ਤਾਜਾ ਖ਼ਬਰਾਂ


ਹੈਦਰਾਬਾਦ : ਮਹਿਲਾ ਡਾਕਟਰ ਜਬਰ ਜਨਾਹ ਮਾਮਲੇ ਦੇ ਚਾਰ ਦੋਸ਼ੀ ਪੁਲਿਸ ਮੁੱਠਭੇੜ 'ਚ ਢੇਰ
. . .  19 minutes ago
ਹੈਦਰਾਬਾਦ, 6 ਦਸੰਬਰ- ਹੈਦਰਾਬਾਦ ਦੇ ਸ਼ਾਦਨਗਰ 'ਚ ਇੱਕ ਮਹਿਲਾ ਡਾਕਟਰ (ਪਸ਼ੂਆਂ) ਨਾਲ ਜਬਰ ਜਨਾਹ ਅਤੇ ਹੱਤਿਆ ਕਰਨ ਦੇ ਮਾਮਲੇ 'ਚ ਚਾਰ ਦੋਸ਼ੀਆਂ ਨੂੰ ਪੁਲਿਸ ਨੇ ਮੁੱਠਭੇੜ...
ਅੱਜ ਦਾ ਵਿਚਾਰ
. . .  24 minutes ago
ਖ਼ਾਲਸਾ ਏਡ' ਸੰਸਥਾਪਕ ਰਵੀ ਸਿੰਘ ਨੇ ਪਿੰਗਲਵਾੜਾ ਸੰਸਥਾ ਦੇ ਮਾਨਾਂ ਵਾਲਾ ਕੈਂਪਸ ਦਾ ਕੀਤਾ ਦੌਰਾ
. . .  1 day ago
ਮਾਨਾਂ ਵਾਲਾ, 05 ਦਸੰਬਰ (ਗੁਰਦੀਪ ਸਿੰਘ ਨਾਗੀ)-ਅੰਤਰਰਾਸ਼ਟਰੀ ਪੱਧਰ ਦੀ ਸਿੱਖ ਸੰਸਥਾ, ਜਿਸ ਨੇ ਦੇਸ਼ ਵਿਦੇਸ਼ ਵਿਚ ਹਰ ਆਫ਼ਤ ਦੌਰਾਨ ਮਾਨਵਤਾ ਦੀ ਹਿੱਕ ਡਾਹ ਕੇ ਸੇਵਾ ਕੀਤੀ, ਦੇ ਸੰਸਥਾਪਕ ਰਵੀ ਸਿੰਘ ਅੱਜ ਅਚਨਚੇਤ ...
ਨਵੀਂ ਦਿੱਲੀ : ਅਮਰੀਕੀ ਪ੍ਰਤੀਨਿਧੀ ਸਭਾ ਦੇ ਪ੍ਰਧਾਨ ਨੈਂਸੀ ਪੇਲੋਸੀ ਦਾ ਐਲਾਨ - ਟਰੰਪ 'ਤੇ ਚੱਲੇਗਾ ਮਹਾਂਦੋਸ਼
. . .  1 day ago
ਮੰਗੇਤਰ ਨਾਲ ਘੁੰਮਣ ਗਈ ਲੜਕੀ ਦੀ ਭੇਦਭਰੇ ਹਾਲਾਤ 'ਚ ਮੌਤ, ਪੀੜਤ ਪਰਿਵਾਰ ਨੇ ਹਵਾਈ ਅੱਡਾ ਮਾਰਗ ਕੀਤਾ ਜਾਮ
. . .  1 day ago
ਰਾਜਾਸਾਂਸੀ, 5 ਦਸੰਬਰ (ਹਰਦੀਪ ਸਿੰਘ ਖੀਵਾ ,ਹੇਰ) - ਪੁਲਿਸ ਥਾਣਾ ਕੰਬੋ ਅਧੀਨ ਆਉਂਦੇ ਪਿੰਡ ਨੌਸ਼ਹਿਰਾ ਖ਼ੁਰਦ ਦੀ ਇਕ ਨੌਜਵਾਨ ਲੜਕੀ ਆਪਣੇ ਮੰਗੇਤਰ ਨਾਲ ਘੁੰਮਣ ਲਈ ਗਈ ਤਾਂ ਉਸ ਦੀ ਭੇਦ ਭਰੇ ਹਾਲਾਤ 'ਚ ਮੌਤ ਹੋ ਗਈ। ਜਿਸ 'ਤੇ ਪੁਲਿਸ ਵੱਲੋਂ ਧਾਰਾ 174 ਦੀ ਕਾਰਵਾਈ...
ਬਾਪ ਨੇ ਆਪਣੀ ਨਾਬਾਲਗ ਲੜਕੀ ਨੂੰ ਬਣਾਇਆ ਆਪਣੀ ਹਵਸ ਦਾ ਸ਼ਿਕਾਰ
. . .  1 day ago
ਜ਼ੀਰਕਪੁਰ, 5 ਦਸੰਬਰ (ਹੈਪੀ ਪੰਡਵਾਲਾ) - ਚੰਡੀਗੜ੍ਹ ਅੰਬਾਲਾ ਸੜਕ 'ਤੇ ਪਿੰਡ ਸਿੰਘਪੁਰਾ ਨੇੜੇ ਝੁੱਗੀਆਂ 'ਚ ਇਕ ਕਲਯੁਗੀ ਪਿਉ ਵੱਲੋਂ ਆਪਣੀ ਨਾਬਾਲਗ ਧੀ ਨਾਲ ਜਬਰ ਜਨਾਹ ਕਰਨ ਦਾ ਗੈਰ ਸਮਾਜੀ ਮਾਮਲਾ ਸਾਹਮਣੇ ਆਇਆ। ਪੁਲਿਸ ਵੱਲੋਂ ਦੋਸ਼ੀ ਕਾਬੂ ਕਰ ਲਿਆ...
90 ਫ਼ੀਸਦੀ ਸੜ ਚੁੱਕੀ ਜਬਰ ਜਨਾਹ ਪੀੜਤਾ ਨੇ ਇਕ ਕਿੱਲੋਮੀਟਰ ਚੱਲ ਕੇ ਮਦਦ ਦੀ ਕੀਤੀ ਸੀ ਅਪੀਲ
. . .  1 day ago
ਉਨਾਵ, 5 ਦਸੰਬਰ - ਹਿੰਦੂ ਨਗਰ ਪਿੰਡ ਵਿਚ ਜਬਰ ਜਨਾਹ ਪੀੜਤਾ ਨੂੰ ਜਿਊਂਦਾ ਸਾੜਨ ਦੀ ਕੋਸ਼ਿਸ਼ ਦੇ ਮਾਮਲੇ ਵਿਚ ਨਵਾਂ ਖ਼ੁਲਾਸਾ ਹੋਇਆ ਹੈ। 90 ਫ਼ੀਸਦੀ ਸੜ ਚੁੱਕੀ ਪੀੜਤ ਕਰੀਬ ਇਕ ਕਿੱਲੋਮੀਟਰ ਤੱਕ ਪੈਦਲ ਚਲੀ ਤੇ ਮਦਦ ਦੀ ਗੁਹਾਰ ਲਗਾਈ...
ਬੇਰੁਜ਼ਗਾਰ ਅਧਿਆਪਕਾਂ ਨੇ ਆਪਣੀਆਂ ਮੰਗਾਂ ਨੂੰ ਲੈ ਕੇ ਪੰਜਾਬ ਸਰਕਾਰ ਦਾ ਫੂਕਿਆ ਪੁਤਲਾ
. . .  1 day ago
ਨਾਭਾ, 5 ਦਸੰਬਰ (ਕਰਮਜੀਤ ਸਿੰਘ) - ਬੇਰੁਜ਼ਗਾਰ ਅਧਿਆਪਕਾਂ ਨੇ ਆਪਣੀਆਂ ਮੰਗਾਂ ਨੂੰ ਲੈ ਕੇ ਅੱਜ ਹਲਕਾ ਵਿਧਾਇਕ ਅਤੇ ਕੈਬਨਿਟ ਮੰਤਰੀ ਸਾਧੂ ਸਿੰਘ ਧਰਮਸੋਤ ਦੀ ਰਿਹਾਇਸ਼ ਦੇ ਸਾਹਮਣੇ ਪੰਜਾਬ ਸਰਕਾਰ ਦਾ ਪੁਤਲਾ ਫੂਕਿਆ। ਉਹ ਰੋਸ ਭਰੇ ਅੰਦਾਜ਼ ਵਿਚ ਸਰਕਾਰ ਦੇ...
ਸਾਬਕਾ ਸੈਨਿਕ ਦੀ ਸੜਕ ਹਾਦਸੇ 'ਚ ਮੌਤ
. . .  1 day ago
ਲੌਂਗੋਵਾਲ, 5 ਦਸੰਬਰ (ਸ.ਸ.ਖੰਨਾ) - ਦੋ ਸਾਲ ਪਹਿਲਾ ਫ਼ੌਜ ਵਿਚੋਂ ਸੇਵਾ ਮੁਕਤਾ ਹੋਏ ਕੁਲਵਿੰਦਰ ਸਿੰਘ ਪੁੱਤਰ ਭੋਲਾ ਸਿੰਘ ਨਹਿਲ ਦੀ ਸੜਕ ਹਾਦਸੇ ਵਿਚ ਮੌਤ ਹੋ ਗਈ। ਜਿਸ ਕਾਰਨ ਇਲਾਕੇ ਵਿਚ ਸੋਗ ਦਾ ਮਾਹੌਲ ਪੈਦਾ ਹੋ...
ਪਿਆਜ਼ ਨੇ ਮੋਦੀ ਸਰਕਾਰ ਨੂੰ ਉੱਚ ਪੱਧਰੀ ਮੀਟਿੰਗ ਬੁਲਾਉਣ ਲਈ ਕੀਤਾ ਮਜਬੂਰ
. . .  1 day ago
ਨਵੀਂ ਦਿੱਲੀ, 5 ਦਸੰਬਰ - ਦੇਸ਼ ਭਰ ਵਿਚ ਪਿਆਜ਼ ਦੀਆਂ ਕੀਮਤਾਂ ਵਿਚ ਬੇਹੱਦ ਵਾਧੇ ਨਾਲ ਮੋਦੀ ਸਰਕਾਰ ਦੇ ਮੱਥੇ 'ਤੇ ਤਰੇਲੀਆਂ ਪੈਣੀਆਂ ਸ਼ੁਰੂ ਹੋ ਗਈਆਂ ਹਨ। ਇਸ ਸੰਦਰਭ ਵਿਚ ਅੱਜ ਸ਼ਾਮ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦੀ ਉੱਚ ਪੱਧਰੀ ਬੈਠਕ ਹੋ...
ਹੋਰ ਖ਼ਬਰਾਂ..

ਦਿਲਚਸਪੀਆਂ

ਗੱਲ ਲਾਠੀਚਾਰਜ ਦੀ

ਮੈਨੂੰ ਪਿਛਲੇ ਹਫ਼ਤੇ ਪਾਠ ਦੇ ਸ਼ੋਕ ਉੱਤੇ ਜਾਣ ਦਾ ਮੌਕਾ ਮਿਲਿਆ | ਪ੍ਰਬੰਧਕਾਂ ਅਤੇ ਪਰਿਵਾਰ ਵਾਲਿਆਂ ਨੇ ਸਮਾਰੋਹ ਦੀ ਸਮਾਪਤੀ ਸਾਢੇ 12 ਵਜੇ ਕਰਨੀ ਸੀ | ਇਸ ਤੋਂ ਬਾਅਦ 1 ਵਜੇ ਉਸੇ ਸਥਾਨ ਦੂਸਰਾ ਸਮਾਗਮ ਸ਼ੁਰੂ ਹੋਣਾ ਸੀ | ਦੋ ਬੁਲਾਰਿਆਂ ਨੇ ਤਰਲੇ-ਮਿੰਨਤਾਂ ਕਰ ਕੇ ਬੋਲਣ ਵਾਸਤੇ ਸਮਾਂ ਲੈ ਲਿਆ | ਉਨ੍ਹਾਂ ਵਲੋਂ ਦਿੱਤੀ ਸ਼ਰਧਾਂਜਲੀ ਨੇ ਸਾਢੇ 12 ਦੀ ਥਾਂ ਡੇਢ ਵਜਾ ਦਿੱਤਾ | ਦੂਸਰੇ ਸਮਾਗਮ ਵਾਲੇ ਬਾਹਰ ਖੜ੍ਹੇ ਔਖੇ ਹੋਈ ਜਾਣ | ਇਹ ਵਰਤਾਰਾ ਕਿਸੇ ਇਕ ਸਮਾਗਮ ਦਾ ਨਹੀਂ, ਸਗੋਂ ਅਕਸਰ ਹੁੰਦਾ ਹੈ | ਕੁਝ ਲੋਕ ਮਾਈਕ ਉੱਤੇ ਜਾ ਕੇ ਆਪਣੇ-ਆਪ ਨੂੰ ਦੁਨੀਆ ਦਾ ਮਹਾਨ ਵਿਦਵਾਨ ਮੰਨ ਕੇ ਅਜਿਹਾ ਭਾਸ਼ਨ ਕਰਦੇ ਹਨ ਕਿ ਸੁਣਨ ਵਾਲੇ ਜਾਂ ਤਾਂ ਉੱਠ ਕੇ ਚਲੇ ਜਾਂਦੇ ਹਨ ਅਤੇ ਜਾਂ ਫਿਰ ਮਜਬੂਰੀ ਵਿਚ ਬੈਠੇ ਰਹਿੰਦੇ ਹਨ |
ਅੱਜ ਮੇਰੀ ਇਕ ਦੋਸਤ ਮੇਰੇ ਕੋਲ ਆਈ | ਬੜੀ ਥੱਕੀ ਜਿਹੀ ਮਹਿਸੂਸ ਹੋ ਰਹੀ ਸੀ | ਮੇਰੇ ਪੁੱਛਣ ਉੱਤੇ ਉਸ ਨੇ ਦੱਸਿਆ ਕਿ ਅੱਜ ਉਹ ਇਕ ਸੈਮੀਨਾਰ ਵਿਚ ਗਈ ਸੀ, ਜਿੱਥੇ ਹੋਏ ਲਾਠੀਚਾਰਜ ਕਾਰਨ ਉਸ ਦਾ ਮੂਡ ਖ਼ਰਾਬ ਹੋ ਗਿਆ | ਲਾਠੀਚਾਰਜ ਸ਼ਬਦ ਸੁਣ ਕੇ ਮੈਂ ਬੜਾ ਹੈਰਾਨ ਹੋਈ ਅਤੇ ਸੈਮੀਨਾਰ ਵਿਚ ਲਾਠੀਚਾਰਜ ਹੋਣ ਦਾ ਕਾਰਨ ਪੁੱਛਣ ਉੱਤੇ ਉਸ ਨੇ ਦੱਸਿਆ ਕਿ ਸੈਮੀਨਾਰ ਵਿਚ 9 ਬੁਲਾਰੇ ਬੋਲੇ ਅਤੇ ਹਰੇਕ ਨੇ 35-40 ਮਿੰਟ ਦਾ ਸਮਾਂ ਲਿਆ | 5 ਘੰਟੇ ਲਗਾਤਾਰ ਭਾਸ਼ਨ ਸੁਣਨੇ, ਕੀ ਇਹ ਲਾਠੀਚਾਰਜ ਤੋਂ ਘੱਟ ਹੈ |
ਮੈਨੂੰ ਇਕ ਸੱਜਣ ਦੀ ਗੱਲ ਬੜੀ ਵਧੀਆ ਲੱਗੀ | ਉਨ੍ਹਾਂ ਕਿਹਾ ਕਿ ਮੰਚ ਉੱਤੇ ਜਾ ਕੇ ਘੱਟ ਬੋਲੋ ਪਰ ਬੋਲੋ ਅਜਿਹਾ ਕਿ ਲੋਕ ਤੁਹਾਨੂੰ ਹੋਰ ਬੋਲਣ ਲਈ ਆਪਣੇ-ਆਪ ਕਹਿਣ |
ਇਕ ਕਵੀ ਦਰਬਾਰ ਵਿਚ ਇਕ ਕਵੀ ਦਾ ਨਾਂਅ ਐਲਾਨਿਆ ਗਿਆ | ਉਸ ਨੇ ਮੰਚ ਉੱਤੇ ਜਾ ਕੇ ਕਿਹਾ ਕਿ ਉਸ ਪਾਸ ਇਕ ਕਵਿਤਾ ਉਹ ਹੈ ਜੋ ਉਸ ਨੇ ਅੱਜ ਹੀ ਲਿਖੀ ਹੈ, ਇਕ ਕਵਿਤਾ ਉਹ ਹੈ ਜੋ ਅੱਜ ਹੀ ਅਖ਼ਬਾਰ ਵਿਚ ਛਪੀ ਹੈ ਅਤੇ ਇਕ ਕਵਿਤਾ ਉਹ ਹੈ ਜੋ ਉਸ ਨੇ ਪਹਿਲੀ ਵਾਰ ਲਿਖੀ ਸੀ | ਉਸ ਨੇ ਸਰੋਤਿਆਂ ਨੂੰ ਪੁੱਛਿਆ ਕਿ ਕਿਹੜੀ ਕਵਿਤਾ ਸੁਣਨੀ ਚਾਹੋਗੇ | ਦਰਸ਼ਕਾਂ ਨੇ ਕਿਹਾ ਕਿ ਜਿਹੜੀ ਮਰਜ਼ੀ ਸੁਣਾ ਦਿਓ, ਤਾਂ ਕਵੀ ਕਹਿਣ ਲੱਗਾ, 'ਅੱਛਾ ਅੱਛਾ, ਤਿੰਨੇ ਸੁਣਨੀਆਂ ਹਨ | ਲਓ ਜੀ, ਤਿੰਨੇ ਸੁਣ ਲਵੋ |' ਲਓ ਜੀ, ਦਰਸ਼ਕਾਂ ਨੇ ਇਹ ਲਾਠੀਚਾਰਜ ਕਿਵੇਂ ਸਹਿਣ ਕੀਤਾ, ਉਹੀਓ ਜਾਣਦੇ ਹਨ |

-ਸੰਗਰੂਰ |


ਖ਼ਬਰ ਸ਼ੇਅਰ ਕਰੋ

ਨਸ਼ਾ ਮੁਕਤੀ ਜਾਗਰੂਕਤਾ ਕੈਂਪ

ਪੁਲਿਸ ਵਿਭਾਗ ਨੇ ਆਪਣੇ ਉਪਰਲੇ ਸਰਕਾਰੀ ਹੁਕਮਾਂ ਦੀ ਪਾਲਣਾ ਕਰਦਿਆਂ ਸਾਡੇ ਪਿੰਡ ਵੀ ਨਸ਼ਾ ਮੁਕਤੀ ਜਾਗਰੂਕਤਾ ਕੈਂਪ ਲਗਵਾ ਕੇ ਆਪਣਾ ਜ਼ਾਬਤਾ ਪੂਰਾ ਕੀਤਾ | ਇਸ ਕੈਂਪ ਦੌਰਾਨ ਪੁਲਿਸ ਅਧਿਕਾਰੀਆਂ ਤੋਂ ਇਲਾਵਾ ਪਿੰਡ ਦੇ ਸੂਝਵਾਨ ਲੋਕਾਂ ਨੂੰ ਵੀ ਸੰਬੋਧਨ ਕਰਨ ਲਈ ਜ਼ੋਰ ਦਿੱਤਾ ਗਿਆ | ਪਿੰਡ 'ਚ ਸਭ ਤੋਂ ਵਧੀਆ ਇਕ ਸਾਬਕਾ ਸਰਪੰਚ ਸਟੇਜ 'ਤੇ ਬੋਲਣ 'ਚ ਮੋਹਰੀ ਸੀ | ਬਾਕੀ ਲੋਕ ਜਕਦੇ-ਜਕਾਉਂਦੇ ਬੋਲਣ ਪੱਖੋਂ ਸ਼ਰਮਾਅ ਜਾਂਦੇ ਸਨ | ਉਹ ਸਾਬਕਾ ਸਰਪੰਚ ਸਵੇਰ ਤੋਂ ਕਿਸੇ ਲੜਕੇ ਦੇ ਸ਼ਗਨ ਪਾਰਟੀ 'ਤੇ ਨੇੜਲੇ ਮੈਰਿਜ ਪੈਲਿਸ 'ਚ ਗਿਆ ਹੋਇਆ ਸੀ | ਕੈਂਪ ਅਜੇ ਚੱਲ ਰਿਹਾ ਸੀ ਕਿ ਸਰਪੰਚ ਵੀ ਵਾਪਸ ਆ ਕੇ ਕੈਂਪ 'ਚ ਸ਼ਾਮਿਲ ਹੋ ਗਿਆ ਸੀ | ਉਸ ਨੇ ਨਸ਼ਿਆਂ ਪ੍ਰਤੀ ਪੂਰੇ ਜ਼ੋਰ-ਸ਼ੋਰ ਨਾਲ ਸੰਬੋਧਨ ਕੀਤਾ |
'ਵਾਹ... ਸਰਪੰਚ ਸਾਬ੍ਹ ਵਾਹ...ਤੁਹਾਡੇ ਬਿਨਾਂ ਤਾਂ ਕੈਂਪ ਅਧੂਰਾ ਹੀ ਜਾਪ ਰਿਹਾ ਸੀ | ਤੁਸੀਂ ਤਾਂ 10 ਮਿੰਟ 'ਚ ਹੀ ਧੰਨ-ਧੰਨ ਕਰਵਾਉਂਦਿਆਂ ਨਸ਼ਿਆਂ ਬਾਰੇ ਬੁਲੰਦ ਅਵਾਜ਼ ਨਾਲ ਅਜਿਹਾ ਭਾਸ਼ਨ ਕੀਤਾ ਕਿ ਸਭ ਲੋਕ ਮੰਤਰ-ਮੁਗਧ ਹੀ ਹੋ ਕੇ ਰਹਿ ਗਏ', ਥਾਣੇਦਾਰ ਨੇ ਸਾਬਕਾ ਸਰਪੰਚ ਦੀ ਪੁਰਜ਼ੋਰ ਸ਼ਬਦਾਂ 'ਚ ਸ਼ਲਾਘਾ ਕਰਦਿਆਂ ਕਿਹਾ...?
'ਥਾਣੇਦਾਰ ਸਾਹਿਬ, ਅਜੇ ਤਾਂ ਮੇਰੇ ਪਾਰਟੀ ਦੌਰਾਨ ਅੰਗਰੇਜ਼ੀ ਸ਼ਕਤੀ ਵਾਟਰ ਦੇ ਤਿੰਨ ਕੁ ਹੀ ਪੈੱਗ ਲੱਗੇ ਸਨ | ਜੇਕਰ ਕਿੱਧਰੇ....ਖੱਦਰ ਦੇ ਗਿਲਾਸ 'ਚ ਰੂੜੀ ਮਾਰਕਾ ਦਾ ਇਕ-ਅੱਧਾ ਹੀ ਕਰੜਾ ਜਿਹਾ....ਤਾਂ...ਫੇਰ... |

-ਪਿੰਡ:-ਲੰਗੇਆਣਾ ਕਲਾਂ (ਮੋਗਾ)
ਮੋਬਾਈਲ : 98781-17285.

ਸਾਡੀ ਹਿੰਮਤ

'ਹਿੰਮਤ ਅੱਗੇ ਲੱਛਮੀ ਪੱਖੇ ਅੱਗੇ ਪੌਣ' ਜੋ ਹਿੰਮਤ ਕਰ ਸਕਦਾ ਹੈ, ਲੋਕ ਉਸ ਦੇ ਮਗਰ ਤੁਰ ਪੈਂਦੇ ਹਨ | ਹਿੰਮਤ ਕਰਕੇ ਕੁਝ ਕਰਨ 'ਤੇ ਦਿਲ ਨੂੰ ਤਸੱਲੀ ਮਿਲਦੀ ਹੈ | ਇਹ ਤਾਂ ਦੁਨੀਆ ਦਾ ਵੇਗ ਹੈ | ਜੇ ਤੁਸੀਂ ਹਿੰਮਤ ਨਹੀਂ ਕਰ ਸਕਦੇ ਤਾਂ ਫਿਰ ਲੋਕਾਂ ਦੇ ਪਿੱਛੇ-ਪਿੱਛੇ ਤੁਰਨਾ ਪੈਂਦਾ ਹੈ | ਹਿੰਮਤ ਤੋਂ ਭਾਵ ਮੇਰਾ ਜ਼ਿੰਮੇਵਾਰੀ ਨਿਭਾਉਣ ਤੋਂ ਹੈ | ਜੇ ਅਸੀਂ ਹਿੰਮਤੀ ਹੋਵਾਂਗੇ ਤਾਂ ਕਿਸੇ 'ਤੇ ਨਿਰਭਰ ਨਹੀਂ ਕਰਾਂਗੇ | ਸਾਨੂੰ ਹਿੰਮਤ ਕਰਨੀ ਚਾਹੀਦੀ ਹੈ, ਹਿੰਮਤੇ ਮਰਦਾਂ ਮਦਦੇ ਖੁਦਾ | ਜੋ ਹਿੰਮਤੀ ਹੁੰਦੇ ਹਨ ਪ੍ਰਮਾਤਮਾ ਵੀ ਉਨ੍ਹਾਂ ਦੀ ਮਦਦ ਕਰਦਾ ਹੈ | ਕਈ ਲੋਕ ਸੋਚਦੇ ਰਹਿੰਦੇ ਹਨ ਕਿ ਕੋਈ ਉਨ੍ਹਾਂ ਦੀ ਮਦਦ ਕਰੇ | ਹਿੰਮਤੀ ਲੋਕ ਕੋਸ਼ਿਸ਼ ਸ਼ੁਰੂ ਕਰ ਦਿੰਦੇ ਹਨ | 'ਜ਼ਮਾਨੇ ਕੋ ਬਦਲਨਾ ਹਮ ਨੇ ਠਾਨਾ, ਜ਼ਿੰਦਾ ਵੋ ਹੈਾ ਜੋ ਜ਼ਮਾਨੇ ਕੋ ਬਦਲ ਦੇਤੇ ਹੈਾ |'
ਅੱਗੇ ਲੱਗ ਕੇ ਚੱਲਣ ਵਾਲਿਆਂ ਤੇ ਪਿੱਛੇ-ਪਿੱਛੇ ਆਉਣ ਵਾਲਿਆਂ ਵਿਚ ਜ਼ਮੀਨ-ਅਸਮਾਨ ਦਾ ਫਰਕ ਹੁੰਦਾ ਹੈ | ਸਾਡੇ ਕੋਲ ਤੀਸਰਾ ਰਸਤਾ ਨਹੀਂ ਹੁੰਦਾ ਕੋਈ | ਜਾਂ ਤਾਂ ਮੂਹਰੇ ਹੋ ਕੇ ਤੁਰੀਏ ਤੇ ਜਾਂ ਪਿੱਛੇ ਲੱਗ ਤੁਰੀਏ | ਕਾਮਯਾਬੀ ਦੀ ਪਹਿਲੀ ਪੌੜੀ ਹਿੰਮਤੀ ਹੋਣਾ ਹੈ | ਜੇ ਤੁਸੀਂ ਹਿੰਮਤੀ ਨਹੀਂ ਤਾਂ ਬੜਾ ਮੁਸ਼ਕਿਲ ਹੈ ਕਾਮਯਾਬ ਹੋਣਾ | ਦੁਨੀਆ ਦੇਖਣ ਨੂੰ ਤਾਂ ਇਕੋ ਜਿਹੀ ਹੀ ਲਗਦੀ ਹੈ, ਦੋ ਅੱਖਾਂ, ਦੋ ਹੱਥ, ਦੋ ਕੰਨ, ਦੋ ਪੈਰ ਵਾਲੀ ਪਰ ਥੋੜ੍ਹੇ ਜਿਹੇ ਲੋਕ ਅੱਗੇ ਲੰਘਦੇ ਹਨ, ਜਿਨ੍ਹਾਂ ਨੂੰ ਅਸੀਂ ਕਾਮਯਾਬ ਲੋਕ ਕਹਿੰਦੇ ਹਾਂ | ਇਹ ਗੱਲ ਪੱਕੀ ਹੈ ਕਿ ਜੇ ਤੁਸੀਂ ਅੱਗੇ ਨਹੀਂ ਲਗਦੇ ਤਾਂ ਕੋਈ ਨਾ ਕੋਈ ਜ਼ਰੂਰ ਤੁਹਾਡੇ ਅੱਗੇ ਲੱਗ ਤੁਰੇਗਾ ਤੇ ਤੁਸੀਂ ਪਿੱਛੇ ਰਹਿ ਜਾਓਗੇ | ਫਾਡੀ ਵੀ ਰਹਿ ਸਕਦੇ ਹੋ | ਹਿੰਮਤੀ ਲੋਕ ਕਦੇ ਵੀ ਫਾਡੀ ਨਹੀਂ ਰਹਿੰਦੇ | ਕਿਸੇ ਨੇ ਖੂਬ ਲਿਖਿਆ 'ਮੰਜ਼ਿਲ ਪਰ ਚਲਨੇ ਵਾਲੋਂ ਕੋ ਪਥ ਮੇਂ ਰਾਤ ਹੂਆ ਕਰਦੀ ਹੈ' ਪਰ ਜੇ ਰਾਹ ਵਿਚ ਰਾਤ ਪੈ ਜਾਣ ਦੇ ਡਰ ਕਰਕੇ ਕੋਈ ਤੁਰੇ ਹੀ ਨਾ ਤਾਂ ਕਿੱਥੇ ਪਹੁੰਚੇਗਾ? ਹਿੰਮਤੀ ਲੋਕ ਔਖੀਆਂ ਤੋਂ ਔਖੀਆਂ ਮੰਜ਼ਿਲਾਂ ਤੈਅ ਕਰ ਲੈਂਦੇ ਹਨ | ਸੋ, ਹਿੰਮਤ ਕਰੋ, ਜੇ ਤੁਸੀਂ ਹਿੰਮਤ ਕਰੋਗੇ ਤਾਂ ਅਜਿਹਾ ਕਿਹੜਾ ਕੰਮ ਹੈ ਜੋ ਤੁਸੀਂ ਨਹੀਂ ਕਰ ਸਕਦੇ? ਹਿੰਮਤ ਕਰਕੇ ਤੁਰਨਾ ਹੀ ਸਭ ਤੋਂ ਵੱਡੀ ਗੱਲ ਹੈ |
ਆਲਸੀ ਲੋਕ ਆਪਣੀ ਯੋਗਤਾ 'ਤੇ ਸ਼ੱਕ ਕਰਦੇ ਹਨ, ਉਹ ਸੋਚਦੇ ਹਨ ਕਿ ਮੈਂ ਕੀ ਕਰ ਸਕਦਾਂ? ਪਰ ਹਿੰਮਤੀ ਕਹੇਗਾ ਕਿ ਹੁਣ ਕੋਈ ਹੋਰ ਰਸਤਾ ਭਾਲਿਆ ਜਾਵੇ | ਆਲਸੀ ਕਹੇਗਾ ਲੋਕਾਂ ਨੇ ਮੈਨੂੰ ਤੰਗ ਕਰ ਦਿੱਤਾ ਹੈ | ਹਿੰਮਤੀ ਕਹੇਗਾ ਮੈਂ ਕਿਸੇ ਦੀ ਪ੍ਰਵਾਹ ਕਿਉਂ ਕਰਾਂ? ਆਲਸੀ ਸੋਚਦਾ ਰਹਿ ਜਾਵੇਗਾ ਕਿ ਲੋਕਾਂ ਨੇ ਮੈਨੂੰ ਕੁਝ ਨਹੀਂ ਕਰਨ ਦੇਣਾ ਤੇ ਹਿੰਮਤੀ ਸੰਘਰਸ਼ ਕਰੇਗਾ |
ਹਿੰਮਤੀ ਲੋਕ ਬਾਕੀਆਂ ਨੂੰ ਮਾਰਗ ਦਰਸ਼ਨ ਕਰਾਉਣ ਦੀ ਸਮਰੱਥਾ ਰੱਖਦੇ ਹਨ | ਆਲਸੀ ਲੋਕ ਦੂਜਿਆਂ ਨੂੰ ਦੋਸ਼ ਦਿੰਦੇ ਹਨ ਪਰ ਹਿੰਮਤੀ ਕਹੇਗਾ, 'ਹਸਤ ਰੇਖਾਵਾਂ ਦੀ ਚਿੰਤਾ ਨਾ ਕਰੋ, ਹੱਥ ਸਿਰਜਣਹਾਰ ਨੇ ਤਕਦੀਰ ਦੇ |'
ਜੇ ਤੁਸੀਂ ਆਪਣੇ-ਆਪ ਨੂੰ ਪਿਆਰ ਕਰਦੇ ਹੋ ਤਾਂ ਆਪਣੇ-ਆਪ ਵਾਸਤੇ ਕੁਝ ਕਰੋ ਭਾਵ ਹਿੰਮਤ ਕਰੋ | ਜੇ ਕੁਝ ਤਿਆਗ ਵੀ ਕਰਨਾ ਪਿਆ ਫਿਰ ਕੀ ਹੋਇਆ, ਕੁਝ ਹਾਸਲ ਕਰਨ ਵਾਸਤੇ ਕੁਝ ਤਿਆਗਣਾ ਤਾਂ ਪਵੇਗਾ ਹੀ | ਸਭ ਕੁਝ ਮੁਮਕਿਨ ਹੈ ਜੇ ਹਿੰਮਤ ਹੈ ਤੁਹਾਡੇ ਵਿਚ?

ਮੋਬਾਈਲ : 98725-49506

ਕਾਵਿ-ਵਿਅੰਗ: ਮਾਰੂ ਲਾਲਸਾ

• ਨਵਰਾਹੀ ਘੁਗਿਆਣਵੀ •
ਰਾਜ ਭਾਗ ਦੀ ਲਾਲਸਾ ਬਹੁਤ ਮਾਰੂ,
ਪੈਰ ਪੈਰ 'ਤੇ ਕੂੜ ਕਮਾਉਣ ਸ਼ੁਹਦੇ |
ਠਿੱਬੀ ਮਾਰ ਕੇ ਦੂਜੇ ਨੂੰ ਚਿੱਤ ਕਰਦੇ,
ਹਰ ਵਕਤ ਇਹ ਕਾਰ ਕਮਾਉਣ ਸ਼ੁਹਦੇ |
ਵੋਟਾਂ ਵਾਸਤੇ ਕਰਨ ਹਰ ਯਤਨ ਹੀਲਾ,
ਬਿਨਾਂ ਲੋੜ ਨਜ਼ਦੀਕ ਨਾ ਆਉਣ ਸ਼ੁਹਦੇ |
ਪੁੱਤ ਪੋਤਰੇ ਵਾਸਤੇ ਫਿਰਨ ਦੌੜੇ,
ਸਾਂਝੇ ਕੰਮ ਨੂੰ ਹੱਥ ਨਾ ਪਾਉਣ ਸ਼ੁਹਦੇ |

-ਨਹਿਰ ਨਜ਼ਾਰਾ, ਨਵਾਂ ਹਰਿੰਦਰ ਨਗਰ, ਫਰੀਦਕੋਟ-151203.
ਮੋਬਾਈਲ : 98150-02302.

ਦੁਸਹਿਰਾ

ਪਿੰਡ ਦੀ ਸੱਥ ਵਿਚ ਦੁਸਹਿਰੇ ਦੇ ਤਿਉਹਾਰ ਬਾਰੇ ਚਰਚਾ ਹੋ ਰਹੀ ਸੀ | ਇਕ ਬਜ਼ੁਰਗ ਦੱਸ ਰਿਹਾ ਸੀ ਕਿ ਦੁਸਹਿਰਾ ਬਦੀ ਉਤੇ ਨੇਕੀ ਦੀ ਜਿੱਤ ਦਾ ਪ੍ਰਤੀਕ ਹੈ | ਸ੍ਰੀ ਰਾਮ ਚੰਦਰ ਨੇ ਰਾਵਣ ਨੂੰ ਮਾਰਿਆ ਸੀ | ਅੱਜ ਦੇ ਦਿਨ ਸਾਰੇ ਭਾਰਤ ਵਿਚ ਥਾਂ-ਥਾਂ 'ਤੇ ਰਾਵਣ ਦੇ ਪੁਤਲੇ ਬਣਾ ਕੇ ਸਾੜੇ ਜਾਂਦੇ ਨੇ, ਲੋਕਾਂ ਦੀ ਬੜੀ ਭੀੜ ਇਕੱਠੀ ਹੁੰਦੀ ਹਹੈ |
'ਬਾਬਾ ਜੀ ਇਸ ਦਿਨ ਤੋਂ ਸਾਨੂੰ ਇਹ ਸਿੱਖਿਆ ਮਿਲਦੀ ਹੈ ਕਿ ਰਾਵਣ ਮਾੜਾ ਬੰਦਾ ਸੀ ਤੇ ਉਹਦੇ ਪੁਤਲੇ ਬਣਾ ਬਣਾ ਫੂਕਣੇ ਨੇ', ਜੱਗੀ ਇਕਦਮ ਬੋਲਿਆ |
ਸੱਥ ਵਿਚ ਬੈਠੇ ਮਾਸਟਰ ਮੇਲਾ ਸਿਉਂ ਬੋਲੇ, 'ਜਵਾਨਾ, ਦੁਸਹਿਰੇ ਤੋਂ ਭਾਵ ਰਾਵਣ ਦਾ ਪੁਤਲਾ ਸਾੜ ਕੇ ਵਾਤਾਵਰਨ ਹੀ ਦੂਸ਼ਿਤ ਨਹੀਂ ਕਰਨਾ ਚਾਹੀਦਾ, ਸਗੋਂ ਸਾਨੂੰ ਆਪਣੇ ਅੰਦਰ ਦੀਆਂ ਦਸ ਬੁਰਾਈਆਂ ਹਊਮੈ, ਬੇਰਹਿਮੀ, ਕਾਮ, ਗੁੱਸਾ, ਬੇਇਨਸਾਫ਼ੀ, ਲਾਲਚ, ਹੰਕਾਰ, ਈਰਖਾ, ਮੋਹ, ਸੁਆਰਥ ਨੂੰ ਖ਼ਤਮ ਕਰਕੇ ਦੇਸ਼ ਦੀ ਸੇਵਾ ਕਰਨੀ ਚਾਹੀਦੀ ਹੈ |'
'ਬਿਲਕੁਲ ਠੀਕ ਕਿਹਾ ਮਾਸਟਰ ਜੀ, ਅਸੀਂ ਆਪਣੇ ਅੰਦਰ ਦੀਆਂ ਬੁਰਾਈਆਂ ਨੂੰ ਦੂਰ ਕਰਨ ਨਾਲੋਂ ਥਾਂ-ਥਾਂ ਪੁਤਲੇ ਫੂਕ ਕੇ ਵਾਤਾਵਰਨ ਈ ਪਲੀਤ ਕਰ ਰਹੇ ਹਾਂ | ਪੁਤਲੇ ਫੂਕਣ ਬਾਅਦ ਆਪਾਂ ਫ਼ਸਲਾਂ ਦੀ ਰਹਿੰਦ-ਖੰੂਹਦ ਵੀ ਅੱਗ ਲਾ ਕੇ ਸਾੜਨੀ, ਵਾਤਾਵਰਨ ਨੂੰ ਪ੍ਰਦੂਸ਼ਿਤ ਕਰਨਾ, ਸਾਨੂੰ ਇਸ ਦੇ ਸਾਰਥਿਕ ਹੱਲ ਕੱਢਣੇ ਚਾਹੀਦੇ ਹਨ, ਜਿਸ ਲਈ ਸਾਨੂੰ ਸਿੱਖਿਅਤ ਹੋਣਾ ਪੈਣਾ', ਵਿਦੇਸ਼ ਤੋਂ ਪਰਤਿਆ ਕੁਲਬੀਰ ਬੋਲਿਆ |

-ਨੰਗਲ ਅੰਬੀਆਂ | ਮੋਬਾ : 97791-91447.

ਰੰਗ ਤੇ ਵਿਅੰਗ: ਬੇਵਕੂਫ਼

ਪਤਨੀ-ਜੀ ਸੁਣਦੇ ਹੋ ਸਾਡੀ ਲੜਕੀ ਹੁਣ ਜਵਾਨ ਹੋ ਚੁੱਕੀ ਹੈ, ਇਸ ਦੀ ਸ਼ਾਦੀ ਕਰ ਦੇਣੀ ਚਾਹੀਦੀ ਹੈ |
ਪਤੀ-ਮੈਂ ਕਾਫ਼ੀ ਲੜਕੇ ਵੇਖੇ ਹਨ, ਹਰ ਕੋਈ ਬੇਵਕੂਫ਼ ਹੀ ਮਿਲਦਾ ਹੈ |
'ਜੇ ਮੇਰੀ ਮਾਂ ਵੀ ਇਸ ਤਰ੍ਹਾਂ ਕਰਦੀ ਤਾਂ ਅੱਜ ਮੈਂ ਵੀ ਕੁਆਰੀ ਹੋਣਾ ਸੀ', ਪਤਨੀ ਨੇ ਪੋਲੇ ਜਿਹੇ ਮੰੂਹ ਨਾਲ ਕਿਹਾ |

-ਸੁਖਮੰਦਰ ਸਿੰਘ ਤੂਰ
ਪਿੰਡ ਤੇ ਡਾਕ: ਖੋਸਾ ਪਾਂਡੋ, ਜ਼ਿਲ੍ਹਾ ਮੋਗਾ-142048.

ਪੁੱਤ

ਨਸੀਬੋ ਖੰਘਦੀ-ਖੰਘਦੀ ਆਪਣੀ ਗੁਆਂਢਣ ਨਾਲ ਗੱਲ ਕਰ ਰਹੀ ਸੀ ਕਿ ਉਸ ਦੀ ਨੂੰ ਹ ਕੋਲ ਕੇਵਲ ਧੀ ਹੀ ਹੈ | ਕਾਸ਼ ਕਿਤੇ ਰੱਬ ਪੁੱਤ ਦੇ ਦਿੰਦਾ | ਐਨੇ ਨੂੰ ਗੱਲ ਵਿਚੋਂ ਹੀ ਕੱਟ ਕੇ ਉਹ ਕੋਲ ਖੇਡਦੀ ਆਪਣੀ ਪੋਤੀ ਨੂੰ ਕਹਿੰਦੀ ਹੈ, 'ਆਹ ਪੁੱਤ ਮੇਰੀ ਖੰਘ ਦੀ ਦਵਾਈ ਫੜਾੲੀਂ ਜ਼ਰਾ |'
ਨਸੀਬੇ ਦੇ ਮੰੂਹੋਂ ਪੋਤੀ ਲਈ 'ਪੁੱਤ' ਸ਼ਬਦ ਸੁਣ ਕੇ ਕੋਲ ਬੈਠੀ ਗੁਆਂਢਣ ਸੋਚੀਂ ਪੈ ਗਈ ਕਿ ਆਖਿਰ ਨਸੀਬੋ ਨੂੰ ਹੋਰ ਕਿਹੜੇ 'ਪੁੱਤ' ਦੀ ਭਾਲ ਹੈ |

-ਮਨਦੀਪ ਸਿੰਘ ਸ਼ੇਰੋਂ
ਸੁਨਾਮ ਊਦਮ ਸਿੰਘ ਵਾਲਾ |
ਮੋਬਾਈਲ : 73076-25006.





Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX