾ ਅਨੁਸਾਰ ਲੋਕ ਸਭਾ ਵੱਲੋਂ ਪਾਸ ਕੀਤੇ ਹਰ ਐਕਟ ਨੂੰ ਲਾਗੂ ਕਰਨਾ ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਦੀ ਜ਼ਿੰਮੇਵਾਰੀ ਹੈ।
ਨਾਗਰਿਕਤਾ ਮਿਲਣ ਤੋਂ ਬਾਅਦ ਕਿੰਨੀ ਵਧੇਗੀ ਦੇਸ਼ ਦੀ ਆਬਾਦੀ? - ਸ਼ਿਵ ਸੈਨਾ ਸੰਸਦ ਮੈਂਬਰ
. . .  1 day ago
ਨਵੀਂ ਦਿੱਲੀ, 9 ਦਸੰਬਰ -ਸ਼ਿਵ ਸੈਨਾ ਦੇ ਸੰਸਦ ਮੈਂਬਰ ਵਿਨਾਇਕ ਰਾਊਤ ਨੇ ਲੋਕ ਸਭਾ 'ਚ ਬੋਲਦਿਆਂ ਕਿਹਾ ਕਿ ਨਾਗਰਿਕਤਾ ਸੋਧ ਬਿੱਲ ਵਿਚ ਜ਼ਿਕਰ ਕੀਤੇ ਗਏ 6 ਭਾਈਚਾਰਿਆ ਦੇ ਕਿੰਨੇ ਲੋਕ ਭਾਰਤ 'ਚ ਰਹਿ ਰਹੇ ਹਨ?ਕੇਂਦਰੀ ਗ੍ਰਹਿ ਮੰਤਰੀ ਨੇ...
ਕਿਸਾਨ ਜਗਸੀਰ ਸਿੰਘ ਦਾ ਤੀਜੇ ਦਿਨ ਵੀ ਨਹੀਂ ਹੋਇਆ ਸਸਕਾਰ
. . .  1 day ago
ਜੈਤੋ, 9 ਦਸੰਬਰ (ਗੁਰਚਰਨ ਸਿੰਘ ਗਾਬੜੀਆ, ਨਿੱਜੀ ਪੱਤਰ ਪ੍ਰੇਰਕ)- ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਸਿੱਧੂਪੁਰ ਵੱਲੋਂ ਕਿਸਾਨੀ ਮੰਗਾਂ ਨੂੰ ਲੈ ਕੇ ਕੀਤੇ ਜਾ ਰਹੇ ਸੰਘਰਸ਼ ਦੌਰਾਨ ਪਰਸੋਂ ਸਵੇਰੇ ਜ਼ਿਲ੍ਹਾ ਬਠਿੰਡਾ ਦੇ ਪਿੰਡ ਕੋਟੜਾ ਕੋੜਿਆਂਵਾਲੀ ਦੇ ਜਗਸੀਰ...
ਚੋਰਾਂ ਨੇ ਬੰਦ ਮਕਾਨ ਚੋਂ 14 ਕਿੱਲੋ ਚਾਂਦੀ, 4 ਤੋਲੇ ਸੋਨੇ ਅਤੇ 3 ਲੱਖ ਦੀ ਨਕਦੀ 'ਤੇ ਕੀਤਾ ਹੱਥ ਸਾਫ਼
. . .  1 day ago
ਡੇਰਾਬਸੀ, 9 ਨਵੰਬਰ( ਸ਼ਾਮ ਸਿੰਘ ਸੰਧੂ ) - ਬੀਤੀ ਦੇਰ ਡੇਰਾਬਸੀ ਸਥਿਤ ਪੰਜਾਬੀ ਬਾਗ ਕਾਲੋਨੀ ਵਿਚ ਇੱਕ ਬੰਦ ਮਕਾਨ ਦੇ ਤਾਲੇ ਤੋੜ ਕੇ ਚੋਰ ਕਰੀਬ 12 ਕਿੱਲੋ ਚਾਂਦੀ, 4 ਤੋਲੇ ਸੋਨੇ ਅਤੇ 3 ਲੱਖ ਦੀ ਨਕਦੀ ਸਮੇਤ ਹੋਰ ਘਰੇਲੂ ਸਾਮਾਨ ਚੋਰੀ ਕਰ ਕੇ ਲੈ ਗਏ। ਚੋਰੀ ਦੀ ਵਾਰਦਾਤ...
ਸਵਾਤੀ ਮਾਲੀਵਾਲ ਨੇ ਸਮ੍ਰਿਤੀ ਈਰਾਨੀ ਨਿਰਭਿਆ ਫ਼ੰਡ ਵੰਡਣ ਲਈ ਲਿਖੀ ਚਿੱਠੀ
. . .  1 day ago
ਨਵੀਂ ਦਿੱਲੀ, 9 ਦਸੰਬਰ - ਦਿੱਲੀ ਮਹਿਲਾ ਕਮਿਸ਼ਨ ਦੀ ਚੇਅਰਪਰਸਨ ਸਵਾਤੀ ਮਾਲੀਵਾਲ ਨੇ ਕੇਂਦਰੀ ਮਹਿਲਾ ਤੇ ਬਾਲ ਵਿਕਾਸ ਮੰਤਰੀ ਸਮ੍ਰਿਤੀ ਈਰਾਨੀ ਨੂੰ ਚਿੱਠੀ ਲਿਖ ਸੂਬਿਆ ਨੂੰ ਨਿਰਭਿਆ...
ਦਿੱਲੀ ਅਗਨੀਕਾਂਡ : ਮਨੁੱਖੀ ਅਧਿਕਾਰ ਕਮਿਸ਼ਨ ਨੇ ਦਿੱਲੀ ਸਰਕਾਰ ਸਮੇਤ ਹੋਰਨਾਂ ਨੂੰ ਭੇਜਿਆ ਨੋਟਿਸ
. . .  1 day ago
ਨਵੀਂ ਦਿੱਲੀ, 9 ਦਸੰਬਰ - ਕੌਮੀ ਮਨੁੱਖੀ ਅਧਿਕਾਰ ਕਮਿਸ਼ਨ ਨੇ (ਐਨ.ਐੱਚ.ਆਰ.ਸੀ) ਨੇ ਦਿੱਲੀ ਅਗਨੀਕਾਂਡ ਨੂੰ ਲੈ ਕੇ ਮੁੱਖ ਸਕੱਤਰ, ਦਿੱਲੀ ਸਰਕਾਰ, ਪੁਲਿਸ ਕਮਿਸ਼ਨਰ ਦਿੱਲੀ ਅਤੇ ਨਗਰ ਨਿਗਮ ਦਿੱਲੀ ਦੇ ਕਮਿਸ਼ਨਰ...
ਡਮਟਾਲ ਪੁਲਿਸ ਵੱਲੋਂ ਨਸ਼ੀਲੇ ਪਾਊਡਰ ਸਮੇਤ ਇੱਕ ਵਿਅਕਤੀ ਗ੍ਰਿਫ਼ਤਾਰ
. . .  1 day ago
ਡਮਟਾਲ, 9 ਦਸੰਬਰ (ਰਾਕੇਸ਼ ਕੁਮਾਰ) - ਥਾਣਾ ਡਮਟਾਲ ਦੀ ਪੁਲਿਸ ਨੇ ਗਸ਼ਤ ਦੌਰਾਨ 21 ਗ੍ਰਾਮ ਨਸ਼ੀਲੇ ਪਾਊਡਰ ਸਮੇਤ ਇੱਕ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਗ੍ਰਿਫ਼ਤਾਰ ਵਿਅਕਤੀ ਦੀ ਪਹਿਚਾਣ...
ਨਾਗਰਿਕਤਾ ਸੋਧ ਬਿੱਲ ਤੋਂ ਡਰਨ ਦੀ ਲੋੜ ਨਹੀਂ - ਮਮਤਾ ਬੈਨਰਜੀ
. . .  1 day ago
ਕੋਲਕਾਤਾ, 9 ਦਸੰਬਰ - ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਖੜਗਪੁਰ 'ਚ ਇੱਕ ਜਨ ਸਭਾ ਨੂੰ ਸੰਬੋਧਨ ਕਰਦਿਆ ਕਿਹਾ ਕਿ ਨਾਗਰਿਕਤਾ ਸੋਧ ਬਿੱਲ ਤੋਂ ਡਰਨ ਦੀ ਲੋੜ...
ਸਾਵਰਕਰ ਨੇ ਰੱਖੀ ਸੀ ਦੋ ਰਾਸ਼ਟਰ ਸਿਧਾਂਤ ਦੀ ਨੀਂਹ - ਮਨੀਸ਼ ਤਿਵਾੜੀ
. . .  1 day ago
ਨਵੀਂ ਦਿੱਲੀ, 9 ਦਸੰਬਰ - ਕਾਂਗਰਸ ਦੇ ਲੋਕ ਸਭਾ ਮੈਂਬਰ ਮਨੀਸ਼ ਤਿਵਾੜੀ ਨੇ ਲੋਕ ਸਭਾ 'ਚ ਬੋਲਦਿਆਂ ਕਿਹਾ ਕਿ ਕਿ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਕਹਿੰਦੇ ਹਨ ਕਿ ਧਰਮ ਦੇ...
ਹੋਰ ਖ਼ਬਰਾਂ..

ਬਾਲ ਸੰਸਾਰ

ਬਾਲ ਕਹਾਣੀ: ਜਗ ਪਿਆ ਦੀਵਾ

ਸੁਖਦੀਪ ਅੱਜ ਫਿਰ ਸਕੂਲ ਨਹੀਂ ਸੀ ਗਿਆ, ਘਰ ਤੋਂ ਤਿਆਰ ਹੋ ਕੇ ਬੈਗ ਮੋਢੇ 'ਤੇ ਪਾ ਕੇ ਬਾਗ ਵੱਲ ਤੁਰਿਆ ਜਾ ਰਿਹਾ ਸੀ | ਉਸ ਦਾ ਸਕੂਲ ਵਲੋਂ ਮੰੂਹ ਮੋੜਿਆ ਗਿਆ ਸੀ | ਸਕੂਲ ਵਿਚ ਉਸ ਦੀ ਕੋਈ ਕਦਰ ਨਹੀਂ ਸੀ | ਪਿੰ੍ਰਸੀਪਲ ਸਰ ਵੀ ਉਸ ਨੂੰ ਸਮਝਾ-ਸਮਝਾ ਕੇ ਥੱਕ ਗਏ ਸਨ ਪਰ ਉਸ ਦੇ ਕੰਨਾਂ 'ਤੇ ਜੰੂ ਨਹੀਂ ਸਰਕਦੀ ਸੀ | ਅਧਿਆਪਕਾਂ ਦੀ ਵੀ ਗੱਲ ਨਹੀਂ ਸੀ ਸੁਣਦਾ | ਅਧਿਆਪਕਾਂ ਦਾ ਵੀ ਸਤਿਕਾਰ ਕਰਨਾ ਛੱਡ ਗਿਆ ਸੀ | ਦੋਸਤਾਂ-ਮਿੱਤਰਾਂ ਨੇ ਵੀ ਉਸ ਨੂੰ ਬੜਾ ਸਮਝਾਇਆ ਪਰ ਦੀਪ ਤਾਂ ਕਿਸੇ ਦੀ ਗੱਲ ਸੁਣਨ ਨੂੰ ਤਿਆਰ ਹੀ ਨਹੀਂ ਸੀ | ਆਪਣੀ ਜ਼ਿੰਦਗੀ ਆਪ ਹੀ ਬਰਬਾਦ ਕਰਨ 'ਤੇ ਤੁਲਿਆ ਹੋਇਆ ਸੀ | ਮੈਡਮ ਰਘਬੀਰ ਉਸ ਨੂੰ ਬੜਾ ਸਮਝਾਉਂਦੇ | ਅੱਜ ਅਚਾਨਕ ਮੈਡਮ ਰਘਬੀਰ, ਦੀਪ ਨੂੰ ਮਿਲ ਗਏ | ਸੁਖਦੀਪ ਪਹਿਲਾਂ ਤਾਂ ਮੈਡਮ ਦੀਆਂ ਨਜ਼ਰਾਂ ਤੋਂ ਭੱਜਣ ਲੱਗਾ ਪਰ ਮੈਡਮ ਨੇ ਉਸ ਨੂੰ ਆਵਾਜ਼ ਮਾਰੀ, 'ਸੁਖਦੀਪ, ਠਹਿਰ ਜਾ, ਮੇਰੀ ਗੱਲ ਸੁਣ ਕੇ ਜਾਵੀਂ, ਮੈਂ ਤੈਨੂੰ ਕੁਝ ਨਹੀਂ ਕਹਾਂਗੀ, ਇਕ ਮਿਟ ਬਸ... |' ਸੁਖਦੀਪ ਦੇ ਵੀ ਕਦਮ ਮੈਡਮ ਦੀ ਆਵਾਜ਼ ਸੁਣ ਕੇ ਰੁਕ ਗਏ |
'ਦੇਖ ਸੁਖਦੀਪ, ਤੇਰੇ ਮਾਤਾ ਜੀ ਤੈਨੂੰ ਬੜੀ ਮੁਸ਼ਕਿਲ ਪੜ੍ਹਾ ਰਹੇ ਹਨ, ਤੰੂ ਇਸ ਤਰ੍ਹਾਂ ਨਾ ਕਰ, ਤੇਰੀ ਜ਼ਿੰਦਗੀ ਤੇਰੇ ਹੱਥ ਹੈ, ਤੰੂ ਕਿਉਂ ਆਖੇ ਨਹੀਂ ਲਗਦਾ ਉਨ੍ਹਾਂ ਦੇ? ਅਧਿਆਪਕਾਂ ਦਾ ਵੀ ਤੰੂ ਸਤਿਕਾਰ ਨਹੀਂ ਕਰਦਾ | ਤੰੂ ਤਾਂ ਬੜਾ ਬੀਬਾ ਬੱਚਾ ਸੈਂ... |' ਸੁਖਦੀਪ ਦੀਆਂ ਅੱਖਾਂ 'ਚੋਂ ਅਚਾਨਕ ਹੰਝੂ ਡਿਗਣੇ ਸ਼ੁਰੂ ਹੋ ਗਏ | ਉਹ ਤਾਂ ਭੱੁਬਾਂ ਮਾਰ ਕੇ ਰੋਣ ਲੱਗ ਪਿਆ | ਰਘਬੀਰ ਮੈਡਮ ਨੇ ਵੀ ਉਸ ਨੂੰ ਘੱੁਟ ਕੇ ਗਲ ਨਾਲ ਲਾਇਆ, 'ਬੇਟਾ, ਸਤਿਕਾਰ ਤਾਂ ਇਕ ਬੜੀ ਵੱਡੀ ਨਿਆਮਤ ਹੈ |' ਸੁਖਦੀਪ ਰੋਂਦੇ-ਰੋਂਦੇ ਕਹਿਣ ਲੱਗਾ, 'ਮੈਡਮ ਜੀ, ਮੈਨੂੰ ਮੁਆਫ਼ ਕਰ ਦਿਓ... ਮੁਆਫ਼ ਕਰ ਦਿਓ..., ਅੱਜ ਤੋਂ ਮੈਂ ਮਾਂ-ਬਾਪ, ਅਧਿਆਪਕਾਂ ਦਾ, ਸਭ ਦਾ ਸਤਿਕਾਰ ਕਰਾਂਗਾ... |'
ਸੁਖਦੀਪ ਅਗਲੇ ਦਿਨ ਸੂਰਜ ਦੀ ਨਵੀਂ ਕਿਰਨ ਨਾਲ ਸਕੂਲ ਪਹੁੰਚਿਆ | ਅਧਿਆਪਕਾ ਵੀ ਖੁਸ਼ ਸੀ ਕਿ ਇਕ ਬੁਝਣ ਜਾ ਰਹੇ ਦੀਵੇ ਨੂੰ ਉਸ ਨੂੰ ਲੋਅ ਦੇ ਦਿੱਤੀ ਸੀ ਅਤੇ ਦੀਵਾ ਮੁੜ ਜਗ ਗਿਆ ਸੀ |
ਸਿੱਖਿਆ : ਵੱਡਿਆਂ ਦਾ ਸਤਿਕਾਰ ਜ਼ਰੂਰੀ ਹੈ |

-ਅੰਮਿ੍ਤਸਰ |
ਮੋਬਾ: 80540-87750


ਖ਼ਬਰ ਸ਼ੇਅਰ ਕਰੋ

ਚੰਦਰਮਾ ਬਾਰੇ ਦਿਲਚਸਪ ਜਾਣਕਾਰੀ

ਪਿਆਰੇ ਬੱਚਿਓ! ਅਕਸਰ ਜਦੋਂ ਤੁਸੀਂ ਆਪਣੇ ਦਾਦਾ-ਦਾਦੀ, ਨਾਨਾ-ਨਾਨੀ ਜਾਂ ਕਿਸੇ ਹੋਰ ਤੋਂ ਚੰਦਰਮਾ ਸਬੰਧੀ ਦਿਲਚਸਪ ਜਿਵੇਂ 'ਚੰਦਾ ਮਾਮਾ ਬੜਾ ਸੀਤਲ, ਸੁੰਦਰ ਹੈ... ਉਥੇ ਬੱੁਢੀ ਮਾਈ ਚਰਖਾ ਕੱਤ ਰਹੀ ਹੈ' ਆਦਿ ਕਹਾਣੀਆਂ ਸੁਣਦੇ ਹੋ ਤਾਂ ਤੁਹਾਡੇ ਬਾਲ-ਮਨਾਂ ਵਿਚ ਚੰਦਰਮਾ ਬਾਰੇ ਬਹੁਤ ਕੁਝ ਜਾਣਨ ਲਈ ਜ਼ਰੂਰ ਹੀ ਜਗਿਆਸਾ ਪੈਦਾ ਹੁੰਦੀ ਹੋਵੇਗੀ | ...ਅਤੇ ਆਓ! ਅਸੀਂ ਚੰਦਰਮਾ ਬਾਰੇ ਜਾਣਕਾਰੀ ਹਾਸਲ ਕਰਦੇ ਹਾਂ | ਦੋਸਤੋ! ਭਾਵੇਂ ਮੱੁਢ ਤੋਂ ਹੀ ਚੰਦਰਮਾ ਸਾਡੇ ਲਈ ਰਹੱਸਮਈ ਬੁਝਾਰਤ ਰਿਹਾ ਹੈ ਪਰ ਵਿਗਿਆਨ ਦੇ ਪਸਾਰ ਸਦਕਾ ਅਸੀਂ ਚੰਦਰਮਾ ਬਾਰੇ ਬਹੁਤ ਕੁਝ ਜਾਣ ਚੱੁਕੇ ਹਾਂ ਅਤੇ ਹੋਰ ਵੀ ਕੋਸ਼ਿਸ਼ਾਂ ਜਾਰੀ ਹਨ | ਮਨੱੁਖ ਦੀ ਉਤਪਤੀ ਤੋਂ ਪਹਿਲਾਂ ਹੀ ਚੰਦ ਦਾ ਅਸਤਿਤਵ ਸੀ | ਮੰਨਣਾ ਹੈ ਕਿ ਕਰੀਬ 450 ਕਰੋੜ ਵਰ੍ਹੇ ਪਹਿਲਾਂ ਚੰਦ ਸਾਡੀ ਧਰਤੀ ਦਾ ਹੀ ਹਿੱਸਾ ਸੀ ਪਰ ਇਕ ਉਲਕਾ ਦੇ ਟਕਰਾਉਣ ਨਾਲ ਧਰਤੀ ਦਾ ਕੁਝ ਹਿੱਸਾ ਟੱੁਟ ਕੇ ਚੰਦਰਮਾ ਬਣ ਗਿਆ | ਚੰਦ ਸਾਡੀ ਧਰਤੀ ਦੁਆਲੇ ਚੱਕਰ ਲਾਉਣ ਵਾਲਾ ਸਭ ਤੋਂ ਨੇੜਲਾ ਉਪਗ੍ਰਹਿ ਹੈ ਜੋ ਕਿ 27 ਦਿਨ 7 ਘੰਟੇ 43 ਮਿੰਟ ਅਤੇ 15 ਸਕਿੰਟਾਂ ਵਿਚ ਧਰਤੀ ਦਾ ਚੱਕਰ ਪੂਰਾ ਕਰ ਲੈਂਦਾ ਹੈ | ਸੁੰਦਰਤਾ ਨੂੰ ਰੂਪਮਾਨ ਕਰਦੇ ਚੰਦਰਮਾ ਸਬੰਧੀ ਕਈ ਅਖਾਣ ਵੀ ਪ੍ਰਚੱਲਤ ਹਨ |
ਮਨੱੁਖ ਦੀ ਮੱੁਢ ਤੋਂ ਹੀ ਪ੍ਰਬਲ ਇੱਛਾ ਰਹੀ ਹੈ ਕਿ ਚੰਦ 'ਤੇ ਪੱੁਜ ਕੇ ਸੌਰ ਪ੍ਰਣਾਲੀ ਦੀ ਖੋਜ ਕੀਤੀ ਜਾਵੇ | ਸਭ ਤੋਂ ਪਹਿਲਾਂ ਨੀਲ ਆਰਮਸਟਰਾਂਗ ਨਾਮੀ ਸਾਇੰਸਦਾਨ ਨੇ 1969 ਵਿਚ ਚੰਦ 'ਤੇ ਪਹਿਲਾ ਕਦਮ ਰੱਖਿਆ ਅਤੇ ਉਨ੍ਹਾਂ ਨਾਲ ਐਡਵਿਨ ਆਸਟਿਨ ਵਿਗਿਆਨੀ ਵੀ ਸਨ | ਉਸ ਤੋਂ ਬਾਅਦ ਕਈ ਵਿਕਸਿਤ ਦੇਸ਼ਾਂ ਵਲੋਂ ਚੰਦ 'ਤੇ ਜਾਣ, ਸਮੱੁਚੀ ਸੌਰ ਪ੍ਰਣਾਲੀ, ਚੰਦ ਦੀ ਸਤਹਿ 'ਤੇ ਪਾਣੀ ਅਤੇ ਮਨੱੁਖ ਦੇ ਵਸਣ ਦੀ ਸੰਭਾਵਨਾ ਆਦਿ ਪ੍ਰਤੀ ਖੋਜ ਉਪਰਾਲੇ ਕੀਤੇ ਹਨ | ਹਾਲ ਹੀ ਵਿਚ ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਵਲੋਂ ਵੀ ਅਜਿਹੀਆਂ ਖੋਜਾਂ ਕਰਨ ਲਈ ਚੰਦਰਯਾਨ-2 ਨੂੰ ਚੰਦ ਦੀ ਸਤਹਿ ਵੱਲ ਭੇਜਿਆ ਗਿਆ ਪਰ ਐਨ ਆਖਰੀ ਸਮੇਂ ਸਤਹਿ 'ਤੇ ਉਤਰਨ ਸਮੇਂ ਸਾਫ਼ਟ ਲੈਂਡਿੰਗ ਨਾ ਹੋ ਸਕਣ ਸਦਕਾ ਖੋਜ ਕਾਰਜਾਂ ਵਿਚ ਰੁਕਾਵਟ ਆ ਗਈ ਪਰ ਸਾਡੇ ਮਾਹਿਰਾਂ ਵਲੋਂ ਰੁਕਾਵਟ ਨੂੰ ਠੀਕ ਕਰਨ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ |
ਚੰਦ ਉੱਪਰ ਕੋਈ ਵਾਯੂ ਮੰਡਲ ਨਹੀਂ ਅਤੇ ਨਾ ਹੀ ਕੋਈ ਆਵਾਜ਼ ਸੁਣਾਈ ਦਿੰਦੀ ਹੈ | ਉਥੋਂ ਅਸਮਾਨ ਕਾਲਾ ਦਿਖਾਈ ਦਿੰਦਾ ਹੈ | ਵਾਯੂ ਮੰਡਲ ਨਾ ਹੋਣ ਅਤੇ ਸੂਰਜ ਦੀਆਂ ਸਿੱਧੀਆਂ ਪਰਾਬੈਂਗਣੀ ਕਿਰਨਾਂ ਸਦਕਾ ਦਿਨ ਦਾ ਤਾਪਮਾਨ 100 ਡਿਗਰੀ (ਬਹੁਤ ਜ਼ਿਆਦਾ ਗਰਮ) ਅਤੇ ਰਾਤ ਦਾ ਤਾਪਮਾਨ .153 ਡਿਗਰੀ ਸੈਲਸੀਅਸ ਤੱਕ ਭਾਵ ਕਿ ਬਹੁਤ ਜ਼ਿਆਦਾ ਠੰਢਾ ਹੋ ਜਾਣ ਕਰਕੇ ਉਥੇ ਬਨਸਪਤੀ ਅਤੇ ਜੀਵਨ ਦੀ ਉਤਪਤੀ ਅਸੰਭਵ ਹੀ ਹੈ | ਚੰਦ ਦਾ ਗੁਰੂਤਵਾਕਸ਼ਣ ਸਾਡੀ ਧਰਤੀ ਦੇ ਗੁਰੂਤਵਾਕਸ਼ਣ ਤੋਂ 6 ਗੁਣਾ ਘੱਟ ਹੈ | ਜੇ ਕਿਸੇ ਚੀਜ਼ ਦਾ ਭਾਰ ਧਰਤੀ 'ਤੇ 60 ਕਿਲੋ ਹੋਵੇ ਤਾਂ ਚੰਦ 'ਤੇ ਸਿਰਫ 10 ਕਿਲੋ ਹੀ ਹੁੰਦਾ ਹੈ | ਚੰਦ ਦੀ ਕੋਈ ਆਪਣੀ ਰੌਸ਼ਨੀ ਨਹੀਂ | ਸੂਰਜ ਦੀ ਰੌਸ਼ਨੀ ਸਦਕਾ ਹੀ ਚਮਕਦਾ ਹੈ | ਧਰਤੀ ਜਦ ਸੂਰਜ ਅਤੇ ਚੰਦਰਮਾ ਵਿਚਾਲੇ ਆ ਜਾਂਦੀ ਹੈ ਤਾਂ ਉਸ ਸਥਿਤੀ ਨੂੰ ਚੰਦ ਗ੍ਰਹਿਣ ਕਿਹਾ ਜਾਂਦਾ ਹੈ | ਚੰਦਰਮਾ ਦਾ ਵਿਆਸ 3478 ਕਿਲੋਮੀਟਰ ਹੈ | ਚੰਦਰਮਾ ਦਾ ਦਿਨ ਸਾਡੀ ਧਰਤੀ ਦੇ 14 ਦਿਨਾਂ ਦੇ ਬਰਾਬਰ ਹੁੰਦਾ ਹੈ |

-ਮਸੀਤਾਂ ਰੋਡ, ਕੋਟ ਈਸੇ ਖਾਂ, ਜ਼ਿਲ੍ਹਾ ਮੋਗਾ | ਮੋਬਾ: 70870-48140

ਇਟਲੀ ਦਾ ਸ਼ਹਿਰ ਵਿਰੋਨਾ

ਪਿਆਰੇ ਬੱਚਿਓ, ਤੁਸੀਂ ਜਾਣਦੇ ਹੋ ਕਿ ਸੈਕਸ਼ਪੀਅਰ ਯੂਰਪ ਦਾ ਪ੍ਰਸਿੱਧ ਕਵੀ ਹੋਇਆ ਹੈ | ਉਸ ਦਾ ਪ੍ਰਸਿੱਧ ਨਾਵਲ 'ਰੋਮੀਓ ਅਤੇ ਜੂਲੀਅਟ' ਉਸ ਦੀ ਮਹਾਨ ਰਚਨਾ ਮੰਨੀ ਜਾਂਦੀ ਹੈ | ਇਸ ਨਾਵਲ ਦੀ ਨਾਇਕਾ ਜੂਲੀਅਸ ਦੀ ਜਨਮ ਭੂਮੀ ਹੈ ਇਟਲੀ ਦਾ ਪ੍ਰਸਿੱਧ ਸੈਲਾਨੀ ਸ਼ਹਿਰ ਵਿਰੋਨਾ | ਯੂਰਪ ਮਹਾਂਦੀਪ ਦਾ ਇਹ ਵਿਲੱਖਣ ਸ਼ਹਿਰ ਇਟਲੀ ਦੇ ਉੱਤਰੀ ਖੇਤਰ ਵਿਚ ਸਥਿਤ ਹੈ, ਜੋ 206 ਕਿਲੋਮੀਟਰ ਰਕਬੇ ਵਿਚ ਫੈਲਿਆ ਹੋਇਆ ਹੈ | ਤਕਰੀਬਨ ਢਾਈ ਲੱਖ ਦੀ ਆਬਾਦੀ ਵਾਲਾ ਇਹ ਸ਼ਹਿਰ ਦੁਨੀਆ ਭਰ ਦੇ ਸੈਲਾਨੀਆਂ ਨੂੰ ਆਪਣੇ ਵੱਲ ਆਕਰਸ਼ਤ ਕਰਦਾ ਹੈ | ਇਸ ਸ਼ਹਿਰ ਵਿਚ ਕਈ ਸਾਲਾਨਾ ਮੇਲੇ ਅਤੇ ਸੰਗੀਤ ਦੇ ਸਮਾਗਮ ਆਯੋਜਿਤ ਕੀਤੇ ਜਾਂਦੇ ਹਨ |
ਯੂਰਪੀ ਸੰਘ ਦੇ ਆਪਸੀ ਸਮਝੌਤਿਆਂ ਕਾਰਨ ਕਈ ਦੇਸ਼ਾਂ ਦੇ ਸੈਲਾਨੀ ਬਿਨਾਂ ਵੀਜ਼ੇ ਦੇ ਇਸ ਸ਼ਹਿਰ ਦੀ ਸੈਰ ਕਰ ਸਕਦੇ ਹਨ | ਇਥੇ ਕਈ ਇਤਿਹਾਸਕ ਕਿਲ੍ਹੇ ਅਤੇ ਥਾਵਾਂ ਦੇਖਣ ਯੋਗ ਹਨ, ਜਿਵੇਂ ਕਾਲਜ ਆਫ ਵਿਰੋਨਾ, ਕਲਾਕ ਵਾਈਜ ਸੱਜੇ ਤੋਂ ਖੱਬੇ, ਸਨਸੈੱਟ ਪੁਆਇੰਟ, ਸਲਿਊਟ ਆਫ ਮੈਡੋਨਾ, ਵਿਰੋਨਾ ਫਾਊਨਟੈਨ | ਇਸ ਪ੍ਰਸਿੱਧ ਸ਼ਹਿਰ ਵਿਚ ਸਵਿਟਜ਼ਰਲੈਂਡ, ਆਸਟਰੀਆ ਅਤੇ ਫਰਾਂਸ ਦੇ ਸੈਲਾਨੀ ਆਪਣੀਆਂ ਕਾਰਾਂ ਰਾਹੀਂ ਪਹੁੰਚਦੇ ਹਨ | ਵਿਰੋਨਾ ਸ਼ਹਿਰ ਵਿਚ ਹੀ ਜੂਲੀਅਟ ਦੀ ਯਾਦ ਨੂੰ ਤਾਜ਼ਾ ਕਰਦੀ ਜੂਲੀਅਟ ਦੀ ਰਿਹਾਇਸ਼ 'ਤੇ ਬਾਲਕੋਨੀ ਵੀ ਮੌਜੂਦ ਹੈ, ਜੋ ਸੈਲਾਨੀਆਂ ਲਈ ਖਿੱਚ ਦਾ ਕਾਰਨ ਬਣਦੀ ਹੈ | 14ਵੀਂ ਸਦੀ ਦੀ ਇਸ ਮਹੱਤਵਪੂਰਨ ਯਾਦ ਨੂੰ ਅੱਜ ਵੀ ਇਟਾਲੀਅਨ ਲੋਕਾਂ ਨੇ ਬਾਖੂਬੀ ਸਾਂਭਿਆ ਹੋਇਆ ਹੈ | ਸੈਕਸ਼ਪੀਅਰ ਦਾ ਦੂਜਾ ਨਾਵਲ 'ਟੂ ਜੈਂਟਲਮੈਨ ਆਫ ਵਿਰੋਨਾ' ਵੀ ਇਸ ਮਹਾਨ ਸ਼ਹਿਰ ਨਾਲ ਹੀ ਸਬੰਧਿਤ ਹੈ | ਜੂਲੀਅਟ ਦੇ ਇਸ ਸ਼ਹਿਰ ਦੀ ਵਿਲੱਖਣਤਾ ਕਾਰਨ ਹੀ ਯੂਨੈਸਕੋ ਵਲੋਂ ਇਸ ਸ਼ਹਿਰ ਨੂੰ ਵਿਸ਼ਵ ਹੈਰੀਟੇਜ ਦਾ ਦਰਜਾ ਦਿੱਤਾ ਗਿਆ ਹੈ | ਇਸ ਇਤਿਹਾਸਕ ਸ਼ਹਿਰ ਦੇ ਦਰਸ਼ਨ ਸੈਲਾਨੀਆਂ ਨੂੰ ਨਵਾਂ ਹੁਲਾਰਾ ਦਿੰਦੇ ਹਨ |

-ਪਿੰਡ ਤੇ ਡਾਕ: ਕੋਟਲੀ ਖਾਸ, ਤਹਿ: ਮੁਕੇਰੀਆਂ (ਹੁਸ਼ਿਆਰਪੁਰ) | ਮੋਬਾ: 94653-69343

ਚੁਟਕਲੇ

• ਨਤਾਸ਼ਾ (ਪਤੀ ਨੂੰ )-ਦੇਖੋ ਜੀ, ਸਾਡੇ ਘਰ ਦੇ ਦਰਵਾਜ਼ੇ-ਖਿੜਕੀਆਂ ਸਭ ਜ਼ੋਰ-ਜ਼ੋਰ ਨਾਲ ਹਿੱਲ ਰਹੇ ਹਨ |
ਪਤੀ-ਤੰੂ ਚੱੁਪ-ਚਾਪ ਸੌਾ ਜਾ, ਸਾਡਾ ਮਕਾਨ ਤਾਂ ਕਿਰਾਏ ਦਾ ਹੈ, ਹਿੱਲੇ ਜਾਂ ਟੱੁਟੇ, ਸਾਨੂੰ ਕੀ?
• ਜੋਨੀ (ਡਾਕਟਰ ਨੂੰ )-ਡਾਕਟਰ ਸਾਹਿਬ, ਹੁਣ ਵੀ ਜਦ ਮੈਂ ਭਾਸ਼ਨ ਦੇਣ ਲਗਦਾ ਹਾਂ ਤਾਂ ਜ਼ਬਾਨ ਤਾਲੂ ਨਾਲ ਚਿਪਕ ਜਾਂਦੀ ਹੈ ਤੇ ਬੱੁਲ੍ਹ ਕੰਬਣ ਲਗਦੇ ਹਨ |
ਡਾਕਟਰ-ਇਸ ਵਿਚ ਘਬਰਾਉਣ ਵਾਲੀ ਕੋਈ ਗੱਲ ਨਹੀਂ, ਝੂਠ ਬੋਲਦੇ ਸਮੇਂ ਅਜਿਹਾ ਹੁੰਦਾ ਹੀ ਹੈ |
• ਦੁਕਾਨਦਾਰ (ਕੱਪੜਾ ਦਿਖਾਉਂਦਾ ਹੋਇਆ)-ਬਾਬੂ ਜੀ, ਇਹ ਕੱਪੜਾ ਤੁਹਾਡੇ 'ਤੇ ਬਹੁਤ ਜਚੇਗਾ | ਇਸ ਦਾ ਰੰਗ ਤੁਹਾਡੇ ਚਿਹਰੇ ਨਾਲ ਬਹੁਤ ਮਿਲਦਾ ਹੈ |
ਬਾਬੂ ਜੀ-ਪਰ ਭਾਈ, ਮੇਰੇ ਮੰੂਹ ਦਾ ਰੰਗ ਅਜਿਹਾ ਨਹੀਂ, ਇਹ ਤਾਂ ਕੱਪੜੇ ਦਾ ਰੇਟ ਸੁਣ ਕੇ ਅਜਿਹਾ ਬਣ ਗਿਆ ਹੈ |
• ਇਕ ਤਲਾਕ ਦੇ ਮੁਕੱਦਮੇ ਵਿਚ ਜੱਜ (ਮਹਿਲਾ ਨੂੰ )-ਕੀ ਤੁਹਾਡਾ ਪਤੀ ਤੁਹਾਨੂੰ ਮਾਰਦਾ ਵੀ ਸੀ?
ਮਹਿਲਾ-ਹਾਂ ਜੀ, ਗੱੁਸੇ ਵਿਚ ਕੰਧ 'ਤੇ ਜ਼ੋਰ-ਜ਼ੋਰ ਨਾਲ ਮੱੁਕੇ ਮਾਰਦਾ ਸੀ ਅਤੇ ਕਹਿੰਦਾ ਸੀ ਕਿ ਕਾਸ਼! ਤੰੂ ਇਸ ਥਾਂ 'ਤੇ ਹੁੰਦੀ |

-ਅਜੇਸ਼ ਗੋਇਲ ਬਿੱਟੂ,
ਹੁਸਨਰ ਰੋਡ, ਗਿੱਦੜਬਾਹਾ | ਮੋਬਾ: 98140-97917

ਲੜੀਵਾਰ ਨਾਵਲ-18: ਮਾਲਵਾ ਐਕਸਪ੍ਰੈੱਸ

'ਵੀਰ ਜੀ, ਬਿਮਾਰ ਸੋਚ ਤੋਂ ਮਤਲਬ ਅਜਿਹੀ ਸੋਚ ਤੋਂ ਹੈ, ਜਿਸ ਸੋਚ ਵਿਚ ਵਿਸ਼ਵਾਸ ਦੀ ਕਮੀ ਹੋਵੇ, ਵਿਚਾਰ ਪਿਛਾਂਹਖਿੱਚੂ ਹੋਣ... ਢਹਿੰਦੀ ਕਲਾ ਵੱਲ ਜਾਣਾ... ਸੂਰਜ ਵੱਲ ਪਿੱਠ ਕਰਨੀ... ਇਹ ਸਾਰੀਆਂ ਬਿਮਾਰ ਸੋਚ ਦੀਆਂ ਨਿਸ਼ਾਨਈਆਂ ਨੇ... |' ਡੌਲੀ ਇਕ ਅਨੋਖੇ ਵਿਸ਼ਵਾਸ ਨਾਲ ਆਖ ਰਹੀ ਸੀ |
ਸਾਰੇ ਬੱਚੇ ਡੌਲੀ ਦੀਆਂ ਆਤਮਵਿਸ਼ਵਾਸ ਤੇ ਹੌਸਲੇ ਵਾਲੀਆਂ ਗੱਲਾਂ ਸੁਣ-ਸੁਣ ਹੈਰਾਨ ਹੋ ਰਹੇ ਸਨ, ਜਦੋਂ ਅੱਧੀ ਛੱੁਟੀ ਬੰਦ ਹੋਣ ਦੀ ਘੰਟੀ ਵੱਜ ਗਈ |
ਮੌਸਮ ਹੌਲੀ-ਹੌਲੀ ਬਦਲ ਰਿਹਾ ਸੀ | ਗਰਮੀ ਤੋਂ ਬਾਅਦ ਮੌਸਮ ਬਹੁਤ ਸੁਹਾਵਣਾ ਆ ਗਿਆ ਸੀ | ਅਕਤੂਬਰ ਮਹੀਨੇ ਹਲਕੀ-ਹਲਕੀ ਠੰਢ ਸ਼ੁਰੂ ਹੋ ਗਈ ਸੀ |
ਦੁਸਹਿਰੇ ਦੀਆਂ ਛੱੁਟੀਆਂ ਤੋਂ ਬਾਅਦ ਅੱਜ ਸਕੂਲ ਲੱਗਾ ਸੀ | ਸਾਰੇ ਬੱਚੇ ਬਹੁਤ ਪ੍ਰਸੰਨ ਦਿਖਾਈ ਦੇ ਰਹੇ ਸਨ | ਉਨ੍ਹਾਂ ਦੇ ਚਿਹਰੇ ਉੱਪਰ ਇਕ ਅਨੋਖੀ ਖੁਸ਼ੀ ਨਜ਼ਰ ਆ ਰਹੀ ਸੀ |
ਅੱਧੀ ਛੱੁਟੀ ਹੁੰਦਿਆਂ ਹੀ ਡੌਲੀ ਤੇ ਉਸ ਦੇ ਸਾਥੀ ਬੱਚੇ ਮੈਦਾਨ ਵਿਚ ਆ ਗਏ | ਡੌਲੀ ਅੱਜ ਪਹਿਲਾਂ ਤੋਂ ਜ਼ਿਆਦਾ ਖੁਸ਼ ਨਜ਼ਰ ਆ ਰਹੀ ਸੀ | ਉਸ ਦੇ ਇਕ ਹੱਥ ਵਿਚ ਬਰਫੀ ਦਾ ਡੱਬਾ ਤੇ ਦੂਜੇ ਹੱਥ ਵਿਚ ਅਖ਼ਬਾਰ ਫੜੀ ਹੋਈ ਸੀ |
'ਡੌਲੀ! ਕੀ ਗੱਲ ਅੱਜ ਤੇਰਾ ਜਨਮ ਦਿਨ ਏ, ਡੱਬਾ ਚੱੁਕੀ ਫਿਰਦੀ ਏਾ...?' ਰਾਜਨ ਨੇ ਉਤਸੁਕਤਾ ਨਾਲ ਪੱੁਛਿਆ |
'ਨਹੀਂ, ਬਰਥਡੇ 'ਤੇ ਨਹੀਂ... ਅੱਜ ਇਕ ਹੋਰ ਖੁਸ਼ੀ ਵਾਲੀ ਖ਼ਬਰ ਏ... ਆਹ ਪੜ੍ਹੋ ਅੱਜ ਦਾ ਪੇਪਰ... 'ਮਾਲਵਾ ਐਕਸਪ੍ਰੈੱਸ ਹੁਣ ਦਸੂਹੇ ਵੀ ਰੁਕਿਆ ਕਰੇਗੀ...', ਡੌਲੀ ਦੇ ਚਿਹਰੇ ਤੋਂ ਇਕ ਅਨੋਖਾ ਵਿਸ਼ਵਾਸ ਝਲਕ ਰਿਹਾ ਸੀ |
'ਕਮਾਲ ਹੋ ਗਈ! ਸੱਚ ਡੌਲੀ! ਇਹ ਤਾਂ ਬਹੁਤ ਖੁਸ਼ੀ ਵਾਲੀ ਗੱਲ ਏ... ਵਿਸ਼ਵਾਸ ਨਹੀਂ ਹੋ ਰਿਹਾ |'
ਦੂਜੇ ਬੱਚੇ ਵੀ ਇਹ ਖ਼ਬਰ ਸੁਣ ਕੇ ਬਹੁਤ ਖੁਸ਼ ਹੋਏ |
'ਡੌਲੀ, ਤੇਰੇ ਦਾਦਾ ਜੀ ਦੀ ਮਿਹਨਤ ਤੇ ਲਗਨ ਰੰਗ ਲਿਆਈ ਏ... ਸੱਚਮੱੁਚ ਬਹੁਤ ਮਿਹਨਤ ਕੀਤੀ ਏ ਉਨ੍ਹਾਂ ਨੇ...', ਗੌਰਵ ਨੇ ਖੁਸ਼ ਹੋ ਕੇ ਆਖਿਆ |
'ਕੱਲ੍ਹ ਹੀ ਦਾਦਾ ਜੀ ਨੂੰ ਰੇਲਵੇ ਮੰਤਰੀ ਦੀ ਲਿਖੀ ਇਕ ਰਜਿਸਟਰਡ ਚਿੱਠੀ ਮਿਲ ਗਈ ਸੀ, ਜਿਸ ਵਿਚ ਮਾਲਵਾ ਐਕਸਪ੍ਰੈੱਸ ਦੇ ਦਸੂਹਾ ਰੁਕਣ ਬਾਰੇ ਸੂਚਨਾ ਸੀ | ਰਾਤੀਂ ਐਮ.ਐਲ.ਏ. ਸਾਬ੍ਹ ਦਾ ਫੋਨ ਵੀ ਚੰਡੀਗੜ੍ਹੋਂ ਆ ਗਿਆ ਸੀ... ਆਹ ਲਓ ਮੰੂਹ ਮਿੱਠਾ ਕਰੋ |' ਡੌਲੀ ਨੇ ਬਰਫ਼ੀ ਵਾਲਾ ਡੱਬਾ ਖੋਲ੍ਹਦਿਆਂ ਕਿਹਾ |
ਸਾਰੇ ਬੱਚੇ ਖੁਸ਼ੀ-ਖੁਸ਼ੀ ਬਰਫ਼ੀ ਖਾਣ ਲੱਗੇ |
'ਡੌਲੀ ਭਲਾ ਕਿੰਨਾ ਸਮਾਂ ਲੱਗਾ ਇਸ ਸਾਰੇ ਕੰਮ ਨੂੰ ... ਮੇਰਾ ਮਤਲਬ ਏ ਦਾਦਾ ਜੀ ਕਿੰਨੇ ਸਾਲਾਂ ਤੋਂ ਇਹ ਕੋਸ਼ਿਸ਼ ਕਰ ਰਹੇ ਸੀ?' ਪ੍ਰੀਤ ਨੇ ਉਤਸੁਕਤਾ ਨਾਲ ਪੱੁਛਿਆ |
'ਲਗਪਗ ਤਿੰਨ ਸਾਲ ਦਾ ਸਮਾਂ ਲੱਗ ਗਿਆ ਏ, ਕਿਉਂਕਿ ਇਹੋ ਜਿਹੇ ਕੰਮ ਬਹੁਤ ਲੰਬੇ ਹੁੰਦੇ ਹਨ | ਹੁਣ ਅਗਲੇ ਹਫ਼ਤੇ ਰੇਲਵੇ ਸਟੇਸ਼ਨ 'ਤੇ ਵਪਾਰ ਮੰਡਲ ਦਸੂਹਾ ਵਲੋਂ ਇਕ ਸਮਾਗਮ ਹੋ ਰਿਹਾ ਏ | ਉਸੇ ਦਿਨ ਹੀ ਮਾਲਵਾ ਐਕਸਪ੍ਰੈੱਸ ਪਹਿਲੀ ਵਾਰੀ ਦਸੂਹਾ ਰੇਲਵੇ ਸਟੇਸ਼ਨ 'ਤੇ ਰੁਕੇਗੀ |' ਡੌਲੀ ਨੇ ਪੂਰੇ ਵਿਸਥਾਰ ਨਾਲ ਗੱਲ ਦੱਸੀ |
'ਡੌਲੀ ਸਮਾਗਮ ਵਿਚ ਕੌਣ-ਕੌਣ ਜਾ ਰਹੇ ਨੇ...?' ਰਾਜਨ ਨੇ ਪੱੁਛਿਆ |
(ਬਾਕੀ ਅਗਲੇ ਸਨਿਚਰਵਾਰ ਦੇ ਅੰਕ 'ਚ)

-ਨੇੜੇ ਸੇਂਟ ਪਾਲ ਕਾਨਵੈਂਟ ਸਕੂਲ, ਨਿਹਾਲਪੁਰ ਰੋਡ, ਦਸੂਹਾ, (ਹੁਸ਼ਿਆਰਪੁਰ) |
ਮੋਬਾਈਲ : 98552-35424

ਬਾਲ ਗੀਤ: ਕਰੜੀ ਮਿਹਨਤ ਤੋਂ ਨਾ...

ਮੰਜ਼ਿਲਾਂ ਉੱਚੀਆਂ ਨੂੰ ਜੇ,
ਤੁਸੀਂ ਪਾਉਣਾ ਬੱਚਿਓ |
ਕਰੜੀ ਮਿਹਨਤ ਤੋਂ ਨਾ,
ਕੰਨੀ ਕਤਰਾਉਣਾ ਬੱਚਿਓ |
ਮਿਹਨਤਾਂ ਨੂੰ ਲਗਦੇ ਨੇ,
ਸਦਾ ਮਿੱਠੇ-ਮਿੱਠੇ ਫਲ |
ਔਖੇ ਵੱਡੇ ਕੰਮਾਂ ਦਾ ਹੈ,
ਇਕੋ ਮਿਹਨਤ ਹੀ ਹੱਲ |
ਹਰੇਕ ਕੰਮ ਸਮੇਂ ਸਿਰ,
ਹੈ ਮੁਕਾਉਣਾ ਬੱਚਿਓ |
ਕਰੜੀ ਮਿਹਨਤ ਤੋਂ ਨਾ.... |
ਉੱਚੇ-ਵੱਡੇ ਅਹੁਦਿਆਂ 'ਤੇ,
ਮਿਹਨਤ ਹੈ ਪੁਚਾਂਵਦੀ |
ਦੁਨੀਆ ਤੋਂ ਸਲਾਮਾਂ ਇਹ,
ਮਿਹਨਤ ਹੀ ਕਰਾਂਵਦੀ |
ਵਕਤ ਬੀਤਿਆ ਨਾ ਫਿਰ,
ਹੱਥ ਆਉਣਾ ਬੱਚਿਓ |
ਕਰੜੀ ਮਿਹਨਤ ਤੋਂ ਨਾ..... |
ਜਿਹੜੇ ਬੱਚੇ ਮਿਹਨਤ ਤੋਂ,
ਕੰਨੀਂ ਪਏ ਕੁਤਰਾਂਦੇ ਨੇ |
ਓਹੀ ਬੱਚੇ ਪੜ੍ਹਾਈ ਵਿਚ,
ਸਦਾ ਪਿੱਛੇ ਰਹਿ ਜਾਂਦੇ ਨੇ |
'ਤਲਵੰਡੀ' ਸਰ ਦੀ ਗੱਲ,
ਦਿਲ 'ਚ ਵਸਾਉਣਾ ਬੱਚਿਓ,
ਕਰੜੀ ਮਿਹਨਤ ਤੋਂ ਨਾ.... |

-ਅਮਰੀਕ ਸਿੰਘ ਤਲਵੰਡੀ ਕਲਾਂ,
ਗਿੱਲ ਨਗਰ, ਗਲੀ ਨੰ: 13, ਮੱੁਲਾਂਪੁਰ ਦਾਖਾ (ਲੁਧਿਆਣਾ) | ਮੋਬਾ: 94635-42896

ਬਾਲ ਸਾਹਿਤ

ਕੁਦਰਤ ਦੀਆਂ ਸੌਗਾਤਾਂ
ਲੇਖਕ : ਓਮਕਾਰ ਸੂਦ
ਸਫੇ : 60, ਮੱੁਲ : 90 ਰੁਪਏ
ਪ੍ਰਕਾਸ਼ਕ : ਸੰਗਮ ਪਬਲੀਕੇਸ਼ਨਜ਼, ਸਮਾਣਾ |
ਸੰਪਰਕ : 96540-36080

ਲੇਖਕ ਓਮਕਾਰ ਸੂਦ ਕਾਫੀ ਅਰਸੇ ਤੋਂ ਪੰਜਾਬੀ ਬਾਲ ਸਾਹਿਤ ਲਗਾਤਾਰ ਲਿਖ ਰਿਹਾ ਹੈ | 'ਕੁਦਰਤ ਦੀਆਂ ਸੌਗਾਤਾਂ' ਉਸ ਦੀ ਪੰਜਾਬੀ ਬਾਲ ਸਾਹਿਤ ਲਈ ਪੰਜਵੀਂ ਪੁਸਤਕ ਹੈ | ਲੇਖਕ ਬਾਲ ਸਾਹਿਤ ਇਸ ਕਰਕੇ ਲਿਖਦਾ ਹੈ, ਤਾਂ ਜੋ ਅੱਜ ਦਾ ਬਾਲ ਪਾਠਕ ਵੱਡਾ ਹੋ ਕੇ ਇਕ ਚੰਗਾ ਇਨਸਾਨ ਬਣ ਸਕੇ, ਆਪਣੇ ਸਮਾਜ ਤੇ ਦੇਸ਼ ਦੀ ਸੇਵਾ ਕਰ ਸਕੇ, ਉਸ ਦੇ ਦਿਲ ਵਿਚ ਇਨਸਾਨਾਂ ਪ੍ਰਤੀ ਪਿਆਰ ਤੇ ਹਮਦਰਦੀ ਹੋਵੇ |
ਪੁਸਤਕ ਵਿਚ 51 ਨਰਸਰੀ ਗੀਤਾਂ ਤੋਂ ਇਲਾਵਾ ਹੋਰ 23 ਬੜੀਆਂ ਹੀ ਖੂਬਸੂਰਤ ਤੇ ਰੌਚਕ ਕਵਿਤਾਵਾਂ ਹਨ | ਪਹਿਲੇ ਨਰਸਰੀ ਗੀਤ ਸਿਰਫ ਚੰਨ-ਸਿਤਾਰਿਆਂ ਬਾਰੇ ਹੀ ਹਨ |
ਚੰਨ ਸਿਤਾਰੇ ਅੰਬਰ ਉੱਤੇ,
ਗਾਉਣ ਪਏ ਕਵਿਤਾਵਾਂ |
ਜੀ ਕਰਦਾ ਮੈਂ ਮਾਰ ਉਡਾਰੀ,
ਕੋਲ ਇਨ੍ਹਾਂ ਦੇ ਜਾਵਾਂ |
ਬਾਲਾਂ ਨੂੰ ਫੱੁਲਾਂ, ਪੰਛੀਆਂ, ਬੱਦਲਾਂ ਤੇ ਕਣੀਆਂ ਨਾਲ ਬੜਾ ਮੋਹ ਹੁੰਦਾ ਹੈ | ਇਸ ਕਰਕੇ ਲੇਖਕ ਨੇ 'ਬੱਦਲ ਆਏ', 'ਕਣੀਆਂ', 'ਰੱੁਖਾਂ ਦਾ ਗੀਤ', 'ਤਿਤਲੀ', 'ਚਿੜੀ ਦੀ ਪੁਕਾਰ', 'ਸਾਉਣ ਦਾ ਮਹੀਨਾ', 'ਨੀਰ ਬਚਾਓ' ਵਰਗੀਆਂ ਕਵਿਤਾਵਾਂ ਲਿਖੀਆਂ | ਸਾਰੀਆਂ ਕਵਿਤਾਵਾਂ ਲੈਅ ਵਿਚ ਹਨ, ਬਾਲ ਪਾਠਕ ਅਸਾਨੀ ਨਾਲ ਯਾਦ ਕਰਕੇ ਆ ਸਕਦਾ ਹੈ | ਇਹ ਕਵਿਤਾਵਾਂ ਬਾਲ ਪਾਠਕਾਂ ਦਾ ਮਨੋਰੰਜਨ ਤਾਂ ਕਰਨਗੀਆਂ ਹੀ, ਉਨ੍ਹਾਂ ਨੂੰ ਸਿੱਖਿਆ ਵੀ ਦੇਣਗੀਆਂ | ਕਵਿਤਾਵਾਂ ਨਾਲ ਢੁਕਵੇਂ ਚਿੱਤਰ ਰਚਨਾਵਾਂ ਨੂੰ ਹੋਰ ਖੂਬਸੂਰਤ ਬਣਾਉਂਦੇ ਹਨ | ਪੰਜਾਬੀ ਬਾਲ ਸਾਹਿਤ ਵਿਚ 'ਕੁਦਰਤ ਦੀਆਂ ਸੌਗਾਤਾਂ' ਵਰਗੀਆਂ ਪੁਸਤਕਾਂ ਦੀ ਬੜੀ ਲੋੜ ਹੈ | ਇਸ ਤਰ੍ਹਾਂ ਦੀਆਂ ਪੁਸਤਕਾਂ ਹਰ ਸਕੂਲ ਦੀ ਲਾਇਬ੍ਰੇਰੀ ਵਿਚ ਜ਼ਰੂਰ ਹੋਣੀਆਂ ਚਾਹੀਦੀਆਂ ਹਨ | ਪੁਸਤਕ ਪੜ੍ਹਨ ਤੇ ਸਾਂਭਣਯੋਗ ਹੈ | ਲੇਖਕ ਨੇ ਪੰਜਾਬੀ ਬਾਲ ਸਾਹਿਤ ਦੀ ਝੋਲੀ ਵਿਚ ਵਧੀਆ ਸੌਗਾਤ ਪਾਈ ਹੈ | ਪੁਸਤਕ 'ਕੁਦਰਤ ਦੀਆਂ ਸੌਗਾਤਾਂ' ਦਾ ਪੰਜਾਬੀ ਬਾਲ ਸਾਹਿਤ ਵਿਚ ਸਵਾਗਤ ਹੈ |

-ਅਵਤਾਰ ਸਿੰਘ ਸੰਧੂ,
ਮੋਬਾ: 99151-82971

ਰੱੁਖ ਲਗਾਈਏ

ਵਾਤਾਵਰਨ ਨੂੰ ਸ਼ੱੁਧ ਬਣਾਈਏ,
ਰਲ-ਮਿਲ ਸਾਰੇ ਰੱੁਖ ਲਗਾਈਏ |
ਪ੍ਰਦੂਸ਼ਣ ਦਾ ਹੋਏ ਖ਼ਾਤਮਾ,
ਆਓ ਧਰਤੀ ਸਵਰਗ ਬਣਾਈਏ |
ਖੁਸ਼ੀਆਂ ਵੰਡਣ ਰੱੁਖ ਪਿਆਰੇ,
ਜੰਨਤ ਵਰਗੇ ਦੇਣ ਨਜ਼ਾਰੇ |
ਇਨ੍ਹਾਂ ਨੂੰ ਖੁਦ ਕੱਟ ਕੇ ਹੱਥੀਂ,
ਨਾ ਮੁਸ਼ਕਿਲ ਆਪਣੀ ਆਪ ਵਧਾਈਏ,
ਵਾਤਾਵਰਨ ਨੂੰ ਸ਼ੱੁਧ........ |
ਠੰਢੀਆਂ ਸਾਨੂੰ ਦਿੰਦੇ ਛਾਵਾਂ,
ਆਕਸੀਜਨ ਤੇ ਮਸਤ ਹਵਾਵਾਂ |
ਦੂਰ ਬਿਮਾਰੀਆਂ ਸਾਥੋਂ ਰੱਖਦੇ,
ਫਲ ਮੇਵੇ ਇਨ੍ਹਾਂ ਤੋਂ ਖਾਈਏ,
ਵਾਤਾਵਰਨ ਨੂੰ ਸ਼ੱੁਧ........ |
ਪੰਛੀਆਂ ਦਾ ਇਹ ਮੱੁਖ ਟਿਕਾਣਾ,
ਬੰਦਿਆ ਬਣ ਜਾ ਤੰੂ ਸਿਆਣਾ |
ਵੀਰਪਾਲ ਮੀਂਹ ਰੱੁਖਾਂ ਕਰਕੇ,
ਜੱਗ ਕਰਕੇ ਨਾ ਅਸੀਂ ਪਵਾਈਏ |
ਵਾਤਾਵਰਨ ਨੂੰ ਸ਼ੱੁਧ....... |

-ਵੀਰਪਾਲ ਕੌਰ ਭੱਠਲ,
ਪਿੰਡ ਭਨੋਹੜਾ, ਮੱੁਲਾਂਪੁਰ ਦਾਖਾ (ਲੁਧਿਆਣਾ) |

ਬੁਝਾਰਤਾਂ

1. ਧੱੁਪ ਦੇਖ ਕੇ ਪੈਦਾ ਹੋਇਆ, ਛਾਂ ਦੇਖ ਮੁਰਝਾ ਗਿਆ |
2. ਉਹ ਕਿਹੜਾ ਸੱਪ ਹੈ, ਜਿਸ ਨੂੰ ਸਪੇਰਾ ਫੜਦਾ ਨਹੀਂ |
3. ਮਾਂ ਸਾਰੇ ਜਗਤ ਦੀ, ਇਸ ਤੋਂ ਬਾਝ ਨਾ ਕੋਈ |
ਬੱੁਢੀ ਲੱਖਾਂ ਵਰਿ੍ਹਆਂ ਦੀ, ਪਰ ਅਜੇ ਵੀ ਨਵੀਂ ਨਰੋਈ |
4. ਸੋਲਾਂ ਧੀਆਂ, ਚਾਰ ਜਵਾਈ |
5. ਬਾਪੂ ਕਹੇ 'ਤੇ ਅੜ ਜਾਂਦਾ,
ਚਾਚਾ ਕਹੇ 'ਤੇ ਖੱੁਲ੍ਹ ਜਾਂਦਾ |
ਉੱਤਰ : (1) ਪ੍ਰਛਾਵਾਂ, (2) ਭੰਗੜੇ ਦਾ ਸਾਜ਼ ਸੱਪ, (3) ਧਰਤੀ, (4) ਉਂਗਲਾਂ ਤੇ ਅੰਗੂਠਾ, (5) ਬੱੁਲ੍ਹ |

-ਅਵਤਾਰ ਸਿੰਘ ਕਰੀਰ,
ਮੋਗਾ | ਮੋਬਾ: 82838-00190

ਚੋਣਾਂ ਵਿਚ ਵਰਤੀ ਜਾਣ ਵਾਲੀ ਅਮਿਟ ਸਿਆਹੀ

ਚੋਣਾਂ ਚਾਹੇ ਲੋਕ ਸਭਾ ਦੀਆਂ ਹੋਣ ਜਾਂ ਫਿਰ ਵਿਧਾਨ ਸਭਾ ਦੀਆਂ, ਚੋਣਾਂ ਜ਼ਿਲ੍ਹਾ ਪ੍ਰੀਸ਼ਦ ਦੀਆਂ ਹੋਣ ਤਾਂ ਵੀ ਅਤੇ ਪੰਚਾਇਤ ਦੀਆਂ ਹੋਣ, ਫਿਰ ਵੀ ਭਾਰਤ ਵਿਚ ਹੋਣ ਵਾਲੀਆਂ ਕਿਸੇ ਵੀ ਤਰ੍ਹਾਂ ਦੀਆਂ ਚੋਣਾਂ ਲਈ ਇਕ ਸਿਆਹੀ ਦੀ ਵਰਤੋਂ ਕੀਤੀ ਜਾਂਦੀ ਹੈ, ਜਿਸ ਦਾ ਉਪਯੋਗ ਸਭ ਨੂੰ ਆਪਣੇ ਵੱਲ ਖਿੱਚਦਾ ਹੈ। ਬੈਂਗਣੀ ਰੰਗ ਦੀ ਇਹ ਸਿਆਹੀ 'ਅਮਿਟ ਸਿਆਹੀ' ਵਜੋਂ ਜਾਣੀ ਜਾਂਦੀ ਹੈ। ਇਸ ਸਿਆਹੀ ਨੂੰ ਵੋਟਰ ਦੇ ਖੱਬੇ ਹੱਥ ਦੀ ਇਕ ਖਾਸ ਉਂਗਲ 'ਤੇ ਨਿਉਂਦਰ ਅਤੇ ਚਮੜੀ ਦਰਮਿਆਨ ਲਗਾਇਆ ਜਾਂਦਾ ਹੈ। ਇਸ ਨੂੰ ਇਕ ਵਾਰ ਉਂਗਲੀ 'ਤੇ ਲਾਉਣ ਨਾਲ ਇਹ ਕੁਝ ਦਿਨਾਂ ਤੱਕ ਉਸੇ ਤਰ੍ਹਾਂ ਉਂਗਲ 'ਤੇ ਬਣੀ ਰਹਿੰਦੀ ਹੈ। ਇਹ ਵਿਸ਼ੇਸ਼ ਕਿਸਮ ਦੀ ਸਿਆਹੀ ਦੱਖਣੀ ਭਾਰਤ ਦੇ ਰਾਜ ਕਰਨਾਟਕ ਵਿਖੇ ਸਥਿਤ ਮੈਸੂਰ ਪੇਂਟਸ ਅਤੇ ਵਾਰਨਿਸ਼ ਲਿਮਟਿਡ (ਐਮ.ਪੀ.ਵੀ.ਐਲ.) ਵਿਖੇ ਬਣਾਈ ਜਾਂਦੀ ਹੈ। ਭਾਰਤ ਵਿਚ ਅਮਿਟ ਸਿਆਹੀ ਸਪਲਾਈ ਕਰਨ ਵਾਲੀ ਇਹ ਇਕੱਲੀ ਕੰਪਨੀ ਹੈ। ਮੈਸੂਰ ਪੇਂਟਸ ਅਤੇ ਵਾਰਨਿਸ਼ ਲਿਮਟਿਡ ਦੀ ਸਥਾਪਨਾ 1937 ਵਿਚ ਮੈਸੂਰ ਦੇ ਉਸ ਸਮੇਂ ਦੇ ਮਹਾਰਾਜਾ ਨਲਵਾੜੀ ਕ੍ਰਿਸ਼ਨਰਾਜ ਓਡਿਆਰ ਵਲੋਂ ਕੀਤੀ ਗਈ। ਇਸ ਕੰਪਨੀ ਨੂੰ ਅਮਿਟ ਸਿਆਹੀ ਬਣਾਉਣ ਲਈ ਸਰਕਾਰ ਵਲੋਂ ਵਿਸ਼ੇਸ਼ ਲਾਇਸੈਂਸ ਦਿੱਤਾ ਗਿਆ ਸੀ। 1962 ਵਿਚ ਭਾਰਤੀ ਚੋਣ ਕਮਿਸ਼ਨ ਨੇ ਪਹਿਲੀ ਵਾਰ ਇਸ ਕੰਪਨੀ ਨਾਲ ਇਹ ਸਿਆਹੀ ਸਪਲਾਈ ਕਰਨ ਲਈ ਸਮਝੌਤਾ ਕੀਤਾ ਸੀ। ਇਸ ਤੋਂ ਬਾਅਦ ਹੁਣ ਤੱਕ ਦੇਸ਼ ਵਿਚ ਹੋਣ ਵਾਲੀ ਕਿਸੇ ਵੀ ਚੋਣ ਲਈ ਇਹੀ ਕੰਪਨੀ ਅਮਿਟ ਸਿਆਹੀ ਸਪਲਾਈ ਕਰ ਰਹੀ ਹੈ। ਇਹ ਕੋਈ ਆਮ ਸਿਆਹੀ ਨਹੀਂ ਹੁੰਦੀ। ਇਸ ਸਿਆਹੀ ਵਿਚ 7 ਤੋਂ 25 ਫੀਸਦੀ ਤੱਕ ਸਿਲਵਰ ਨਾਈਟ੍ਰੇਟ ਹੁੰਦਾ ਹੈ, ਜੋ ਪ੍ਰਕਾਸ਼ ਦੇ ਸੰਪਰਕ ਵਿਚ ਆਉਣ ਨਾਲ ਚਮੜੀ 'ਤੇ ਇਕ ਗੂੜ੍ਹਾ ਨਿਸ਼ਾਨ ਛੱਡਦਾ ਹੈ। ਇਹ ਅਮਿਟ ਸਿਆਹੀ ਕਿਸੇ ਵੀ ਆਮ ਸਾਬਣ ਜਾਂ ਤੇਲ ਨਾਲ ਨਹੀਂ ਮਿਟਾਈ ਜਾ ਸਕਦੀ। ਇਸ ਦਾ ਮੁੱਖ ਮਕਸਦ ਚੋਣਾਂ ਵਿਚ ਸ਼ਰਾਰਤੀ ਅਨਸਰਾਂ ਵਲੋਂ ਇਕ ਤੋਂ ਵੱਧ ਵਾਰ ਵੋਟ ਪਾਉਣ ਤੋਂ ਰੋਕਣਾ ਹੁੰਦਾ ਹੈ। ਮੈਸੂਰ ਪੇਂਟਸ ਅਤੇ ਵਾਰਨਿਸ਼ ਲਿਮਟਿਡ ਆਪਣੇ ਮੁਲਕ ਤੋਂ ਇਲਾਵਾ ਕਈ ਹੋਰ ਦੇਸ਼ਾਂ ਨੂੰ ਵੀ ਅਮਿਟ ਸਿਆਹੀ ਸਪਲਾਈ ਕਰਦੀ ਹੈ। ਇਹ ਕੰਪਨੀ 1976 ਤੋਂ ਬਾਅਦ 28 ਦੇਸ਼ਾਂ ਦੀ ਇਹ ਅਮਿਟ ਸਿਆਹੀ ਦੀ ਜ਼ਰੂਰਤ ਨੂੰ ਪੂਰਾ ਕਰਦੀ ਆ ਰਹੀ ਹੈ, ਜਿਸ ਵਿਚ ਤੁਰਕੀ, ਦੱਖਣੀ ਅਫਰੀਕਾ, ਨਾਈਜੀਰੀਆ, ਨਿਪਾਲ, ਘਾਨਾ, ਬੁਰਕੀਨਾ, ਫਾਸੋ, ਮਲੇਸ਼ੀਆ, ਕੰਬੋਡੀਆ, ਕਨਾਡਾ, ਟੋਬੋ, ਸਿਆਰਾ ਲਿਓਨ ਅਤੇ ਪਾਪੁਆ ਨਿਊ ਗਿਨੀ ਵਰਗੇ ਪ੍ਰਮੁੱਖ ਦੇਸ਼ ਸ਼ਾਮਿਲ ਹਨ।

-ਸਾਇੰਸ ਮਾਸਟਰ, ਸ: ਮਿ: ਸਕੂਲ, ਭੋਏਵਾਲੀ (ਅੰਮ੍ਰਿਤਸਰ)। ਮੋਬਾ: 99152-31591

ਵਿਦਿਆਰਥੀਆਂ ਵਿਚ ਖੇਡਾਂ ਦੀ ਮਹੱਤਤਾ

ਪਿਆਰੇ ਬੱਚਿਓ, ਖੇਡਾਂ ਦਾ ਸਾਡੇ ਜੀਵਨ ਵਿਚ ਬਹੁਤ ਹੀ ਮਹੱਤਵ ਹੈ। ਖੇਡਾਂ ਸਾਨੂੰ ਜੀਵਨ ਜਾਚ ਸਿਖਾਉਂਦੀਆਂ ਹਨ। ਵਿਦਿਆਰਥੀ ਜੀਵਨ ਵਿਚ ਖੇਡਾਂ ਬਹੁਤ ਹੀ ਵਡਮੁੱਲਾ ਸਥਾਨ ਰੱਖਦੀਆਂ ਹਨ। ਪੜ੍ਹਾਈ ਦੇ ਨਾਲ-ਨਾਲ ਜਦੋਂ ਇਕ ਬੱਚਾ ਖੇਡਾਂ ਖੇਡਦਾ ਹੈ ਤਾਂ ਉਹ ਜਾਣੇ-ਅਣਜਾਣੇ ਵਿਚ ਜੀਵਨ ਜਿਊਣ ਦੀ ਜਾਚ ਸਿੱਖ ਰਿਹਾ ਹੁੰਦਾ ਹੈ। ਖੇਡਦੇ ਸਮੇਂ ਬੱਚੇ ਵਿਚ ਸਮੇਂ ਦੀ ਕਦਰ, ਸਹਿਣਸ਼ੀਲਤਾ, ਮਿਲਵਰਤਨ ਤੇ ਇਮਾਨਦਾਰੀ ਵਰਗੇ ਗੁਣ ਆਪਮੁਹਾਰੇ ਪੈਦਾ ਹੋ ਜਾਂਦੇ ਹਨ। ਬੱਚਿਆਂ ਦੇ ਜੀਵਨ ਵਿਚ ਖੇਡਾਂ ਦਾ ਮਹੱਤਵਪੂਰਨ ਸਥਾਨ ਹੈ। ਬੱਚਿਆਂ ਵਿਚ ਖੇਡਣ ਦੀ ਪ੍ਰਵਿਰਤੀ ਜਨਮਜਾਤ ਹੁੰਦੀ ਹੈ। ਬਚਪਨ ਵਿਚ ਹਰ ਬੱਚੇ ਨੂੰ ਹੱਸਣਾ, ਨੱਚਣਾ, ਟੱਪਣਾ ਚੰਗਾ ਲਗਦਾ ਹੈ। ਜਿਉਂ-ਜਿਉਂ ਬੱਚਾ ਵੱਡਾ ਹੁੰਦਾ ਹੈ, ਉਸ ਦੀ ਖੇਡਾਂ ਪ੍ਰਤੀ ਰੁਚੀ ਵਧਦੀ ਜਾਂਦੀ ਹੈ। ਖੇਡਾਂ ਨਾਲ ਬੱਚੇ ਦਾ ਸਰੀਰਕ ਅਤੇ ਮਾਨਸਿਕ ਵਿਕਾਸ ਹੁੰਦਾ ਹੈ ਪਰ ਅਫਸੋਸ ਦੀ ਗੱਲ ਹੈ ਕਿ ਜਿਵੇਂ ਹੀ ਬੱਚਾ ਥੋੜ੍ਹਾ ਵੱਡਾ ਹੁੰਦਾ ਹੈ, ਉਹ ਟੀ. ਵੀ., ਵੀਡੀਓ ਗੇਮਜ਼, ਕਾਰਟੂਨ ਦੇਖਣ, ਫੋਨ 'ਤੇ ਗੇਮਜ਼ ਨਾਲ ਵਧੇਰੇ ਦਿਲਚਸਪੀ ਲੈਣ ਲੱਗ ਪੈਂਦਾ ਹੈ, ਜਿਸ ਨਾਲ ਉਸ ਦੀ ਜ਼ਿੰਦਗੀ ਦਾ ਅਹਿਮ ਹਿੱਸਾ ਬਚਪਨਾ ਬਰਬਾਦ ਹੋ ਜਾਂਦਾ ਹੈ।
ਇਲੈਕਟ੍ਰੋਨਿਕ ਗੇਮਜ਼ ਖੇਡਣ ਨਾਲ ਜਿਥੇ ਬੱਚਿਆਂ ਦੇ ਸੁਭਾਅ ਵਿਚ ਚਿੜਚਿੜਾਪਨ ਆ ਜਾਂਦਾ ਹੈ, ਉਸ ਦੇ ਨਾਲ ਹੀ ਉਹ ਕਈ ਤਰ੍ਹਾਂ ਦੀਆਂ ਬਿਮਾਰੀਆਂ ਜਿਵੇਂ ਸਿਰਦਰਦ, ਪਿੱਠ ਦਰਦ, ਅੱਖਾਂ ਦੀ ਰੌਸ਼ਨੀ ਦਾ ਘਟਣਾ ਨੂੰ ਸੱਦਾ ਦੇ ਰਹੇ ਹਨ। ਬੱਚੇ ਦੇ ਵਿਹਲੇ ਸਮੇਂ ਵਿਚ ਖੇਡਾਂ ਨੂੰ ਸ਼ਾਮਿਲ ਕਰਕੇ ਉਸ ਦਾ ਸਰੀਰਕ ਤੇ ਮਾਨਸਿਕ ਵਿਕਾਸ ਕੀਤਾ ਜਾ ਸਕਦਾ ਹੈ। ਸਕੂਲਾਂ ਵਿਚ ਅਧਿਆਪਕਾਂ ਦਾ ਵਿਦਿਆਰਥੀਆਂ ਨੂੰ ਖੇਡਾਂ ਪ੍ਰਤੀ ਉਤਸ਼ਾਹਿਤ ਕਰਨਾ ਤੇ ਵਿਦਿਆਰਥੀਆਂ ਦੀ ਖੇਡਾਂ ਵਿਚ ਰੁਚੀ ਦਾ ਵਧਣਾ ਸਾਡੇ ਸਮਾਜ ਵਾਸਤੇ ਸ਼ੁੱਭ ਸੰਕੇਤ ਹਨ। ਖੇਡ ਦੇ ਮੈਦਾਨ ਵਿਚ ਖੇਡ ਕੇ ਹੀ ਬੱਚੇ ਜ਼ਿੰਦਗੀ ਦੀ ਖੇਡ ਵਿਚ ਕਾਮਯਾਬ ਹੁੰਦੇ ਹਨ। ਉਨ੍ਹਾਂ ਵਿਚ ਵਧੀਆ ਗੁਣਾਂ ਦਾ ਸੰਚਾਰ ਹੁੰਦਾ ਹੈ। ਸੋ, ਆਓ ਬੱਚਿਆਂ ਦੀ ਜ਼ਿੰਦਗੀ ਵਿਚ ਖੇਡਾਂ ਨੂੰ ਅਹਿਮ ਸਥਾਨ ਦੇਈਏ ਤੇ ਬੱਚਿਆਂ ਦੇ ਸਰੀਰਕ, ਬੌਧਿਕ ਤੇ ਮਾਨਸਿਕ ਵਿਕਾਸ ਵਿਚ ਵਾਧਾ ਕਰੀਏ, ਜਿਸ ਨਾਲ ਇਕ ਨਰੋਏ ਸਮਾਜ ਦੀ ਸਿਰਜਣਾ ਹੋ ਸਕੇ

।-ਈ.ਟੀ.ਟੀ. ਟੀਚਰ, ਸ: ਐ: ਸਕੂਲ, ਨੌਸ਼ਹਿਰਾ ਖੁਰਦ (ਅੰਮ੍ਰਿਤਸਰ)।
mukhwinder5@gmail.com

ਬਾਲ ਕਹਾਣੀ

ਹਿੰਮਤ

ਸੋਨੂੰ ਪੂਰੇ ਸਕੂਲ ਦਾ ਬੜਾ ਹੁਸ਼ਿਆਰ ਬੱਚਾ ਸੀ। ਉਸ ਨੂੰ ਪੜ੍ਹਾਈ ਦੇ ਨਾਲ-ਨਾਲ ਸੁਪਰਮੈਨ, ਸਪਾਈਡਰਮੈਨ, ਬੈਟਮੈਨ ਤੇ ਸ਼ਕਤੀਮਾਨ ਆਦਿ ਮਹਾਂਮਾਨਵਾਂ ਦੀਆਂ ਕਹਾਣੀਆਂ ਪੜ੍ਹਨ ਦਾ ਬਹੁਤ ਸ਼ੌਕ ਸੀ। ਇਸ ਬਾਰੇ ਉਹ ਅਕਸਰ ਆਪਣੀ ਮੰਮੀ ਨਾਲ ਵੀ ਗੱਲਾਂ ਸਾਂਝੀਆਂ ਕਰਦਾ ਰਹਿੰਦਾ ਸੀ। ਪਤਾ ਨਹੀਂ ਉਹ ਇਨ੍ਹਾਂ ਵਰਗਾ ਬਣਨ ਦੀ ਤੇ ਔਖੇ ਤੋਂ ਔਖਾ ਕੰਮ ਕਰਨ ਬਾਰੇ ਕਿਉਂ ਸੋਚਦਾ ਰਹਿੰਦਾ? ਉਹ ਹਮੇਸ਼ਾ ਇਹੀ ਸੋਚਦਾ ਕਿ ਉਸ 'ਚ ਵੀ ਇਨ੍ਹਾਂ ਵਰਗੀ ਹਿੰਮਤ ਤੇ ਦਲੇਰੀ ਆ ਜਾਵੇ ਤੇ ਉਹ ਵੀ ਔਖੇ ਕੰਮ ਨੂੰ ਮਿੰਟਾਂ-ਸਕਿੰਟਾਂ ਵਿਚ ਕਰ ਲਵੇ।
ਉਹ ਸਕੂਲ 'ਚ ਵੀ ਜਾ ਕੇ ਇਨ੍ਹਾਂ ਬਾਰੇ ਸੋਚਦਾ ਰਹਿੰਦਾ। ਇਕ ਦਿਨ ਉਹ ਸਕੂਲ ਤੋਂ ਘਰ ਆਇਆ ਤੇ ਆਪਣਾ ਬਸਤਾ ਇਕ ਪਾਸੇ ਰੱਖ ਦਿੱਤਾ ਤੇ ਜ਼ੋਰ-ਜ਼ੋਰ ਦੀ ਆਵਾਜ਼ ਮਾਰਨ ਲੱਗਾ। ਮੰਮੀ! ਮੰਮੀ! ਪਰ ਕਾਫੀ ਦੇਰ ਮੰਮੀ ਨੂੰ ਆਵਾਜ਼ਾਂ ਮਾਰਨ 'ਤੇ ਵੀ ਕੋਈ ਆਵਾਜ਼ ਨਾ ਆਈ। ਜਦੋਂ ਸੋਨੂੰ ਅੰਦਰ ਗਿਆ ਤਾਂ ਉਸ ਦੀ ਮੰਮੀ ਬੈੱਡ 'ਤੇ ਲੰਮੀ ਪਈ ਸੀ, ਸੋਨੂੰ ਨੇ ਬਥੇਰੀਆਂ ਆਵਾਜ਼ਾਂ ਲਾਈਆਂ, ਜਦੋਂ ਉਸ ਦੀ ਮੰਮੀ ਨਾ ਉੱਠੀ ਤਾਂ ਉਸ ਨੇ ਮੰਮੀ ਨੂੰ ਹੱਥ ਲਾ ਕੇ ਦੇਖਿਆ। ਉਸ ਨੂੰ ਬੁਖਾਰ ਸੀ ਤੇ ਬੇਹੋਸ਼ ਹੋਈ ਪਈ ਸੀ। ਸੋਨੂੰ ਨੇ ਬੜੀ ਹਿੰਮਤ ਨਾਲ ਡਾਕਟਰ ਨੂੰ ਫੋਨ ਲਗਾਇਆ। ਉਸ ਨੂੰ ਸਾਰੀ ਗੱਲ ਦੱਸੀ। ਡਾਕਟਰ ਤੁਰੰਤ ਘਰ ਆ ਗਿਆ। ਉਸ ਨੇ ਸੋਨੂੰ ਦੀ ਮੰਮੀ ਨੂੰ ਟੀਕਾ ਵੀ ਲਗਾਇਆ ਤੇ ਦਵਾਈ ਵੀ ਦਿੱਤੀ। ਥੋੜ੍ਹੀ ਦੇਰ ਬਾਅਦ ਉਸ ਦੀ ਮੰਮੀ ਹੋਸ਼ ਵਿਚ ਆ ਗਈ। ਡਾਕਟਰ ਵੀ ਉਥੇ ਹੀ ਬੈਠਾ ਸੀ। ਉਸ ਦੀ ਮੰਮੀ ਨੇ ਸੋਨੂੰ ਨੂੰ ਘੁੱਟ ਕੇ ਛਾਤੀ ਨਾਲ ਲਾ ਲਿਆ ਤੇ ਬੋਲੀ, 'ਪੁੱਤਰ, ਹੁਣ ਤਾਂ ਤੂੰ ਸ਼ਕਤੀਮਾਨ ਜਾਂ ਸਪਾਈਡਰਮੈਨ ਤੋਂ ਘੱਟ ਨਹੀਂ ਰਿਹਾ। ਦੇਖ, ਤੂੰ ਮਿੰਟੋ-ਮਿੰਟੀ ਡਾਕਟਰ ਨੂੰ ਫੋਨ ਲਗਾਇਆ ਤੇ ਆਪਣੀ ਮੰਮੀ ਨੂੰ ਬਚਾ ਲਿਆ।' ਇਹ ਸੁਣ ਕੇ ਸੋਨੂੰ ਖੁਸ਼ੀ 'ਚ ਝੂਮਣ ਲੱਗਾ, ਜਿਵੇਂ ਉਹ ਸੱਚਮੁੱਚ ਸ਼ਕਤੀਮਾਨ ਬਣ ਗਿਆ ਹੋਵੇ।

-511, ਖਹਿਰਾ ਇਨਕਲੇਵ, ਜਲੰਧਰ-144007. ਮੋਬਾ: 94173-89003

ਚੁਟਕਲੇ

* ਪਤੀ (ਡਾਕਟਰ ਨੂੰ)-ਡਾਕਟਰ ਸਾਹਿਬ, ਮੇਰੀ ਘਰਵਾਲੀ ਦੇ ਭਾਂਡੇ ਮਾਂਜਣ ਕਾਰਨ ਹੱਥ ਖਰਾਬ ਹੋ ਗਏ ਹਨ, ਕੋਈ ਸਸਤਾ ਜਿਹਾ ਇਲਾਜ ਦੱਸੋ, ਜਿਸ ਨਾਲ ਉਸ ਦੇ ਹੱਥ ਠੀਕ ਹੋ ਜਾਣ।
ਡਾਕਟਰ-ਭਾਂਡੇ ਤੁਸੀਂ ਆਪ ਮਾਂਜਣੇ ਸ਼ੁਰੂ ਕਰ ਦਿਓ।
* ਸੋਨੂੰ-ਮੰਮੀ, ਪਹਿਲਾਂ ਤੁਸੀਂ ਸਰਕਸ ਵਿਚ ਕੰਮ ਕਰਦੇ ਸੀ?
ਮੰਮੀ-ਨਹੀਂ, ਪਰ ਤੂੰ ਕਿਉਂ ਪੁੱਛ ਰਿਹਾ ਏਂ?
ਸੋਨੂੰ-ਪਾਪਾ ਕਹਿੰਦੇ ਸੀ ਕਿ ਤੇਰੀ ਮੰਮੀ ਸਾਰਿਆਂ ਨੂੰ ਉਂਗਲਾਂ 'ਤੇ ਨਚਾਉਂਦੀ ਹੈ।
* ਗਗਨ (ਪਾਪਾ ਨੂੰ)-ਪਾਪਾ, ਆਪਾਂ ਪਾਪੜਾਂ ਦਾ ਕਾਰੋਬਾਰ ਸ਼ੁਰੂ ਕਰ ਲਈਏ? ਨਾਲੇ ਤੁਹਾਨੂੰ ਪਾਪੜ ਬਣਾਉਣ ਦਾ ਤਜਰਬਾ ਹੈ।
ਪਾਪਾ-ਨਹੀਂ, ਮੈਨੂੰ ਤਾਂ ਕੋਈ ਪਾਪੜਾਂ ਦਾ ਤਜਰਬਾ ਨਹੀਂ ਪਰ ਤੂੰ ਇਹ ਕਿਵੇਂ ਕਿਹਾ?
ਗਗਨ-ਮੰਮੀ ਕਹਿੰਦੀ ਸੀ ਕਿ ਤੇਰੇ ਪਾਪਾ ਨੇ ਜ਼ਿੰਦਗੀ ਵਿਚ ਬਹੁਤ ਪਾਪੜ ਬੇਲੇ ਹਨ।

-ਗੁਰਜੀਤ ਸਿੰਘ ਜੱਸਲ,
102, ਵਿਜੈ ਨਗਰ, ਜਗਰਾਉਂ। ਮੋਬਾ: 97790-50809

ਲੜੀਵਾਰ ਨਾਵਲ-17

ਮਾਲਵਾ ਐਕਸਪ੍ਰੈੱਸ

(ਲੜੀ ਜੋੜਨ ਲਈ ਪਿਛਲੇ ਸਨਿਚਰਵਾਰ ਦਾ ਅੰਕ ਦੇਖੋ)
ਸਾਰੇ ਬੱਚੇ ਇਕ ਵਾਰੀ ਫਿਰ ਠਹਾਕਾ ਲਗਾ ਕੇ ਹੱਸ ਪਏ।
ਗੌਰਵ ਨੇ ਦੋ ਮਿੰਟ ਵਿਚ ਹੀ ਰਾਜਨ ਤੋਂ ਉਸ ਦੀ ਸ਼ਰਾਰਤ ਦਾ ਬਦਲਾ ਲੈ ਲਿਆ।
ਉਸ ਵੇਲੇ ਰਾਜਨ ਨੂੰ ਹੋਰ ਤੇ ਕੋਈ ਗੱਲ ਸੁੱਝੀ ਨਾ, ਉਸ ਨੇ ਸਿਰਫ ਏਨਾ ਹੀ ਕਿਹਾ, 'ਮੈਂ ਕੋਈ ਛੋਟਾ ਬੱਚਾਂ? ਇਹ ਜੋਕ ਤੇ ਛੋਟੇ ਬੱਚੇ ਦਾ ਏ...।'
'ਚੱਲ ਛੋਟਾ ਬੱਚਾ ਨਾ ਸਹੀ ਪਰ ਤੁਹਾਡੇ ਘਰ ਡੌਗੀ ਤੇ ਹੈ ਨਾ...।' ਗੌਰਵ ਨੇ ਇਕ ਵਾਰੀ ਫਿਰ ਰਾਜਨ ਨੂੰ ਨਿਰਉੱਤਰ ਕਰ ਦਿੱਤਾ ਸੀ।
ਰਾਜਨ ਕੋਲ ਇਸ ਗੱਲ ਦਾ ਜਵਾਬ ਨਹੀਂ ਸੀ। ਉਹ ਚੁੱਪ ਕਰਕੇ ਬੈਠ ਗਿਆ।
'ਅੱਜ ਗੌਰਵ ਵੀਰਾ ਤੇ ਚੌਕੇ, ਛਿੱਕੇ ਲਾਈ ਜਾ ਰਿਹਾ ਏ।' ਪ੍ਰੀਤ ਨੇ ਹੱਸਦਿਆਂ ਕਿਹਾ।
'ਅਜੇ ਛਿੱਕਾਂ ਨਹੀਂ ਨਾ ਸ਼ੁਰੂ ਹੋਈਆਂ, ਤਾਹੀਓਂ ਸ਼ੇਰ ਬਣਿਆ ਪਿਆ... ਬਸ ਸਰਦੀਆਂ ਆਉਣ ਈ ਵਾਲੀਆਂ।' ਰਾਜਨ ਨੂੰ ਕੁਝ ਹੋਰ ਨਹੀਂ ਤਾਂ ਗੌਰਵ ਦੀਆਂ ਛਿੱਕਾਂ ਯਾਦ ਆ ਗਈਆਂ।
'ਅੱਛਾ ਬਈ ਦੋਸਤੋ, ਤੁਸੀਂ ਇਕ ਗੱਲ ਨੋਟ ਕੀਤੀ ਏ? ਦੋਹਾਂ ਚੁਟਕਲਿਆਂ 'ਤੇ ਡੌਲੀ ਸਭ ਤੋਂ ਘੱਟ ਹੱਸੀ ਏ, ਬਸ ਹਲਕਾ ਜਿਹਾ ਮੁਸਕਰਾਈ ਹੀ ਏ... ਮੈਨੂੰ ਲਗਦਾ ਡੌਲੀ ਨਾਰਾਜ਼ ਹੋ ਗਈ ਏ ਸਾਡੇ ਨਾਲ।' ਤਜਿੰਦਰ ਨੇ ਸਾਰਿਆਂ ਦਾ ਧਿਆਨ ਡੌਲੀ ਵੱਲ ਦਿਵਾਇਆ।
'ਨਰਾਜ਼ ਤਾਂ ਹੋਣਾ ਈ ਸੀ, ਤੁਸੀਂ ਸਵੇਰ ਤੋਂ ਉਸ ਨੂੰ 'ਮਾਲਵਾ ਐਕਸਪ੍ਰੈੱਸ' ਦਾ ਨਾਂਅ ਲੈ ਕੇ ਛੇੜ ਤਾਂ ਰਹੇ ਸੀ-ਕਿਉਂ ਠੀਕ ਏ ਨਾ ਡੌਲੀ।' ਪ੍ਰੀਤ ਨੇ ਡੌਲੀ ਨੂੰ ਪੁੱਛਿਆ।
'ਠੀਕ ਏ ਦੋਸਤੋ! ਪ੍ਰੀਤ ਦੀ ਗੱਲ ਠੀਕ ਏ... ਮੈਨੂੰ ਤੁਹਾਡੇ ਨਾਲ ਨਰਾਜ਼ਗੀ ਇਸ ਗੱਲ ਦੀ ਏ ਪਈ ਤੁਸੀਂ ਮੇਰੀ ਗੱਲ ਸਮਝ ਈ ਨਹੀਂ ਸਕੇ। ਮੈਂ ਤੁਹਾਨੂੰ ਰਾਜੇ ਬਰੂਸ ਦੀ ਕਹਾਣੀ ਵੀ ਸੁਣਾਈ ਸੀ, ਪਰ ਤੁਹਾਨੂੰ ਫ਼ਿਲਮਾਂ, ਸ਼ਕਤੀਮਾਨ ਤੇ ਕਾਲਪਨਿਕ ਕੰਮ ਜ਼ਿਆਦਾ ਚੰਗੇ ਲਗਦੇ ਨੇ... ਅੱਛਾ ਬਈ ਜਿਵੇਂ ਤੁਹਾਡੀ ਮਰਜ਼ੀ... ਮੈਂ ਕੀ ਕਰ ਸਕਨੀ ਆਂ...।' ਡੌਲੀ ਦੀ ਆਵਾਜ਼ ਵਿਚ ਇਕ ਗਿਲਾ ਸੀ।
'ਸੌਰੀ ਡੌਲੀ... ਅਸੀਂ ਇਸ ਭਾਵਨਾ ਨਾਲ ਗੱਲ ਨਹੀਂ ਸੀ ਕੀਤੀ। ਅਸੀਂ ਤੇ ਸਿਰਫ ਮਜ਼ਾਕ ਦੇ ਤੌਰ 'ਤੇ ਗੱਲ ਕੀਤੀ ਸੀ...।' ਰਾਜਨ ਨੇ ਡੌਲੀ ਨੂੰ ਡੂੰਘੀ ਅਪਣੱਤ ਨਾਲ ਕਿਹਾ।
'ਦੋਸਤੋ, ਮੈਂ ਤੁਹਾਡੇ ਨਾਲ ਨਰਾਜ਼ ਤੇ ਨਹੀਂ ਹੋਈ ਪਰ ਇਕ ਗਿਲਾ ਜ਼ਰੂਰ ਏ ਪਈ ਜਿਹੜੀ ਗੱਲ ਮੈਂ ਦਾਦਾ ਜੀ ਤੋਂ ਸਿੱਖੀ ਏ, ਤੁਸੀਂ ਉਸ ਨੂੰ ਮਹਿਸੂਸ ਕਿਉਂ ਨਹੀਂ ਕਰ ਰਹੇ? ਮੈਂ ਤਾਂ ਦਾਦਾ ਜੀ ਤੋਂ ਇਕੋ ਗੱਲ ਈ ਸਿੱਖੀ ਏ ਪਈ ਸਬਰ ਦਾ ਫਲ ਮਿੱਠਾ ਹੁੰਦਾ ਏ ਤੇ ਵਿਸ਼ਵਾਸ ਨਾਲ ਜੋ ਵੀ ਕੰਮ ਕੀਤਾ ਜਾਵੇ, ਉਸ ਵਿਚ ਜ਼ਰੂਰ ਕਾਮਯਾਬੀ ਮਿਲਦੀ ਏ।' ਡੌਲੀ ਦੇ ਚਿਹਰੇ ਤੋਂ ਆਤਮਵਿਸ਼ਵਾਸ ਦੀ ਇਕ ਅਨੋਖੀ ਝਲਕ ਦਿਖਾਈ ਦੇ ਰਹੀ ਸੀ।
'ਸਬਰ ਦਾ ਫਲ ਡੌਲੀ ਮਿੱਠਾ ਹੁੰਦਾ ਏ... ਪਰ ਫਲ ਪੱਕ ਕੇ ਸੜ ਹੀ ਨਾ ਜਾਵੇ, ਇਸ ਗੱਲ ਤੋਂ ਡਰ ਲਗਦਾ...।' ਤਜਿੰਦਰ ਨੇ ਹੱਸਦਿਆਂ ਆਖਿਆ।
'ਇਹੋ ਜਿਹੀਆਂ ਗੱਲਾਂ ਤੁਹਾਡੇ ਵਰਗੇ ਬਿਮਾਰ ਸੋਚ ਵਾਲੇ ਬੱਚੇ ਕਰਦੇ ਨੇ। ਸਿਆਣੇ ਬੱਚੇ ਨਹੀਂ ਇਹੋ ਜਿਹੀਆਂ ਗੱਲਾਂ ਕਰਦੇ।'
'ਅੱਛਾ! ਡੌਲੀ ਕਮਾਲ ਹੋ ਗਈ। ਬਿਮਾਰ ਬੰਦੇ ਤਾਂ ਸੁਣੇ ਸਨ ਪਰ ਬਿਮਾਰ ਸੋਚ... ਅੱਜ ਪਹਿਲੀ ਵਾਰੀ ਸੁਣੀ ਏ।'

(ਬਾਕੀ ਅਗਲੇ ਸਨਿਚਰਵਾਰ ਦੇ ਅੰਕ 'ਚ)

-ਮੋਬਾਈਲ : 98552-35424

ਬਾਲ ਸਾਹਿਤ

ਪ੍ਰਿੰ: ਬਹਾਦਰ ਸਿੰਘ ਗੋਸਲ ਦੀਆਂ ਪੰਜ ਪ੍ਰੇਰਣਾਮਈ ਪੁਸਤਕਾਂ

ਪ੍ਰਿੰ: ਬਹਾਦਰ ਸਿੰਘ ਗੋਸਲ ਦੀਆਂ ਪੰਜ ਨਵੀਆਂ ਪੁਸਤਕਾਂ ਛਪ ਕੇ ਸਾਹਮਣੇ ਆਈਆਂ ਹਨ। ਪਹਿਲੀ ਪੁਸਤਕ 'ਬਾਲਾਂ ਲਈ ਖੇਡ ਪੰਜਾਬੀ' ਵਿਚ ਲੇਖਕ ਨੇ ਭੁਲਾਵੇਂ ਅੱਖਰਾਂ ਰਾਹੀਂ ਵੰਨ-ਸੁਵੰਨੇ ਜੀਵ-ਜੰਤੂਆਂ, ਸ਼ਹਿਰਾਂ-ਕਸਬਿਆਂ, ਰੁੱਖਾਂ-ਫ਼ਲਾਂ ਅਤੇ ਪੰਛੀਆਂ ਨੂੰ ਲੱਭਣ ਦਾ ਅਭਿਆਸ ਕਰਵਾਇਆ ਹੈ। ਪੁਸਤਕ ਦੇ ਇਕ ਪੰਨੇ 'ਤੇ ਸਬੰਧਿਤ ਵਸਤੂ ਦਾ ਰੰਗਦਾਰ ਚਿੱਤਰ ਅਤੇ ਉਸ ਦੇ ਸਾਹਮਣੇ ਚੌਖਟੇ ਵਿਚ ਉਸ ਨਾਲ ਸਬੰਧਿਤ ਉਪਰੋਕਤ ਵਸਤਾਂ ਦੇ ਨਾਂਅ ਲੁਕਵੇਂ ਢੰਗ ਨਾਲ ਦਿੱਤੇ ਗਏ ਹਨ। ਬਾਲ ਪਾਠਕ ਚੌਖਟੇ ਵਿਚ ਦਿੱਤੇ ਗਏ ਬੇਤਰਤੀਬੇ ਸ਼ਬਦਾਂ ਨੂੰ ਚੁਣ ਕੇ ਉਨ੍ਹਾਂ ਨੂੰ ਸਹੀ ਕ੍ਰਮਾਂਕ ਦਿੰਦੇ ਹਨ। ਇਸ ਪ੍ਰਕਾਰ ਇਸ ਖੇਡ ਵਿਧੀ ਨਾਲ ਬੱਚਿਆਂ ਵਿਚ ਜਿੱਥੇ ਮਾਂ-ਬੋਲੀ ਅਤੇ ਆਪਣੇ ਆਲੇ-ਦੁਆਲੇ ਪ੍ਰਤੀ ਗਿਆਨ ਵਿਚ ਵਾਧਾ ਹੁੰਦਾ ਹੈ, ਉਥੇ ਉਤਸੁਕਤਾ ਅਤੇ ਦਿਲਚਸਪੀ ਵੀ ਬਣੀ ਰਹਿੰਦੀ ਹੈ। ਦੀ ਕਮਲ ਗ੍ਰਾਫਿਕਸ ਚੰਡੀਗੜ੍ਹ ਵਲੋਂ ਛਾਪੀ ਇਸ ਪੁਸਤਕ ਦੀ ਕੀਮਤ 80 ਰੁਪਏ ਹੈ ਅਤੇ ਕੁੱਲ ਪੰਨੇ 32 ਹਨ। ਦੂਜੀ ਪੁਸਤਕ 'ਵਿਗਿਆਨ ਅਤੇ ਇਨਸਾਨ' ਵਿਚ ਲੇਖਕ ਨੇ ਕਾਵਿ ਰੂਪ ਵਿਚ ਮਿਕਸੀ, ਕੰਪਿਊਟਰ, ਫੋਟੋਸਟੈਟ ਮਸ਼ੀਨ, ਮੋਬਾਈਲ, ਫਰਿੱਜ, ਰਸੋਈ ਗੈਸ, ਮੋਟਰ ਕਾਰ, ਸਕੂਟਰ, ਬਿਜਲੀ ਚੁੰਬਕ ਆਦਿ ਗਿਆਨ-ਵਿਗਿਆਨ ਦੇ ਵਰਤਾਰਿਆਂ, ਖੋਜਾਂ, ਕਾਢਾਂ ਅਤੇ ਕਾਰਜ-ਪ੍ਰਣਾਲੀ ਬਾਰੇ ਚਾਨਣਾ ਪਾਇਆ ਹੈ। ਇਹ ਪੁਸਤਕ ਜਿੱਥੇ ਅੰਧਵਿਸ਼ਵਾਸੀ ਅਤੇ ਰੂੜ੍ਹੀਵਾਦੀ ਸੋਚ ਨੂੰ ਖ਼ਤਮ ਕਰਦੀ ਹੈ, ਉਥੇ ਚੇਤਨਾ ਦਾ ਚਾਨਣ ਵੀ ਫੈਲਾਉਂਦੀ ਹੈ। ਸੰਜੋਗ ਪਬਲਿਸ਼ਰਜ਼ ਚੰਡੀਗੜ੍ਹ ਵਲੋਂ ਛਾਪੀ ਇਸ ਪੁਸਤਕ ਦੇ ਕੁੱਲ ਪੰਨੇ 27 ਹਨ ਅਤੇ ਕੀਮਤ 50 ਰੁਪਏ ਹੈ। 'ਪਰੀ ਤੇ ਚੁੜੇਲ' ਪੁਸਤਕ ਵਿਚ ਕੁੱਲ 9 ਕਹਾਣੀਆਂ ਹਨ, ਜਿਨ੍ਹਾਂ ਵਿਚੋਂ ਬੱਚਿਆਂ ਨੂੰ ਨੈਤਿਕ ਕਦਰਾਂ-ਕੀਮਤਾਂ ਨਾਲ ਜੁੜਨ ਦੀ ਪ੍ਰੇਰਨਾ ਦਿੱਤੀ ਗਈ ਹੈ ਕਿ ਕਿਵੇਂ ਸ਼ੁਭ ਗੁਣ ਗ੍ਰਹਿਣ ਕਰਦੇ ਹੋਏ ਆਦਰਸ਼ਕ ਮਨੁੱਖ ਬਣਿਆ ਜਾ ਸਕਦਾ ਹੈ। ਹਰ ਕਹਾਣੀ ਨਾਲ ਬਣੇ ਚਿੱਤਰ ਇਨ੍ਹਾਂ ਕਹਾਣੀਆਂ ਦੇ ਬਿਰਤਾਂਤ ਨੂੰ ਸਮਝਣ ਵਿਚ ਮਦਦਗਾਰ ਬਣਦੇ ਹਨ। ਆਜ਼ਾਦੀ ਪ੍ਰਾਪਤੀ ਲਈ ਮਰ ਮਿਟਣ ਵਾਲੇ ਪਰਵਾਨਿਆਂ ਨੂੰ ਸਮਰਪਿਤ ਅਗਲੀ ਬਾਲ ਪੁਸਤਕ 'ਇਕ ਨਿਵੇਕਲਾ ਸ਼ਹੀਦ' ਹੈ, ਜਿਸ ਵਿਚਲੀਆਂ ਕਵਿਤਾਵਾਂ ਬੱਚਿਆਂ ਵਿਚ ਦੇਸ਼ ਭਗਤੀ ਅਤੇ ਕੁਰਬਾਨੀ ਦਾ ਜਜ਼ਬਾ ਪੈਦਾ ਕਰਦੀਆਂ ਹਨ। ਕਲਿਆਣਕਾਰੀ ਸੁਨੇਹੇ ਦੇਣ ਵਾਲੀ ਇਹ ਪੁਸਤਕ 8 ਤੋਂ 12 ਸਾਲਾਂ ਦੇ ਉਮਰ ਜੁੱਟ ਦੇ ਬੱਚਿਆਂ ਲਈ ਵਿਸ਼ੇਸ਼ ਤੌਰ 'ਤੇ ਪੜ੍ਹਨਯੋਗ ਹੈ, ਜਿਸ ਵਿਚ ਬਾਲ ਆਪਣੀ ਜ਼ੁਬਾਨੀ ਆਪਣੇ ਕੋਮਲ ਸੁਪਨਿਆਂ ਨੂੰ ਪੂਰਾ ਕਰਨ ਲਈ ਤਤਪਰ ਵਿਖਾਈ ਦਿੰਦੇ ਹਨ। ਪੰਜਵੀਂ ਅਤੇ ਆਖ਼ਰੀ ਪੁਸਤਕ 'ਤਿਤਲੀਆਂ ਨਾਲ ਕਲੋਲਾਂ' ਵਿਚ ਪ੍ਰਿੰ: ਗੋਸਲ ਨੇ ਚੌਗਿਰਦੇ, ਪ੍ਰਕ੍ਰਿਤੀ, ਰਿਸ਼ਤੇ-ਨਾਤਿਆਂ, ਸਿੱਖਿਆ ਪ੍ਰਣਾਲੀ ਅਤੇ ਹੋਰ ਸਾਧਾਰਨ ਵਿਸ਼ਿਆਂ ਨੂੰ ਕਾਵਿ ਰੂਪ ਵਿਚ ਢਾਲ ਕੇ ਬੱਚਿਆਂ ਵਿਚ ਪੜ੍ਹਨ ਰੁਚੀਆਂ ਪੈਦਾ ਕਰਨ ਦਾ ਸਾਰਥਿਕ ਯਤਨ ਕੀਤਾ ਹੈ। ਕੁਦਰਤੀ ਸਰੋਤਾਂ ਨੂੰ ਬਚਾਉਣ ਦਾ ਸੁਨੇਹਾ ਦੇਣ ਵਾਲੀਆਂ ਇਹ ਕਵਿਤਾਵਾਂ ਬਾਲ ਮਨਾਂ ਅੰਦਰ ਸਮਾਜ ਪ੍ਰਤੀ ਉਸਾਰੂ ਕਾਰਜ ਕਰਨ ਦਾ ਜਜ਼ਬਾ ਪੈਦਾ ਕਰਦੀਆਂ ਹਨ। ਤਰਲੋਚਨ ਪਬਲਿਸ਼ਰਜ਼ ਚੰਡੀਗੜ੍ਹ ਵਲੋਂ ਛਾਪੀਆਂ ਉਕਤ ਤਿੰਨਾਂ ਪੁਸਤਕਾਂ ਦੇ 32-32 ਪੰਨੇ ਹਨ। ਪਹਿਲੀਆਂ 2 ਪੁਸਤਕਾਂ ਦੀ ਪ੍ਰਤੀ ਪੁਸਤਕ ਕੀਮਤ 70 ਰੁਪਏ ਹੈ, ਆਖਰੀ ਪੁਸਤਕ ਦੀ ਕੀਮਤ 60 ਰੁਪਏ ਹੈ।

-ਦਰਸ਼ਨ ਸਿੰਘ 'ਆਸ਼ਟ' (ਡਾ:)
ਮੋਬਾ: 98144-23703

ਅਨਮੋਲ ਬਚਨ

* ਜ਼ਿੰਦਗੀ ਵਿਚ ਕੁਝ ਨੇਕ ਕੰਮ ਇਸ ਤਰ੍ਹਾਂ ਦੇ ਵੀ ਕਰਨੇ ਚਾਹੀਦੇ ਹਨ, ਜਿਨ੍ਹਾਂ ਦਾ ਪਰਮਾਤਮਾ ਤੋਂ ਬਗੈਰ ਕੋਈ ਦੂਜਾ ਗਵਾਹ ਨਾ ਹੋਵੇ।
* ਨਿੰਦਾ ਉਸੇ ਦੀ ਹੁੰਦੀ ਹੈ, ਜੋ ਜ਼ਿੰਦਾ ਹੈ, ਮਰਨ ਤੋਂ ਬਾਅਦ ਤਾਂ ਸਿਰਫ ਤਾਰੀਫ ਹੀ ਕੀਤੀ ਜਾਂਦੀ ਹੈ।
* ਮੇਰੀ ਜੇਬ ਵਿਚ ਜ਼ਰਾ ਜਿਹੀ ਮੋਰੀ ਕੀ ਹੋ ਗਈ, ਸਿੱਕਿਆਂ ਤੋਂ ਜ਼ਿਆਦਾ ਤਾਂ ਰਿਸ਼ਤੇ ਡਿਗ ਪਏ।
* ਜੇ ਆਪਣੇ-ਆਪ 'ਤੇ ਯਕੀਨ ਹੋਵੇ ਤਾਂ ਹਨੇਰੇ ਵਿਚ ਵੀ ਰਸਤੇ ਮਿਲ ਜਾਂਦੇ ਹਨ।
* ਸਬਰ ਕਰੋ, ਬੁਰੇ ਦਿਨ ਦਾ ਵੀ ਇਕ ਦਿਨ ਬੁਰਾ ਵਕਤ ਆਉਂਦਾ ਹੈ।
* ਬੰਦਾ ਜ਼ਿੰਦਗੀ ਬਣਾਉਣ ਦੇ ਚੱਕਰ ਵਿਚ ਜ਼ਿੰਦਗੀ ਜਿਊਣਾ ਭੁੱਲ ਜਾਂਦਾ ਹੈ।
* ਸਭ ਨੂੰ ਫਿਕਰ ਹੈ ਆਪਣੇ-ਆਪ ਨੂੰ ਸਹੀ ਸਾਬਤ ਕਰਨ ਦੀ, ਜਿਵੇਂ ਇਹ ਜ਼ਿੰਦਗੀ ਜ਼ਿੰਦਗੀ ਨਹੀਂ, ਇਲਜ਼ਾਮ ਹੋਵੇ।

-ਜਗਜੀਤ ਸਿੰਘ ਭਾਟੀਆ,
ਨੂਰਪੁਰ ਬੇਦੀ (ਰੂਪਨਗਰ)। ਮੋਬਾ: 95018-10181

ਬਾਲ ਗੀਤ

ਇਹ ਸਰੀਰ ਬੜਾ ਅਨਮੋਲ
ਆਓ ਪਿਆਰੇ ਬੱਚਿਓ ਆਓ,
ਰੋਜ਼ ਸਵੇਰੇ ਤੜਕੇ ਉੱਠੋ।
ਫੇਰ ਕਰਨ ਸੈਰ ਨੂੰ ਜਾਓ।
ਰਤਨ-ਜਵਾਹਰਾਂ ਤੋਂ ਕੀਮਤੀ,
ਇਹ ਸਰੀਰ ਬੜਾ ਅਨਮੋਲ।
ਰੱਖੋ ਧਿਆਨ ਇਸ ਵੱਲ ਪੂਰਾ,
ਕਦੇ ਨਾ ਬੈਠੋ ਬਣ ਅਨਭੋਲ।
ਸਰੀਰ ਦਾ ਹਰ ਇਕ ਅੰਗ ਜ਼ਰੂਰੀ,
ਗੰਦਗੀ ਵਿਚ ਨਾ ਕਦੇ ਲਿਜਾਓ।
ਰੋਜ਼ ਸਵੇਰੇ ਤੜਕੇ ਉੱਠੋ,
ਫੇਰ ਕਰਨ ਸੈਰ ਨੂੰ ਜਾਓ।
ਹਰੇਕ ਅੰਗ ਦਾ ਕੰਮ ਵੱਖਰਾ,
ਅੰਗ-ਅੰਗ ਦੀ ਕੀਮਤ ਜਾਣੋ।
ਦੰਦ ਗਏ ਸੁਆਦ ਹੈ ਜਾਂਦਾ,
ਅੱਖਾਂ ਦੇ ਨਾਲ ਜੱਗ ਪਛਾਣੋ।
ਰਿਸ਼ਟ-ਪੁਸ਼ਟ ਸਦਾ ਰਹਿ ਕੇ ਬੱਚਿਓ,
ਭਾਰਤ ਮਾਂ ਦੀ ਸ਼ਾਨ ਵਧਾਓ।
ਸਾਫ਼-ਸੁਥਰਾ ਭੋਜਨ ਖਾਵੋ,
ਬੁਰੀ ਆਦਤ ਤੋਂ ਡਰੋ ਲਾਜ਼ਮੀ।
ਹੱਥ, ਦੰਦ ਤੇ ਨੱਕ ਨਹੁੰਆਂ ਨੂੰ,
ਸਾਫ਼ ਕਰਨ ਦੀ ਆਦਤ ਪਾਓ।
ਰੋਜ਼ ਸਵੇਰੇ ਤੜਕੇ ਉੱਠੋ,
ਫੇਰ ਕਰਨ ਸੈਰ ਨੂੰ ਜਾਓ।

-ਆਤਮਾ ਸਿੰਘ ਚਿੱਟੀ,
ਪਿੰਡ ਤੇ ਡਾਕ: ਚਿੱਟੀ (ਜਲੰਧਰ)। ਮੋਬਾ: 99884-69564





Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX