ਤਾਜਾ ਖ਼ਬਰਾਂ


ਟਰੱਕ ਅਤੇ ਕਾਰ ਵਿਚਾਲੇ ਹੋਈ ਜ਼ਬਰਦਸਤ ਟੱਕਰ 'ਚ 2 ਵਿਅਕਤੀਆਂ ਦੀ ਮੌਤ, ਦੋ ਗੰਭੀਰ ਜ਼ਖ਼ਮੀ
. . .  27 minutes ago
ਪਾਤੜਾਂ, 17 ਫਰਵਰੀ (ਗੁਰਇਕਬਾਲ ਸਿੰਘ ਖ਼ਾਲਸਾ)- ਬੀਤੀ ਦੇਰ ਰਾਤ ਇੱਥੇ ਕੌਮੀ ਮਾਰਗ 'ਤੇ ਇੱਕ ਕਾਰ ਅਤੇ ਟਰੱਕ ਵਿਚਾਲੇ ਹੋਈ ਟੱਕਰ 'ਚ ਦੋ ਲੋਕਾਂ ਦੀ ਮੌਤ ਹੋ ਗਈ, ਜਦਕਿ ਦੋ ਹੋਰ ਗੰਭੀਰ ਰੂਪ 'ਚ ਜ਼ਖ਼ਮੀ ਹੋ...
ਵੈਨ ਹਾਦਸੇ ਤੋਂ ਬਾਅਦ ਲੌਂਗੋਵਾਲ ਦੇ ਨਿੱਜੀ ਸਕੂਲਾਂ ਵਿਚ ਛਾਇਆ ਸੰਨਾਟਾ, ਸਕੂਲ ਬੱਸਾਂ ਹੋਈਆਂ ਅਲੋਪ
. . .  25 minutes ago
ਲੌਂਗੋਵਾਲ, 17 ਫਰਵਰੀ (ਸ.ਸ.ਖੰਨਾ,ਵਿਨੋਦ) - ਬੀਤੇ ਦਿਨੀਂ ਇੱਕ ਨਿੱਜੀ ਸਕੂਲ ਦੀ ਵੈਨ ਨੂੰ ਅੱਗ ਲੱਗਣ ਕਾਰਨ ਚਾਰ ਮਾਸੂਮ ਬੱਚਿਆਂ ਦੀ ਮੌਤ ਹੋਣ ਕਾਰਨ ਕਸਬਾ ਲੌਂਗੋਵਾਲ ...
ਨਿਰਭੈਆ ਮਾਮਲੇ 'ਚ ਦਿੱਲੀ ਦੀ ਪਟਿਆਲਾ ਹਾਊਸ ਕੋਰਟ 'ਚ ਸੁਣਵਾਈ ਜਾਰੀ
. . .  37 minutes ago
ਫ਼ਿਰੋਜ਼ਪੁਰ ਜ਼ਿਲ੍ਹਾ ਯੂਥ ਕਾਂਗਰਸ ਦੇ ਉਪ ਪ੍ਰਧਾਨ ਰਾਕੇਸ਼ ਕੁਮਾਰ ਨੇ ਪਾਰਟੀ ਦੀ ਮੁੱਢਲੀ ਮੈਂਬਰਸ਼ਿਪ ਤੋਂ ਦਿੱਤਾ ਅਸਤੀਫ਼ਾ
. . .  42 minutes ago
ਚੰਡੀਗੜ੍ਹ, 17 ਫਰਵਰੀ (ਵਿਕਰਮਜੀਤ ਸਿੰਘ ਮਾਨ)- ਫ਼ਿਰੋਜ਼ਪੁਰ ਜ਼ਿਲ੍ਹਾ ਯੂਥ ਕਾਂਗਰਸ ਦੇ ਉਪ ਪ੍ਰਧਾਨ ਰਾਜੇਸ਼ ਕੁਮਾਰ ਨੇ ਅੱਜ ਆਪਣੇ ਅਹੁਦੇ ਅਤੇ ਕਾਂਗਰਸ ਦੀ ਮੁੱਢਲੀ ਮੈਂਬਰਸ਼ਿਪ ਤੋਂ ਅਸਤੀਫ਼ਾ ਦੇ...
ਸ਼ਾਹੀਨ ਬਾਗ ਦੇ ਮੁੱਦੇ 'ਤੇ ਸੁਪਰੀਮ ਕੋਰਟ 'ਚ ਸੁਣਵਾਈ ਸ਼ੁਰੂ
. . .  54 minutes ago
ਸ਼੍ਰੋਮਣੀ ਕਮੇਟੀ ਤੋਂ ਬਾਦਲ ਪਰਿਵਾਰ ਦਾ ਕਬਜ਼ਾ ਹਟਾਉਣ ਲਈ ਸੁਖਦੇਵ ਢੀਂਡਸਾ ਦਾ ਦੇਵਾਂਗਾ ਸਾਥ- ਰਾਮੂਵਾਲੀਆ
. . .  56 minutes ago
ਬਰਨਾਲਾ, 17 ਫਰਵਰੀ (ਗੁਰਪ੍ਰੀਤ ਸਿੰਘ ਲਾਡੀ)- ਲੋਕ ਭਲਾਈ ਪਾਰਟੀ ਦੀ ਮੁੜ ਸੁਰਜੀਤੀ ਲਈ ਅੱਜ ਬਰਨਾਲਾ ਵਿਖੇ ਪਾਰਟੀ ਵਰਕਰਾਂ ਵਲੋਂ ਰੱਖੀ ਗਈ ਇੱਕ ਮੀਟਿੰਗ ਦੌਰਾਨ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ...
ਸੜਕ ਹਾਦਸੇ 'ਚ ਨੌਜਵਾਨ ਦੀ ਮੌਤ
. . .  about 1 hour ago
ਬਰਨਾਲਾ/ਰੂੜੇਕੇ ਕਲਾਂ, 17 ਫਰਵਰੀ (ਗੁਰਪ੍ਰੀਤ ਸਿੰਘ ਕਾਹਨੇਕੇ)- ਮਾਨਸਾ-ਬਰਨਾਲਾ ਮੁੱਖ ਮਾਰਗ 'ਤੇ ਰੂੜੇਕੇ ਕਲਾਂ ਵਿਖੇ ਵਾਪਰੇ ਸੜਕ ਹਾਦਸੇ 'ਚ ਇੱਕ ਨੌਜਵਾਨ ਦੀ ਮੌਤ ਹੋਣ ਦੀ ਖ਼ਬਰ ਪ੍ਰਾਪਤ ਹੋਈ ਹੈ। ਇਕੱਤਰ ਕੀਤੀ...
ਬੈਂਕ ਮੁਲਾਜ਼ਮ ਤੋਂ ਲੱਖਾਂ ਰੁਪਏ ਦੀ ਨਕਦੀ ਲੁੱਟ ਕੇ ਫ਼ਰਾਰ ਹੋਏ ਲੁਟੇਰੇ
. . .  about 1 hour ago
ਜ਼ੀਰਾ, 17 ਫਰਵਰੀ (ਪ੍ਰਤਾਪ ਸਿੰਘ ਹੀਰਾ)- ਅੱਜ ਸਵੇਰੇ ਕਰੀਬ 11.40 ਵਜੇ ਤਲਵੰਡੀ ਰੋਡ ਜ਼ੀਰਾ ਵਿਖੇ ਸਥਿਤ ਰਤਨਾਕਰ ਬੈਂਕ (ਆਰ. ਬੀ. ਐੱਲ. ਬੈਂਕ) ਦੇ ਮੁਲਾਜ਼ਮ ਕੋਲੋਂ ਮੋਟਰਸਾਈਕਲ ਸਵਾਰ ਤਿੰਨ ਲੁਟੇਰੇ...
ਮਾਣਹਾਨੀ ਦੇ ਮਾਮਲੇ 'ਚ ਬੈਂਸ ਵਿਰੁੱਧ ਗ਼ੈਰ-ਜ਼ਮਾਨਤੀ ਵਾਰੰਟ ਜਾਰੀ
. . .  about 1 hour ago
ਪਟਿਆਲਾ, 17 ਫਰਵਰੀ (ਅਮਨਦੀਪ ਸਿੰਘ)- ਪੰਜਾਬ ਦੇ ਕੈਬਨਿਟ ਮੰਤਰੀ ਬ੍ਰਹਮ ਮਹਿੰਦਰਾ ਵਲੋਂ ਲੋਕ ਇਨਸਾਫ਼ ਪਾਰਟੀ ਦੇ ਮੁਖੀ ਅਤੇ ਲੁਧਿਆਣਾ ਤੋਂ ਵਿਧਾਇਕ ਸਿਮਰਜੀਤ ਸਿੰਘ ਬੈਂਸ ਦੇ...
ਅੰਮ੍ਰਿਤਸਰ : ਮੁਲਜ਼ਮਾਂ ਦੀਆਂ ਹੱਕੀ ਮੰਗਾਂ ਨੂੰ ਲੈ ਕੇ ਨਿਗਮ ਮੁਲਾਜ਼ਮਾਂ ਵਲੋਂ ਹੜਤਾਲ
. . .  about 1 hour ago
ਅੰਮ੍ਰਿਤਸਰ, 17 ਫਰਵਰੀ (ਹਰਮਿੰਦਰ ਸਿੰਘ)- ਨਗਰ ਨਿਗਮ ਮੁਲਾਜ਼ਮਾਂ ਦੀਆਂ ਹੱਕੀ ਮੰਗਾਂ ਸੰਬੰਧੀ ਮੁਲਾਜ਼ਮਾਂ ਦੀ ਸਾਂਝੀ ਸੰਘਰਸ਼ ਕਮੇਟੀ ਵਲੋਂ ਨਿਗਮ ਪ੍ਰਸ਼ਾਸਨ ਨੂੰ ਦਿੱਤੇ ਅਲਟੀਮੇਟਮ ਦਾ...
ਹੋਰ ਖ਼ਬਰਾਂ..

ਨਾਰੀ ਸੰਸਾਰ

ਬਾਲੜੀਆਂ ਲਈ ਜ਼ਰੂਰੀ ਹੈ ਸੁਰੱਖਿਅਤ ਮਾਹੌਲ

ਕਿਸੇ ਵੀ ਸਮਾਜ ਜਾਂ ਦੇਸ਼ ਦੀ ਉੱਨਤੀ ਵਾਸਤੇ ਉਸ ਦੀਆਂ ਮਹਿਲਾਵਾਂ ਦਾ ਸੁਰੱਖਿਅਤ ਹੋਣਾ ਬਹੁਤ ਜ਼ਰੂਰੀ ਹੈ। ਸੁਰੱਖਿਅਤ ਮਾਹੌਲ ਦੇ ਵਿਚ ਹੀ ਉਹ ਆਪਣੀ ਸ਼ਖ਼ਸੀਅਤ ਨੂੰ ਨਿਖ਼ਾਰ ਸਕਦੀਆਂ ਹਨ। ਪਰ ਅਫ਼ਸੋਸ ਦੀ ਗੱਲ ਹੈ ਕਿ ਮਹਿਲਾਵਾਂ ਨਾਲ ਹੋ ਰਹੇ ਅਪਰਾਧ ਰੁਕਣ ਦਾ ਨਾਂਅ ਹੀ ਨਹੀਂ ਲੈ ਰਹੇ, ਜਿਹੜਾ ਅੱਜ ਸਭ ਤੋਂ ਵੱਡਾ ਚਿੰਤਾ ਦਾ ਵਿਸ਼ਾ ਹੈ। ਵਧਦੇ ਅਪਰਾਧਾਂ ਨੂੰ ਵੇਖਦਿਆਂ ਹੋਇਆਂ ਸਰਕਾਰਾਂ ਕਈ ਤਰ੍ਹਾਂ ਦੇ ਸਾਧਨ ਮੁਹੱਈਆ ਕਰਵਾ ਰਹੀਆਂ ਹਨ। ਉਨ੍ਹਾਂ ਨੂੰ ਲੋੜ ਪੈਣ 'ਤੇ ਸ਼ਕਤੀ ਐਪ ਅਤੇ ਹੈਲਪ ਲਾਈਨ ਦਾ ਇਸਤੇਮਾਲ ਕਰਨ ਲਈ ਹਿਦਾਇਤਾਂ ਦਿੱਤੀਆਂ ਜਾਂਦੀਆਂ ਹਨ। ਪੰਜਾਬ ਸਰਕਾਰ ਦੀਆਂ ਹਿਦਾਇਤਾਂ ਅਨੁਸਾਰ ਰਾਤ ਦੇ ਨੌਂ ਵਜੇ ਤੋਂ ਲੈ ਕੇ ਸਵੇਰੇ ਛੇ ਵਜੇ ਤੱਕ ਲੋੜ ਪੈਣ 'ਤੇ ਮਹਿਲਾਵਾਂ ਨੂੰ ਪੁਲਿਸ ਹੈਲਪ ਦੇਣ ਦੇ ਨਾਲ-ਨਾਲ ਉਨ੍ਹਾਂ ਨੂੰ ਘਰ ਪਹੁੰਚਾਉਣ ਵਿਚ ਵੀ ਮਦਦ ਕਰੇਗੀ, ਜਿਸ ਵਿਚ ਇਕ ਮਹਿਲਾ ਪੁਲਿਸ ਕਰਮੀ ਜ਼ਰੂਰ ਨਾਲ ਹੋਵੇਗੀ।
ਔਰਤ ਤਾਂ ਹਰ ਘਰ ਵਿਚ ਹੈ, ਚਾਹੇ ਉਹ ਧੀ, ਭੈਣ, ਪਤਨੀ ਜਾਂ ਮਾਂ ਦੇ ਰੂਪ ਵਿਚ ਹੋਵੇ ਪਰ ਡਰ ਨਾਲ ਉਹ ਕਦੋਂ ਤੱਕ ਜੀਅ ਸਕਦੀ ਹੈ। ਇਸ ਲਈ ਹਰ ਔਰਤ ਚਾਹੁੰਦੀ ਹੈ ਕਿ ਉਹ ਵੀ ਮਰਦਾਂ ਦੀ ਤਰ੍ਹਾਂ ਬਿਨਾਂ ਕਿਸੇ ਡਰ ਤੋਂ ਸਮਾਜ ਵਿਚ ਵਿਚਰ ਸਕੇ। ਸੁਰੱਖਿਆ ਪ੍ਰਾਪਤ ਕਰਨ ਲਈ ਮਹਿਲਾਵਾਂ ਨੂੰ ਵੀ ਕੁਝ ਕਦਮ ਚੁੱਕਣ ਪੈਣਗੇ। ਬਹੁਤ ਹੱਦ ਤੱਕ ਆਤਮ-ਵਿਸ਼ਵਾਸ ਅਤੇ ਹੌਸਲੇ ਨਾਲ ਆਪਣੀ ਸੁਰੱਖਿਆ ਆਪ ਕਰ ਸਕਦੀਆਂ ਹਨ, ਬਸ ਕੁਝ ਥੋੜ੍ਹੇ ਜਿਹੇ ਸਾਵਧਾਨ ਹੋਣ ਦੀ ਲੋੜ ਹੈ।
ਔਰਤ ਨੂੰ ਕਦੀ ਵੀ ਆਪਣੇ-ਆਪ ਨੂੰ ਕਮਜ਼ੋਰ ਨਹੀਂ ਸਮਝਣਾ ਚਾਹੀਦਾ। ਹਮੇਸ਼ਾ ਆਪਣੇ ਕਦਮ ਸਹੀ ਦਿਸ਼ਾ ਵੱਲ ਵਧਾਉਣੇ ਚਾਹੀਦੇ ਹਨ। ਬਾਹਰ ਨਿਕਲੋ ਤਾਂ ਪੂਰੇ ਆਤਮ-ਵਿਸ਼ਵਾਸ ਨਾਲ, ਇਸ ਤਰ੍ਹਾਂ ਤੁਹਾਡਾ ਹੌਸਲਾ ਵੀ ਦੂਜਿਆਂ 'ਤੇ ਭਾਰੂ ਪੈ ਸਕਦਾ ਹੈ। ਕਿਸੇ ਦੀ ਵੀ ਗ਼ਲਤ ਹਰਕਤ ਨੂੰ ਕਦੀ ਸਹਿਣ ਨਾ ਕਰੋ। ਘਰ ਵਿਚ ਆਪਣੇ ਮਾਂ-ਬਾਪ, ਸਕੂਲ ਵਿਚ ਆਪਣੇ ਅਧਿਆਪਕ ਨਾਲ ਅਤੇ ਦਫ਼ਤਰ ਵਿਚ ਆਪਣੇ ਸੀਨੀਅਰ ਨਾਲ ਜ਼ਰੂਰ ਸ਼ੇਅਰ ਕਰੋ। ਫਿਰ ਵੀ ਜੇ ਕੋਈ ਨਾ ਮੰਨੇ ਤਾਂ ਪੁਲਿਸ ਦੀ ਮਦਦ ਜ਼ਰੂਰ ਲਵੋ, ਜ਼ਰੂਰ ਹੱਲ ਨਿਕਲੇਗਾ। ਔਰਤ ਨੂੰ ਕਦੀ ਵੀ ਮਰਦ ਦੀ ਘਟੀਆ ਮਾਨਸਿਕਤਾ ਨੂੰ ਸਹਿਣਾ ਨਹੀਂ ਚਾਹੀਦਾ ਤਾਂ ਹੀ ਸਮਾਜ ਦੀ ਸੋਚ ਬਦਲੇਗੀ ਅਤੇ ਸੁਧਾਰ ਹੋਵੇਗਾ। ਜੇ ਔਰਤ ਇੱਜ਼ਤ ਦੇ ਡਰ ਤੋਂ ਹਮੇਸ਼ਾ ਆਪਣੀ ਆਵਾਜ਼ ਦਬਾਉਂਦੀ ਰਹੀ ਤਾਂ ਮਰਦ ਹਮੇਸ਼ਾ ਉਸ ਦਾ ਫ਼ਾਇਦਾ ਉਠਾਉਂਦਾ ਰਹੇਗਾ। ਤੁਹਾਡੀ ਆਵਾਜ਼ ਹੀ ਤੁਹਾਡੀ ਪਹਿਚਾਣ ਬਣਨੀ ਚਾਹੀਦੀ ਹੈ, ਇਕ ਵਾਰ ਅੱਗੇ ਚੱਲਣ ਦੀ ਲੋੜ ਹੈ। ਕਾਰਵਾਂ ਆਪਣੇ-ਆਪ ਬਣ ਜਾਏਗਾ। ਸਾਨੂੰ ਇਹ ਸੋਚਣਾ ਚਾਹੀਦਾ ਹੈ ਕਿ ਕਦੋਂ ਤੱਕ ਕੋਈ ਦੂਸਰਿਆਂ ਦੇ ਸਹਾਰੇ ਜ਼ਿੰਦਗੀ ਕੱਟ ਸਕਦਾ ਹੈ। ਇਸ ਲਈ ਆਜ਼ਾਦੀ ਨਾਲ ਜਿਊਣ ਲਈ ਖ਼ੁਦ ਨੂੰ ਨਿਡਰ ਅਤੇ ਹਿੰਮਤੀ ਬਣਾਉਣਾ ਪਵੇਗਾ।
ਜਦੋਂ ਵੀ ਘਰੋਂ ਨਿਕਲੋ, ਤੁਹਾਡਾ ਮੋਬਾਈਲ ਪੂਰੀ ਤਰ੍ਹਾਂ ਚਾਰਜ ਹੋਣਾ ਚਾਹੀਦਾ ਹੈ, ਤਾਂ ਕਿ ਜ਼ਰੂਰਤ ਪੈਣ 'ਤੇ ਸੰਪਰਕ ਕੀਤਾ ਜਾ ਸਕੇ। ਤੁਹਾਡੇ ਘਰਦਿਆਂ ਨੂੰ ਪੂਰੀ ਜਾਣਕਾਰੀ ਹੋਣੀ ਚਾਹੀਦੀ ਹੈ ਕਿ ਤੁਸੀਂ ਕਿਥੇ ਜਾ ਰਹੇ ਹੋ, ਉਨ੍ਹਾਂ ਦਾ ਪਤਾ ਅਤੇ ਸੰਪਰਕ ਨੰਬਰ ਜ਼ਰੂਰ ਲਿਖ ਕੇ ਜਾਓ। ਇਕੱਲੇ ਰਸਤੇ 'ਤੇ ਜਾਂਦੇ ਕਦੀ ਵੀ ਕਿਸੇ ਅਣਜਾਣ ਆਦਮੀ ਤੋਂ ਲਿਫ਼ਟ ਜਾਂ ਸਹਾਇਤਾ ਨਾ ਮੰਗੋ। ਉਹ ਇਸ ਦੀ ਦੁਰਵਰਤੋਂ ਕਰ ਸਕਦਾ ਹੈ। ਲੋੜ ਵੇਲੇ ਆਪਣੇ ਆਤਮ-ਵਿਸ਼ਵਾਸ ਵਿਚ ਕਦੀ ਕਮੀ ਨਾ ਆਉਣ ਦੇਵੋ, ਬਲਕਿ ਹੌਸਲੇ ਤੋਂ ਕੰਮ ਲਵੋ। ਜਦੋਂ ਕਦੀ ਆਟੋ, ਕੈਬ ਜਾਂ ਟੈਕਸੀ ਕਰੋ ਤਾਂ ਉਸ ਦਾ ਨੰਬਰ ਜ਼ਰੂਰ ਨੋਟ ਕਰੋ, ਲੋੜ ਪੈਣ 'ਤੇ ਉਸ ਦਾ ਇਸਤੇਮਾਲ ਕੀਤਾ ਜਾ ਸਕਦਾ ਹੈ। ਅਣਜਾਣ ਲੋਕਾਂ ਨਾਲ ਬਿਨਾਂ ਵਜ੍ਹਾ ਫੋਨ 'ਤੇ ਗੱਲਬਾਤ ਨਾ ਕਰੋ ਅਤੇ ਨਾ ਹੀ ਸੋਸ਼ਲ ਸਾਈਟਸ 'ਤੇ ਆਪਣੀ ਨਿੱਜਤਾ ਨੂੰ ਸਾਂਝੀ ਕਰੋ। ਕਈ ਲੋਕ ਉਸ ਦਾ ਨਜਾਇਜ਼ ਫ਼ਾਇਦਾ ਲੈ ਕੇ ਦੂਸਰਿਆਂ ਨੂੰ ਪ੍ਰੇਸ਼ਾਨ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ। ਘਰ ਵਿਚ ਸੀ. ਸੀ. ਟੀ. ਵੀ. ਕੈਮਰੇ ਵੀ ਲਾਏ ਜਾ ਸਕਦੇ ਹਨ, ਜੋ ਮੁਸੀਬਤ ਵੇਲੇ ਰੱਖਿਆ ਕਵਚ ਦੀ ਤਰ੍ਹਾਂ ਸਾਡੀ ਸਹਾਇਤਾ ਕਰ ਸਕਦੇ ਹਨ। ਕੈਮਰੇ ਵਿਚ ਕੈਦ ਹੋਈ ਤਸਵੀਰ ਤੋਂ ਦੋਸ਼ੀ ਬਾਰੇ ਬੜੀ ਆਸਾਨੀ ਨਾਲ ਪਤਾ ਲਗਾਇਆ ਜਾ ਸਕਦਾ। ਇਹ ਕੈਮਰੇ ਘਰ ਅਤੇ ਬਾਹਰ ਦੋਵੇਂ ਜਗ੍ਹਾ ਮਹਿਲਾ ਸੁਰੱਖਿਆ ਲਈ ਬਹੁਤ ਜ਼ਰੂਰੀ ਹਨ।
ਮਹਿਲਾਵਾਂ ਨੂੰ ਹੁਣ ਇਕ ਦਿਨ ਦਾ ਸਨਮਾਨ ਦੇਣਾ ਜਾਂ ਮਹਿਲਾ ਦਿਵਸ ਮਨਾਉਣਾ ਕਾਫ਼ੀ ਨਹੀਂ ਹੋਵੇਗਾ। ਮਹਿਲਾਵਾਂ ਨੂੰ ਕਿਸੇ ਚੀਜ਼ ਦੀ ਤਰ੍ਹਾਂ ਇਸਤੇਮਾਲ ਕਰਨਾ ਅਤੇ ਮਾਂ, ਭੈਣ ਜਾਂ ਬੇਟੀ ਦੀ ਪਹਿਚਾਣ ਤੱਕ ਸੀਮਤ ਰੱਖਣਾ, ਹੁਣ ਮਨੁੱਖ ਦੇ ਵੱਸ ਵਿਚ ਨਹੀਂ ਹੈ। ਹਰ ਵਰਗ ਅਤੇ ਜਾਤੀ ਦੀ ਮਹਿਲਾ ਲਈ ਨਾਰੀਵਾਦ ਦੀ ਪਰਿਭਾਸ਼ਾ ਬਦਲ ਰਹੀ ਹੈ। ਇਸ ਦਿਨ ਦੀ ਅਸਲੀ ਜਿੱਤ ਉਦੋਂ ਹੋਵੇਗੀ, ਜਦੋਂ ਸਮਾਜ ਦੀ ਹਰ ਮਹਿਲਾ ਨੂੰ ਇਨਸਾਫ਼, ਬਰਾਬਰੀ ਅਤੇ ਸਨਮਾਨ ਮਿਲੇਗਾ ਅਤੇ ਬਿਨਾਂ ਡਰ ਤੋਂ ਸਮਾਜ ਵਿਚ ਵਿਚਰ ਕੇ ਆਪਣੀ ਪਛਾਣ ਆਪ ਬਣਾਏਗੀ।


-ਮੋਬਾਈਲ : 98782-49944.


ਖ਼ਬਰ ਸ਼ੇਅਰ ਕਰੋ

ਕੀ ਤੁਹਾਨੂੰ ਕੰਮ ਕਰਨ ਵਿਚ ਦੇਰ ਹੋ ਜਾਂਦੀ ਹੈ?

ਦੇਰ ਹੋਣ ਦੇ ਕਾਰਨ :
* ਜਿਸ ਕੰਮ ਨੂੰ ਤੁਸੀਂ ਕਰ ਰਹੇ ਹੋ ਉਸ ਦੇ ਨਾਲ ਹੋਰ ਕੰਮ ਨਾ ਕਰੋ।
* ਆਧੁਨਿਕ ਉਪਕਰਨਾਂ ਦੀ ਸਹਾਇਤਾ ਨਾਲ ਕੰਮ ਨਾ ਕਰਨਾ।
* ਆਰਥਿਕ ਸਥਿਤੀ ਚੰਗੀ ਹੋਣ 'ਤੇ ਵੀ ਕਿਸੇ ਹੋਰ ਤੋਂ ਕੰਮ ਨਾ ਕਰਾਉਣਾ।
* ਜੇਕਰ ਤੁਸੀਂ ਨੌਕਰੀ ਕਰਦੇ ਹੋ ਤਾਂ ਦਫ਼ਤਰ ਦਾ ਕੰਮ ਘਰ ਲਿਆਉਣਾ।
* ਜੇਕਰ ਕੰਮ ਮਨਪਸੰਦ ਨਾ ਹੋਵੇ ਤਾਂ ਵੀ ਉਸ ਨੂੰ ਕਰਨ ਵਿਚ ਦੇਰ ਲਗਦੀ ਹੈ।
ਦੇਰ ਹੋਣ ਤੋਂ ਕਿਵੇਂ ਬਚੀਏ :
* ਹਰ ਕੰਮ ਨੂੰ ਉਸ ਦੀ ਪ੍ਰੌੜ੍ਹਤਾ ਅਨੁਸਾਰ ਕਰੋ। ਕੋਈ ਵੀ ਕੰਮ ਸਿਰਫ਼ ਉਸ ਨੂੰ ਨਿਪਟਾਉਣ ਦੇ ਇਰਾਦੇ ਨਾਲ ਨਾ ਕਰੋ। ਹੋ ਸਕੇ ਤਾਂ ਕੰਮਾਂ ਦੀ ਇਕ ਸੂਚੀ ਬਣਾ ਲਓ।
* ਨਿਯਮਤ ਕਸਰਤ ਕਰੋ। ਕਸਰਤ ਕਈ ਪ੍ਰੇਸ਼ਾਨੀਆਂ ਦਾ ਹੱਲ ਹੈ। ਇਸ ਨਾਲ ਸਰੀਰ ਵਿਚ ਫੁਰਤੀ ਦਾ ਸੰਚਾਰ ਹੁੰਦਾ ਹੈ ਤੇ ਕੰਮ ਜਲਦੀ ਨਿੱਬੜਦੇ ਹਨ।
* ਜੇਕਰ ਤੁਸੀਂ ਦਫ਼ਤਰ ਦੇ ਕੰਮ ਦਫ਼ਤਰ ਵਿਚ ਹੀ ਨਿਪਟਾ ਲਓ ਤਾਂ ਤੁਸੀਂ ਆਪਣੇ ਕੰਮਾਂ ਨੂੰ ਜ਼ਿਆਦਾ ਸਮਾਂ ਦੇ ਸਕੋਗੇ।
* ਧਿਆਨ ਕਰੋ। ਇਹ ਇਕ ਸਧਾਰਨ ਸਰੀਰਕ ਤੇ ਮਨੋਵਿਗਿਆਨਕ ਪ੍ਰਕਿਰਿਆ ਹੈ ਜਿਸ ਨਾਲ ਤੁਸੀਂ ਤਣਾਅ ਰਹਿਤ ਮਹਿਸੂਸ ਕਰੋਗੇ। ਤਣਾਅਰਹਿਤ ਮਹਿਸੂਸ ਕਰਨ 'ਤੇ ਤੁਸੀਂ ਆਪਣਾ ਮਨ ਇਕ ਕੰਮ 'ਤੇ ਇਕਾਗਰ ਕਰ ਸਕਦੇ ਹੋ।
* ਇਹ ਕਹਿਣ ਦੀ ਬਜਾਏ ਕਿ ਹਾਏ! ਮੇਰੇ ਕੋਲ ਕਿੰਨਾ ਕੰਮ ਹੈ, ਇਹ ਕਹੋ ਕਿ ਮੈਂ ਕਿੰਨੀ ਖੁਸ਼ਕਿਸਮਤ ਹਾਂ ਜੋ ਦੋ ਕੰਮ ਇਕੱਠੇ ਕਰ ਸਕਦੀ ਹਾਂ।
* ਹਰ ਕੰਮ ਨੂੰ ਮੁਸਕਰਾਉਂਦੇ ਹੋਏ ਕਰੋ। ਇਸ ਨਾਲ ਤੁਹਾਨੂੰ ਕੰਮ ਕਰਨ ਵਿਚ ਖੁਸ਼ੀ ਮਹਿਸੂਸ ਹੋਵੇਗੀ।
* ਆਪਣੇ ਖਾਣ-ਪੀਣ ਵਿਚ ਬਦਲਾਅ ਲਿਆਓ। ਚਾਰ ਸਬਜ਼ੀਆਂ ਬਣਾਉਣ ਦੀ ਬਜਾਏ ਦੋ ਸਬਜ਼ੀਆਂ ਬਣਾਓ। ਘਰਵਾਲਿਆਂ ਨੂੰ ਜਲਦੀ ਬਣਨ ਵਾਲੇ ਪਕਵਾਨਾਂ ਦੀ ਆਦਤ ਪਾਓ।
* ਆਸ਼ਾਵਾਦੀ ਬਣੋ। ਨਿਰਾਸ਼ਾਵਾਦੀ ਸੋਚ ਨਾ ਅਪਣਾਓ। ਕੰਮ ਵਿਚ ਕੁਝ ਬਦਲਾਅ ਲਿਆਓ ਤਾਂ ਕਿ ਉਹੀ ਕੰਮ ਦਿਲਚਸਪੀ ਨਾਲ ਜਲਦੀ ਕਰ ਸਕੋ।
* ਹਮੇਸ਼ਾ ਤਣਾਅਮੁਕਤ ਰਹੋ ਅਤੇ ਆਪਣੇ ਆਪ ਨੂੰ ਰੁੱਝਾ ਰੱਖੋ। ਦੂਜਿਆਂ ਦੇ ਨਾਲ ਆਪਣੀਆਂ ਪ੍ਰੇਸ਼ਾਨੀਆਂ ਵੰਡੋ ਅਤੇ ਪਰਿਵਾਰ ਵਾਲਿਆਂ ਦਾ ਘਰ ਦੇ ਕੰਮਾਂ ਵਿਚ ਸਹਿਯੋਗ ਲਓ।
* ਬਦਲਾਅ ਲਈ ਬਾਹਰ ਘੁੰਮ ਆਓ। ਇਸ ਨਾਲ ਕੰਮ ਦਾ ਬੋਝ ਹਲਕਾ ਹੋਵੇਗਾ ਅਤੇ ਹੁਣ ਇਸ ਨੂੰ ਤੁਸੀਂ ਛੇਤੀ ਨਾਲ ਕਰ ਸਕੋਗੇ।
* ਹਰ ਕੰਮ ਆਪਣੀ ਇੱਛਾ ਅਨੁਸਾਰ ਕਰਨ ਦੀ ਕੋਸ਼ਿਸ਼ ਕਰੋ। ਕੁਝ ਵੀ ਜ਼ਬਰਦਸਤੀ ਨਾ ਕਰੋ।
* ਕੰਮ ਕਰਦੇ ਸਮੇਂ ਸਵੇਰੇ ਹੀ ਆਪਣੇ ਦਿਮਾਗ਼ ਵਿਚ ਸੂਚੀ ਬਣਾ ਲਓ ਜੋ ਕੰਮ ਤੁਹਾਨੂੰ ਉਸ ਦਿਨ ਖ਼ਤਮ ਕਰਨੇ ਹਨ।
* ਬੱਚਿਆਂ ਤੋਂ ਜਿਥੋਂ ਤੱਕ ਸੰਭਵ ਹੋਵੇ ਮਦਦ ਲਓ। ਟੀ. ਵੀ. ਦੇਖਦੇ ਸਮੇਂ ਤੁਸੀਂ ਖਾਣਾ ਖਾਣ ਤੇ ਨਾਸ਼ਤਾ, ਕਸਰਤ, ਸਿਲਾਈ, ਕਢਾਈ, ਅਖ਼ਬਾਰ ਪੜ੍ਹਨਾ, ਮੇਕਅਪ ਕਰਨ ਵਰਗੇ ਕੰਮ ਖ਼ਤਮ ਕਰ ਸਕਦੇ ਹੋ।
ਇਹ ਕੁਦਰਤੀ ਹੈ ਕਿ ਹਰ ਇਨਸਾਨ ਕੰਮ ਕਰਨ ਵਿਚ ਜਲਦਬਾਜ਼ੀ ਕਰਦਾ ਹੈ ਪਰ ਕੰਮ ਨੂੰ ਸਲੀਕੇ ਜਾਂ ਲਾਪ੍ਰਵਾਹੀ ਨਾਲ ਕਰਨਾ ਇਸ ਤਰ੍ਹਾਂ ਦੀ ਸਥਿਤੀ ਹੈ ਜਿਸ ਨੂੰ ਕੋਸ਼ਿਸ਼ ਕਰਕੇ ਬਦਲਿਆ ਜਾ ਸਕਦਾ ਹੈ, ਆਪਣੀ ਦ੍ਰਿੜ੍ਹ ਸ਼ਕਤੀ ਨਾਲ ਇਹੀ ਕੋਸ਼ਿਸ਼ ਕਰੋ ਕਿ ਤੁਸੀਂ ਆਪਣੇ ਕੰਮ ਠੀਕ ਸਮੇਂ ਅਨੁਸਾਰ ਅਤੇ ਸਲੀਕੇ ਨਾਲ ਕਰ ਸਕੋ ਜਿਸ ਨਾਲ ਕੰਮ ਵਿਚ ਰੁਚੀ ਅਤੇ ਦਿਲਚਸਪੀ ਵਧੇ।

ਅੱਖਾਂ ਦੇ ਹੇਠਾਂ ਕਾਲੇ ਧੱਬਿਆਂ ਦੀ ਸਮੱਸਿਆ

ਜਦੋਂ ਅੱਖਾਂ ਹੇਠਾਂ ਕਾਲੇ ਧੱਬੇ ਬਣ ਜਾਂਦੇ ਹਨ ਤਾਂ ਇਹ ਚਿਹਰੇ ਦੀ ਸੁੰਦਰਤਾ ਨੂੰ ਗ੍ਰਹਿਣ ਲਗਾ ਦਿੰਦੇ ਹਨ। ਇਹ ਕਾਲੇ ਧੱਬੇ ਤੁਹਾਡੀ ਖ਼ੂਬਸੂਰਤੀ ਦੇ ਨਾਲ ਹੀ ਤੁਹਾਡੀ ਸਿਹਤ ਦਾ ਹਾਲ ਵੀ ਬਿਆਨ ਕਰਦੇ ਹਨ। ਇਸ ਸਮੱਸਿਆ ਦੇ ਹੱਲ ਲਈ ਸਭ ਤੋਂ ਪਹਿਲਾਂ ਤੁਸੀਂ ਸਹੀ ਮਾਤਰਾ ਵਿਚ ਨੀਂਦ ਜ਼ਰੂਰ ਲਓ। ਨੀਂਦ ਦੀ ਘਾਟ ਦੀ ਵਜ੍ਹਾ ਨਾਲ ਬਾਹਰੀ ਚਮੜੀ ਦੀ ਰੰਗਤ ਪੀਲੀ ਪੈ ਸਕਦੀ ਹੈ ਜਿਸ ਨਾਲ ਕਾਲੇ ਧੱਬੇ ਜ਼ਿਆਦਾ ਦਿਸਣਗੇ। ਰੋਜ਼ਾਨਾ ਰਾਤ ਨੂੰ ਸੱਤ ਤੋਂ ਅੱਠ ਘੰਟੇ ਦੀ ਨੀਂਦ ਲੈਣ ਨਾਲ ਅੱਖਾਂ ਦੇ ਹੇਠਾਂ ਕਾਲੇ ਧੱਬੇ ਨਹੀਂ ਪੈਣਗੇ।
ਟੀ ਬੈਗ ਅੱਖਾਂ 'ਤੇ ਲਗਾਉਣ ਨਾਲ ਕਾਲੇ ਧੱਬਿਆਂ ਨੂੰ ਘੱਟ ਕੀਤਾ ਜਾ ਸਕਦਾ ਹੈ। ਚਾਹ ਵਿਚ ਕੈਫੀਨ ਅਤੇ ਐਂਟੀ ਆਕਸੀਡੈਂਟਸ ਦੇ ਗੁਣ ਮੌਜੂਦ ਹੁੰਦੇ ਹਨ ਜੋ ਕਿ ਖੂਨ ਦੀ ਪੱਧਰ ਨੂੰ ਤੇਜ਼ ਕਰ ਸਕਦੇ ਹਨ ਅਤੇ ਇਨ੍ਹਾਂ ਨਾਲ ਕਾਲੇ ਧੱਬਿਆਂ ਦੇ ਹੱਲ ਦਾ ਰਾਹ ਮਿਲ ਸਕਦਾ ਹੈ। ਦੋ ਗ੍ਰੀਨ, ਹਰਬਲ ਜਾਂ ਬਲੈਕ ਟੀ ਬੈਗ ਨੂੰ ਪੰਜ ਮਿੰਟ ਤੱਕ ਗਰਮ ਪਾਣੀ ਵਿਚ ਭਿਉਂ ਕੇ ਅਤੇ ਉਸ ਤੋਂ ਬਾਅਦ ਇਨ੍ਹਾਂ ਟੀ ਬੈਗਾਂ ਨੂੰ ਫਰਿੱਜ ਵਿਚ 20 ਮਿੰਟ ਤੱਕ ਠੰਢਾ ਹੋਣ ਦਿਓ। ਇਨ੍ਹਾਂ ਠੰਢੇ ਟੀ ਬੈਗਸ ਨੂੰ ਲਗਪਗ ਵੀਹ ਮਿੰਟ ਤੱਕ ਬੰਦ ਅੱਖਾਂ 'ਤੇ ਰੱਖੋ ਅਤੇ ਇਨ੍ਹਾਂ ਨੂੰ ਹਟਾਉਣ ਤੋਂ ਬਾਅਦ ਅੱਖਾਂ ਨੂੰ ਤਾਜ਼ੇ ਠੰਢੇ ਪਾਣੀ ਨਾਲ ਧੋ ਦਿਓ।
ਗੁਲਾਬ ਜਲ ਅੱਖਾਂ ਹੇਠਾਂ ਧੱਬਿਆਂ ਤੋਂ ਮੁਕਤੀ ਦਾ ਕੁਦਰਤੀ ਉਪਾਅ ਮੰਨਿਆ ਜਾਂਦਾ ਹੈ। ਕਾਟਨ ਪੈਡ ਨੂੰ ਗੁਲਾਬ ਜਲ ਵਿਚ ਭਿਉਂ ਕੇ ਆਪਣੀਆਂ ਬੰਦ ਅੱਖਾਂ 'ਤੇ ਰੱਖ ਕੇ ਕੁਝ ਦੇਰ ਤੱਕ ਲੰਮੇ ਪੈ ਜਾਓ ਅਤੇ ਬਾਅਦ ਵਿਚ ਅੱਖਾਂ ਨੂੰ ਤਾਜ਼ੇ ਪਾਣੀ ਨਾਲ ਧੋ ਦਿਓ। ਗੁਲਾਬ ਜਲ ਵਿਚ ਐਂਟੀ ਇਨਫਲੇਮੇਟਰੀ ਗੁਣ ਮੌਜੂਦ ਹੁੰਦੇ ਹਨ ਜੋ ਚਮੜੀ ਨੂੰ ਸ਼ਾਂਤ ਕਰ ਕੇ ਚਮੜੀ ਦੀ ਕੰਪਨ ਬਹਾਲ ਕਰਕੇ ਚਮੜੀ ਤੋਂ ਲਾਲੀ ਹਟਾਉਂਦੇ ਹਨ।
ਕੱਚਾ ਦੁੱਧ ਕਾਲੇ ਧੱਬੇ ਮਿਟਾਉਣ ਦਾ ਘਰੇਲੂ ਉਪਾਅ ਹੈ। ਕੱਚੇ ਦੁੱਧ ਵਿਚ ਦੋ ਰੂੰ ਦੇ ਫਹੇਂ ਭਿਉਂ ਕੇ ਦੋਵੇਂ ਬੰਦ ਅੱਖਾਂ 'ਤੇ ਰੱਖ ਲਓ ਅਤੇ ਇਹ ਇਕ ਪ੍ਰਭਾਵੀ ਕੁਦਰਤੀ ਇਲਾਜ ਸਾਬਤ ਹੋਵੇਗਾ।
ਅੱਖਾਂ ਦੇ ਹੇਠਾਂ ਕਾਲੇ ਧੱਬੇ ਚਮੜੀ ਐਲਰਜੀ ਦੀ ਵਜ੍ਹਾ ਨਾਲ ਵੀ ਹੁੰਦੇ ਹਨ। ਜ਼ਿਆਦਾਤਰ ਮੌਸਮ ਨਾਲ ਸਬੰਧਿਤ ਚਮੜੀ ਐਲਰਜੀ ਨੂੰ ਖਾਣ-ਪੀਣ ਵਿਚ ਬਦਲਾਅ ਜਾਂ ਘਰੇਲੂ ਇਲਾਜ ਨਾਲ ਰੋਕਿਆ ਜਾ ਸਕਦਾ ਹੈ। ਜੇਕਰ ਤੁਹਾਨੂੰ ਕਿਸੇ ਖਾਣੇ, ਫਲ ਆਦਿ ਨਾਲ ਐਲਰਜੀ ਹੈ ਤਾਂ ਇਸ ਦਾ ਪ੍ਰਹੇਜ਼ ਕਰੋ। ਇਹ ਚੰਗਾ ਹੋਵੇਗਾ ਕਿ ਤੁਸੀਂ ਡਾਕਟਰ ਦੀ ਸਲਾਹ ਲੈ ਕੇ ਪਹਿਲਾਂ ਐਲਰਜੀ ਨੂੰ ਸਮਝੋ ਅਤੇ ਫਿਰ ਇਸ ਦਾ ਇਲਾਜ ਕਰੋ ਤਾਂ ਕਿ ਤੁਹਾਨੂੰ ਚੰਗੇ ਨਤੀਜੇ ਮਿਲ ਸਕਣ।
ਆਲੂ ਅੱਖਾਂ ਦੇ ਹੇਠਾਂ ਡਾਰਕ ਸਰਕਲ ਦਾ ਪ੍ਰਭਾਵੀ ਇਲਾਜ ਮੰਨਿਆ ਜਾਂਦਾ ਹੈ। ਦੋ ਚਮਚ ਆਲੂ ਜੂਸ ਨੂੰ ਬੰਦ ਅੱਖਾਂ 'ਤੇ ਲਗਾ ਕੇ ਇਸ ਨੂੰ ਕੁਦਰਤੀ ਤੌਰ 'ਤੇ ਸੁੱਕਣ ਦਿਓ ਅਤੇ ਬਾਅਦ ਵਿਚ ਅੱਖਾਂ ਨੂੰ ਸਾਦੇ ਪਾਣੀ ਨਾਲ ਧੋ ਦਿਓ। ਆਲੂ ਵਿਚ ਵਿਟਾਮਿਨ ਸੀ ਦੇ ਗੁਣ ਮੌਜੂਦ ਹੁੰਦੇ ਹਨ ਜੋ ਕਿ ਖਰਾਬ ਚਮੜੀ ਦੀ ਟੁੱਟ-ਭੱਜ ਦੂਰ ਕਰ ਕੇ ਕਾਲੇ ਧੱਬਿਆਂ ਨੂੰ ਕਾਬੂ ਕਰਦੇ ਹਨ।
ਟਮਾਟਰ ਜੂਸ ਵਿਚ ਰੂੰ ਨੂੰ ਭਿਉਂ ਕੇ ਹੌਲੀ ਜਿਹੇ ਬੰਦ ਅੱਖਾਂ 'ਤੇ ਰੱਖ ਕੇ ਇਸ ਨੂੰ ਕੁਦਰਤੀ ਢੰਗ ਨਾਲ ਸੁੱਕਣ ਦਿਉ ਅਤੇ ਬਾਅਦ ਵਿਚ ਅੱਖਾਂ ਨੂੰ ਤਾਜ਼ੇ ਪਾਣੀ ਨਾਲ ਧੋ ਦਿਓ। ਤੁਸੀਂ ਬਦਲ ਦੇ ਤੌਰ 'ਤੇ ਟਮਾਟਰ ਅਤੇ ਨਿੰਬੂ ਦਾ ਪੇਸਟ ਬਣਾ ਕੇ ਇਸ ਨੂੰ ਅੱਧੇ ਘੰਟੇ ਤੱਕ ਬੰਦ ਅੱਖਾਂ ਦੇ ਚਾਰੇ ਪਾਸੇ ਲਗਾ ਕੇ ਬਾਅਦ ਵਿਚ ਠੰਢੇ ਪਾਣੀ ਨਾਲ ਧੋ ਦਿਉ। ਇਸ ਨਾਲ ਕਾਲੇ ਧੱਬਿਆਂ ਤੋਂ ਮੁਕਤੀ ਮਿਲੇਗੀ।
ਆਇਰਨ ਦੀ ਘਾਟ ਨੂੰ ਦੂਰ ਕਰਨ ਲਈ ਤਾਜ਼ਾ ਫਲ, ਸਲਾਦ, ਪੁੰਗਰੇ ਅਨਾਜ, ਸਾਦਾ ਅਨਾਜ, ਦਹੀਂ, ਮਲਾਈ, ਪੱਤੇਦਾਰ ਹਰੀਆਂ ਸਬਜ਼ੀਆਂ, ਅੰਡਾ ਅਤੇ ਮੱਛੀ ਕਾਫ਼ੀ ਸਹਾਇਕ ਸਿੱਧ ਹੁੰਦੇ ਹਨ। ਵੱਖ-ਵੱਖ ਤਰ੍ਹਾਂ ਦੇ ਤਾਜ਼ਾ ਫਲ ਖਾਣ ਨਾਲ ਸਰੀਰ ਵਿਚ ਪਾਣੀ ਦੀ ਘਾਟ ਨੂੰ ਦੂਰ ਕਰਨ ਵਿਚ ਮਦਦ ਮਿਲਦੀ ਹੈ। ਹਰ ਰੋਜ਼ 8 ਤੋਂ 10 ਗਿਲਾਸ ਪਾਣੀ ਪੀਣਾ ਚਾਹੀਦਾ ਹੈ। ਸਵੇਰੇ ਉੱਠਦੇ ਹੀ ਇਕ ਗਿਲਾਸ ਨਿੰਬੂ ਪਾਣੀ ਪੀਣਾ ਚਾਹੀਦਾ ਹੈ। ਸਾਰੇ ਫਲ ਜੂਸਾਂ ਨੂੰ ਪਾਣੀ ਵਿਚ ਮਿਲਾ ਕੇ ਲੈਣ ਨਾਲ ਲਾਭ ਮਿਲਦਾ ਹੈ। ਕਿਸੇ ਵੀ ਭੋਜਨ ਵਿਚ ਬਦਲਾਅ ਕਰਦੇ ਸਮੇਂ ਆਪਣੇ ਡਾਕਟਰ ਤੋਂ ਸਲਾਹ ਲੈਣੀ ਚਾਹੀਦੀ ਹੈ। ਆਪਣੀ ਕਸਰਤ ਦੀ ਸੂਚੀ ਵਿਚ ਲੰਬੇ ਡੂੰਘੇ ਸਾਹ ਨੂੰ ਜ਼ਰੂਰ ਸ਼ਾਮਿਲ ਕਰੋ ਕਿਉਂਕਿ ਇਸ ਨਾਲ ਤਣਾਅ ਘੱਟ ਕਰਨ ਵਿਚ ਮਦਦ ਮਿਲਦੀ ਹੈ ਅਤੇ ਸਰੀਰ ਦੇ ਅੰਗਾਂ ਨੂੰ ਸਹੀ ਆਕਸੀਜਨ ਹਾਸਲ ਹੁੰਦੀ ਹੈ। ਕੁਦਰਤੀ ਨੀਂਦ ਅਤੇ ਆਰਾਮ ਵੀ ਸਰੀਰ ਲਈ ਸਭ ਤੋਂ ਜ਼ਰੂਰੀ ਮੰਨਿਆ ਜਾਂਦਾ ਹੈ।
ਖੀਰੇ ਦੇ ਜੂਸ ਨੂੰ ਹਰ ਰੋਜ਼ ਅੱਖਾਂ ਦੇ ਚਾਰੇ ਪਾਸੇ ਲਗਾ ਕੇ 15 ਮਿੰਟ ਬਾਅਦ ਸਾਫ ਪਾਣੀ ਨਾਲ ਧੋ ਦਿਓ। ਜੇਕਰ ਕਾਲੇ ਧੱਬਿਆਂ ਵਿਚ ਸੋਜ ਹੈ ਤਾਂ ਆਲੂ ਦੇ ਜੂਸ ਨੂੰ ਖੀਰੇ ਦੇ ਜੂਸ ਵਿਚ ਬਰਾਬਰ ਮਾਤਰਾ ਵਿਚ ਮਿਲਾਓ ਅਤੇ ਇਸ ਮਿਸ਼ਰਣ ਨੂੰ ਚਮੜੀ 'ਤੇ 15 ਮਿੰਟ ਤੱਕ ਲਗਾ ਕੇ ਤਾਜ਼ੇ ਪਾਣੀ ਨਾਲ ਧੋ ਦਿਓ। ਟਮਾਟਰ ਦਾ ਜੂਸ ਚਿਹਰੇ ਦੀ ਰੰਗਤ ਨੂੰ ਨਿਖਾਰਣ ਵਿਚ ਅਤਿ ਮਦਦਗਾਰ ਸਾਬਤ ਹੁੰਦਾ ਹੈ।
ਬਾਹਰੀ ਸੁੰਦਰਤਾ ਸਾਧਨਾਂ ਦੇ ਸਹੀ ਨਿਯਮਤ ਵਰਤੋਂ ਦੇ ਨਾਲ-ਨਾਲ ਸਿਹਤ, ਜੀਵਨਸ਼ੈਲੀ ਅਤੇ ਤਣਾਅਮੁਕਤ ਵਾਤਾਵਰਨ, ਕੁਦਰਤੀ ਨੀਂਦ ਵੀ ਕਾਫੀ ਸਹਾਇਕ ਸਿੱਧ ਹੁੰਦੇ ਹਨ। ਕਾਟਨਵੂਲ ਲੈ ਕੇ ਦੋ ਮੋਟੇ ਚੌਰਸ ਪੈਡ ਬਣਾ ਲਓ। ਉਨ੍ਹਾਂ ਨੂੰ ਖੀਰੇ ਦੇ ਜੂਸ ਜਾਂ ਗੁਲਾਬ ਜਲ ਨਾਲ ਭਿਉਂ ਲਓ। ਭਿੱਜੇ ਪੈਡ ਨੂੰ 15 ਮਿੰਟ ਤੱਕ ਅੱਖਾਂ 'ਤੇ ਰੱਖ ਲਓ ਇਸ ਨਾਲ ਕਾਲੇ ਧੱਬਿਆਂ ਨੂੰ ਮਿਟਾਉਣ ਵਿਚ ਕਾਫੀ ਮਦਦ ਮਿਲਦੀ ਹੈ।
**

ਜਦੋਂ ਕਰੋ ਤੁਸੀਂ ਬੱਸ ਜਾਂ ਰੇਲ ਗੱਡੀ ਵਿਚ ਸਫ਼ਰ

* ਜਦੋਂ ਵੀ ਤੁਸੀਂ ਬੱਸ ਜਾਂ ਰੇਲ ਗੱਡੀ ਵਿਚ ਸਫ਼ਰ ਕਰੋ ਤਾਂ ਆਪਣਾ ਸਾਮਾਨ ਗੁਆਂਢ ਵਾਲੇ ਯਾਤਰੀ ਦੇ ਸਹਾਰੇ ਛੱਡ ਕੇ ਇਧਰ-ਉਧਰ ਨਾ ਜਾਓ।
* ਕਿਸੇ ਵੀ ਅਣਜਾਣ ਵਿਅਕਤੀ ਨਾਲ ਘੱਟ ਤੋਂ ਘੱਟ ਗੱਲਾਂ ਕਰੋ ਅਤੇ ਜੇਕਰ ਗੱਲ ਵੀ ਕਰੋ ਤਾਂ ਆਪਣਾ ਕੱਚਾ ਚਿੱਠਾ ਉਸ ਸਾਹਮਣੇ ਨਾ ਖੋਲ੍ਹੋ। ਨਾ ਹੀ ਆਪਣੇ ਘਰ ਦਾ ਪਤਾ ਅਤੇ ਟੈਲੀਫੋਨ ਨੰਬਰ ਦਿਓ।
* ਘਰ ਤੋਂ ਨਿਕਲਣ ਤੋਂ ਪਹਿਲਾਂ ਆਪਣੇ ਸਾਰੇ ਸਾਮਾਨ ਦੀ ਚੰਗੀ ਤਰ੍ਹਾਂ ਜਾਂਚ ਕਰ ਲਓ, ਗਿਣਤੀ ਕਰ ਲਓ, ਗੱਡੀ ਵਿਚ ਚੜ੍ਹਦੇ ਅਤੇ ਉਤਰਦੇ ਸਮੇਂ ਵੀ ਆਪਣੇ ਸਾਮਾਨ ਦੀ ਗਿਣਤੀ ਕਰ ਲਓ ਜਿਸ ਨਾਲ ਕੋਈ ਵੀ ਸਾਮਾਨ ਰਹਿ ਜਾਣ ਦਾ ਡਰ ਨਹੀਂ ਰਹੇਗਾ।
* ਰਸਤੇ ਵਿਚ ਕਿਸੇ ਵੀ ਅਣਜਾਣ ਵਿਅਕਤੀ ਦੀ ਦਿੱਤੀ ਹੋਈ ਕੋਈ ਚੀਜ਼ ਨਾ ਖਾਓ।
* ਆਪਣੀ ਐਨਕ, ਘੜੀ, ਅਟੈਚੀ ਤੇ ਪੈੱਨ ਆਦਿ 'ਤੇ ਪੂਰਾ ਧਿਆਨ ਦਿਉ ਕਿਉਂਕਿ ਇਹ ਛੋਟੀ-ਮੋਟੀ ਚੀਜ਼ ਕਈ ਵਾਰ ਜਲਦਬਾਜ਼ੀ ਵਿਚ ਜਾਂ ਤਾਂ ਡਿਗ ਜਾਂਦੀ ਹੈ ਜਾਂ ਰਹਿ ਜਾਂਦੀ ਹੈ।
* ਜੇਕਰ ਤੁਹਾਨੂੰ ਯਾਤਰਾ ਦੇ ਦੌਰਾਨ ਸੌਣ ਦੀ ਬਿਮਾਰੀ ਹੈ ਤਾਂ ਉਸ ਨੂੰ ਜਲਦੀ ਤੋਂ ਜਲਦੀ ਦੂਰ ਕਰਨ ਦੀ ਕੋਸ਼ਿਸ਼ ਕਰੋ ਕਿਉਂਕਿ ਜੇਬ ਕਤਰੇ ਅਤੇ ਸਾਮਾਨ ਚੋਰ ਹਮੇਸ਼ਾ ਹੀ ਇਸ ਤਰ੍ਹਾਂ ਦੇ ਮੌਕਿਆਂ ਦੀ ਭਾਲ ਵਿਚ ਰਹਿੰਦੇ ਹਨ।
* ਨਕਦੀ ਜਿੰਨਾ ਹੋ ਸਕੇ ਘੱਟ ਤੋਂ ਘੱਟ ਲੈ ਕੇ ਜਾਓ। ਨਕਦੀ ਵਿਚ ਛੋਟੇ-ਛੋਟੇ ਨੋਟਾਂ ਦੀ ਬਜਾਏ ਵੱਡੇ-ਵੱਡੇ ਨੋਟ ਰੱਖੋ ਕਿਉਂਕਿ ਇਨ੍ਹਾਂ ਨੂੰ ਰੱਖਣ ਵਿਚ ਸੌਖ ਹੁੰਦੀ ਹੈ। ਉਂਜ ਵੀ ਅੱਜਕਲ੍ਹ ਕ੍ਰੈਡਿਟ ਕਾਰਡ ਦਾ ਰਿਵਾਜ ਹੈ, ਜਿਸ ਨਾਲ ਤੁਸੀਂ ਪੈਸੇ ਲੈ ਜਾਣ ਦੀ ਸਿਰਦਰਦੀ ਤੋਂ ਬਚ ਸਕਦੇ ਹੋ।
* ਸਫ਼ਰ ਦੌਰਾਨ ਪਾਣੀ ਦੀ ਬੋਤਲ ਅਤੇ ਜ਼ਰੂਰੀ ਖਾਧ ਪਦਾਰਥ ਨਾਲ ਜ਼ਰੂਰ ਰੱਖੋ ਜਿਸ ਨਾਲ ਭੁੱਖ ਜਾਂ ਪਿਆਸ ਲੱਗਣ 'ਤੇ ਤੁਸੀਂ ਬੇਚੈਨ ਨਹੀਂ ਹੋਵੋਗੇ।

ਕਿੰਨੇ ਮਹੱਤਵਪੂਰਨ ਹੋ ਤੁਸੀਂ

ਕਈਆਂ ਦੇ ਮੂੰਹ ਤਾਂ ਲੱਗਾ ਹੁੰਦਾ ਹੈ ਪਰ ਕੰਨ ਨਹੀਂ ਹੁੰਦੇ। ਅਜਿਹੇ ਲੋਕ ਸਿਰਫ ਆਪਣੀਆਂ ਸੁਣਾਉਂਦੇ ਹਨ ਪਰ ਉਹ ਕਿਸੇ ਦੀ ਸੁਣਦੇ ਨਹੀਂ। ਜੋ ਤੁਹਾਡੀ ਸੁਣੇਗਾ ਨਹੀਂ, ਉਹ ਤੁਹਾਡੀ ਮੰਨੇਗਾ ਵੀ ਕਿਵੇਂ? ਤੁਸੀਂ ਕਿੰਨੇ ਮਹੱਤਵਪੂਰਨ ਅਤੇ ਕੀਮਤੀ ਹੋ, ਇਸ ਗੱਲ ਦਾ ਅਹਿਸਾਸ ਤਾਂ ਹੀ ਹੋ ਸਕਦਾ ਹੈ ਜਦ ਤੁਹਾਡੇ ਵਿਚ ਦੂਜਿਆਂ ਨੂੰ ਸੁਣਨ, ਸਮਝਣ ਅਤੇ ਪੜ੍ਹਨ ਦਾ ਮਾਦਾ ਹੋਵੇਗਾ। ਸਿਰਫ ਕਿਤਾਬਾਂ ਪੜ੍ਹ ਲੈਣਾ ਹੀ ਕਾਫੀ ਨਹੀਂ। ਇਕ ਲੜਕੀ ਜਾਂ ਔਰਤ ਲਈ ਇਹ ਗੱਲ ਹੋਰ ਵੀ ਜ਼ਰੂਰੀ ਹੈ ਕਿ ਉਹ ਦੂਜੇ ਵਿਅਕਤੀ ਦੇ ਇਰਾਦੇ ਨੂੰ ਚੰਗੀ ਤਰ੍ਹਾਂ ਭਾਂਪ ਸਕੇ। ਉਹ ਦੂਜਿਆਂ ਦੀਆਂ ਅੱਖਾਂ, ਹਰਕਤਾਂ, ਹਾਵ-ਭਾਵ ਅਤੇ ਗੱਲਾਂ ਨੂੰ ਪੜ੍ਹ ਸਕਦੀ ਹੋਵੇ। ਸਮਝ ਸਕਦੀ ਹੋਵੇ ਅਤੇ ਸਹੀ ਸਮੇਂ 'ਤੇ ਸਹੀ ਫੈਸਲਾ ਕਰ ਸਕਦੀ ਹੋਵੇ। ਉਸ ਵਿਚ ਹੋਸ਼ ਅਤੇ ਜੋਸ਼ ਦਾ ਸੁਮੇਲ ਹੋਵੇ। ਹੌਸਲਾ ਵੀ ਹੋਵੇ ਅਤੇ ਸਮਝ ਵੀ। ਉੱਦਮ ਵੀ ਹੋਵੇ ਅਤੇ ਹੌਸਲਾ ਵੀ।
ਹਰ ਜਗ੍ਹਾ, ਹਰ ਮੌਕੇ ਆਪਣੇ-ਆਪ ਦੀ, ਆਪਣੀ ਯੋਗਤਾ ਜਾਂ ਹੁਨਰ ਦੀ ਨੁਮਾਇਸ਼ ਨਾ ਕਰੋ। ਰੰਗ ਰੂਪ, ਹੁਸਨ, ਸੁੰਦਰਤਾ ਤੁਹਾਡੀ ਜ਼ਿੰਦਗੀ ਦੇ ਸਿੱਕੇ ਦਾ ਸਿਰਫ ਇਕ ਪਾਸਾ ਹੈ। ਮੰਜ਼ਲਾਂ ਚੱਲਣ ਨਾਲ ਅਤੇ ਰਸਤੇ ਕੁਝ ਕਰਨ ਨਾਲ ਹੀ ਬਣਦੇ ਹਨ। ਕਈਆਂ ਲਈ ਗ਼ਲਤੀਆਂ ਸਬਕ ਬਣਦੀਆਂ ਹਨ ਅਤੇ ਕਈਆਂ ਲਈ ਪਛਤਾਵਾ। ਸਮਝੇ ਬਗੈਰ ਕਿਸੇ ਨੂੰ ਪਸੰਦ ਨਾ ਕਰੋ ਅਤੇ ਸਮਝੇ ਬਗੈਰ ਕਿਸੇ ਨੂੰ ਗਵਾਓ ਨਾ। ਉਨ੍ਹਾਂ ਲੋਕਾਂ ਤੋਂ ਬਚੋ ਜੋ ਤੁਹਾਨੂੰ ਗ਼ਲਤੀਆਂ ਕਰਨ ਲਈ ਉਕਸਾਉਂਦੇ ਜਾਂ ਮਜਬੂਰ ਕਰਦੇ ਹਨ। ਜਿਹੜੇ ਕਿਸੇ ਦੀ ਖੁੱਲ੍ਹੇ ਦਿਲ ਨਾਲ ਪ੍ਰਸੰਸਾ ਨਹੀਂ ਕਰ ਸਕਦੇ, ਉਹ ਖੁਦ ਵੀ ਪ੍ਰਸੰਸਾ ਦੇ ਯੋਗ ਨਹੀਂ ਹੁੰਦੇ। ਕਿਸੇ ਦੇ ਹੰਝੂਆਂ ਦਾ ਕਾਰਨ ਨਾ ਬਣੋ, ਕਿਉਂਕਿ ਰੱਬ ਤੁਹਾਡੇ ਗੁਨਾਹਾਂ ਦੀ ਗਿਣਤੀ ਦੁੱਖ ਦੇ ਉਨ੍ਹਾਂ ਹੰਝੂਆਂ ਨਾਲ ਕਰਦਾ ਹੈ, ਜਿਸ ਲਈ ਤੁਸੀਂ ਖੁਦ ਜ਼ਿੰਮੇਵਾਰ ਹੁੰਦੇ ਹੋ। ਦੁੱਖ ਸਮੇਂ ਜਿਹੜਾ ਇਨਸਾਨ ਸਭ ਤੋਂ ਪਹਿਲਾਂ ਯਾਦ ਆਵੇ, ਉਹ ਇਨਸਾਨ ਤੁਹਾਡੇ ਲਈ ਬਹੁਤ ਕੀਮਤੀ ਹੁੰਦਾ ਹੈ। ਦੂਜਿਆਂ ਦੀਆਂ ਖੁਸ਼ੀਆਂ ਅਤੇ ਦੂਜਿਆਂ ਦੀ ਸਫਲਤਾ ਲਈ ਯੋਗਦਾਨ ਪਾਏ ਬਗੈਰ ਤੁਸੀਂ ਆਪ ਕਦੇ ਵੀ ਖੁਸ਼ ਅਤੇ ਸਫਲ ਨਹੀਂ ਹੋ ਸਕਦੇ। ਜੇਕਰ ਤੁਸੀਂ ਸਹੀ ਹੋ ਤਾਂ ਕਿਸੇ ਨੂੰ ਗ਼ਲਤ ਸਿੱਧ ਕਰਨ ਦੀ ਬਹੁਤੀ ਜ਼ਿਦ ਨਾ ਕਰੋ, ਕਿਉਂਕਿ ਤੁਹਾਡੇ ਲਈ ਏਨਾ ਹੀ ਕਾਫੀ ਹੈ ਕਿ ਤੁਸੀਂ ਸਹੀ ਹੋ। ਆਪਣੀਆਂ ਹੀ ਗ਼ਲਤੀਆਂ ਅਤੇ ਆਪਣੇ ਹੀ ਔਗੁਣਾਂ ਨੂੰ ਅੱਖੋਂ-ਪਰੋਖੇ ਕਰਨਾ ਤੁਹਾਡੇ ਲਈ ਸਭ ਤੋਂ ਵੱਧ ਖ਼ਤਰਨਾਕ ਹੈ। ਇਹ ਸੱਚ ਹੈ ਕਿ ਕਈ ਵਾਰ ਤੁਹਾਡੀ ਇਕ ਗ਼ਲਤੀ ਨਾਲ ਇਕ ਦਿਲ, ਇਕ ਭਰੋਸਾ, ਇਕ ਉਮੀਦ ਅਤੇ ਇਕ ਸੁਪਨਾ ਸਭ ਕੁਝ ਟੁੱਟ ਜਾਂਦਾ ਹੈ। ਤੁਹਾਡੇ ਲਈ ਬਹੁਤ ਕੀਮਤੀ ਹੈ ਉਹ ਭਰੋਸਾ, ਜੋ ਦੂਜੇ ਤੁਹਾਡੇ ਉੱਪਰ ਕਰਦੇ ਹਨ। ਕਿਸੇ ਲਈ ਮਰਨਾ ਓਨਾ ਮਹੱਤਵਪੂਰਨ ਨਹੀਂ ਹੈ, ਜਿੰਨਾ ਕਿ ਕਿਸੇ ਲਈ ਜਿਊਣਾ। ਗ਼ਲਤ ਬੰਦਿਆਂ ਨਾਲ ਤੁਰਨ ਦੀ ਬਜਾਏ ਇਕੱਲੇ ਬੈਠੇ ਰਹਿਣਾ ਕਿਤੇ ਬਿਹਤਰ ਹੈ। ਗ਼ਲਤ ਦਿਸ਼ਾ ਵੱਲ ਦੌੜਨ ਦੀ ਬਜਾਏ ਸਹੀ ਦਿਸ਼ਾ ਵੱਲ ਤੁਰਨਾ ਜ਼ਿਆਦਾ ਬਿਹਤਰ ਹੈ। ਉਨ੍ਹਾਂ ਲੋਕਾਂ ਤੋਂ ਬਚੋ ਜੋ ਸਿਰਫ ਤੁਹਾਡਾ ਇਸਤੇਮਾਲ ਕਰਦੇ ਹਨ। ਕਈ ਵਾਰ ਅਸੀਂ ਇਹ ਤਾਂ ਜਾਣਦੇ ਹੁੰਦੇ ਹਾਂ ਕਿ ਸਮੱਸਿਆ ਕੀ ਹੈ ਪਰ ਅਸੀਂ ਇਹ ਨਹੀਂ ਜਾਣਦੇ ਹੁੰਦੇ ਕਿ ਇਸ ਦਾ ਸਹੀ ਹੱਲ ਕੀ ਹੈ? ਸਿਰਫ ਕਿਸੇ ਚੀਜ਼ ਦਾ ਗਿਆਨ ਹੀ ਕਾਫੀ ਨਹੀਂ ਹੁੰਦਾ। ਸਿਰਫ ਹੋ ਰਹੀਆਂ ਗੱਲਾਂ ਹੀ ਪੂਰਨ ਸੱਚ ਨਹੀਂ ਹੁੰਦੀਆਂ।
ਦੂਜਿਆਂ ਤੋਂ ਭਿੰਨ ਹੋਣਾ ਗ਼ਲਤ ਹੋਣਾ ਨਹੀਂ ਹੁੰਦਾ। ਤੁਹਾਡੇ ਵਿਚ ਕੋਈ ਹੁਨਰ ਜਾਂ ਗੁਣ ਅਜਿਹਾ ਜ਼ਰੂਰ ਹੁੰਦਾ ਹੈ, ਜਿਸ ਦੇ ਬਲਬੂਤੇ ਤੁਸੀਂ ਸਫਲ ਅਤੇ ਪ੍ਰਸੰਨਚਿੱਤ ਹੋ ਸਕਦੇ ਹੋ ਅਤੇ ਤੁਹਾਡਾ ਇਹੀ ਗੁਣ ਤੁਹਾਨੂੰ ਵਿਸ਼ੇਸ਼ ਬਣਾਉਂਦਾ ਹੈ। ਆਪਣੀ ਗੱਲ ਕਹਿਣ ਲਈ ਸਹੀ ਸ਼ਬਦਾਂ ਦੀ ਚੋਣ, ਸਹੀ ਕੰਮ ਦੀ ਚੋਣ, ਸਹੀ ਦੋਸਤਾਂ ਦੀ ਚੋਣ, ਸਹੀ ਖੁਰਾਕ ਦੀ ਚੋਣ ਅਤੇ ਸਹੀ ਰਿਸ਼ਤਿਆਂ ਦੀ ਚੋਣ ਦੱਸਦੀ ਹੈ ਕਿ ਤੁਸੀਂ ਕਿੰਨੇ ਸਮਝਦਾਰ, ਗਿਆਨਵਾਨ ਅਤੇ ਗੰਭੀਰ ਹੋ। ਅਕਸਰ ਦਿਲਚਸਪੀ ਤੁਹਾਨੂੰ ਦਿਲਚਸਪ ਬਣਾ ਦਿੰਦੀ ਹੈ। ਇਹ ਵੀ ਸਹੀ ਹੈ ਕਿ ਬਣਾਵਟ, ਸਜਾਵਟ ਅਤੇ ਦਿਖਾਵਟ ਨਾਲ ਗਿਰਾਵਟ ਵੀ ਆਈ ਹੈ। ਕਿਸੇ ਦੇ ਪਿੱਛੇ-ਪਿੱਛੇ ਦੌੜਨਾ ਕੋਈ ਮਾਣ ਵਾਲੀ ਗੱਲ ਨਹੀਂ। ਮਾਣ ਤਾਂ ਇਸ ਗੱਲ ਵਿਚ ਹੈ ਕਿ ਕੋਈ ਸਾਨੂੰ ਲੱਭਣ ਦੀ ਕੋਸ਼ਿਸ਼ ਕਰੇ। ਕੋਈ ਸਾਨੂੰ ਖੋਜਣ ਦਾ ਯਤਨ ਕਰੇ। ਕੋਈ ਸਾਨੂੰ ਸਮਝਣ ਵਿਚ ਦਿਲਚਸਪੀ ਲਵੇ। ਕੋਈ ਸਾਨੂੰ ਦੋਸਤ ਬਣਾਉਣ ਦੀ ਇੱਛਾ ਜ਼ਾਹਿਰ ਕਰੇ ਪਰ ਚੋਣ ਅਸੀਂ ਆਪਣੀ ਮਰਜ਼ੀ ਦੇ ਕਰੀਏ। ਕਿਸੇ ਦੀ ਮੂਰਖਤਾ 'ਤੇ ਤਰਸ ਕਰਨ ਦਾ ਇਹ ਮਤਲਬ ਨਹੀਂ ਕਿ ਉਸ ਨੂੰ ਗਲੇ ਲਗਾ ਲਿਆ ਜਾਵੇ। ਇਸ ਤਰ੍ਹਾਂ ਦੀ ਦਇਆ ਭਾਵਨਾ ਤੁਹਾਡੀ ਜ਼ਿੰਦਗੀ ਦੀਆਂ ਉਲਝਣਾਂ ਵਿਚ ਵਾਧਾ ਕਰਦੀ ਹੈ। ਸਮਝ ਦੱਸਦੀ ਹੈ ਕਿ ਅਸੀਂ ਦੂਜਿਆਂ ਨਾਲੋਂ ਕਿੰਨੀ ਕੁ ਵਿੱਥ 'ਤੇ ਰਹਿਣਾ ਹੈ। ਤੁਹਾਨੂੰ ਆਪਣੀ ਅਤੇ ਦੂਜਿਆਂ ਦੀ ਸੀਮਾ ਦਾ ਗਿਆਨ ਹੋਣਾ ਚਾਹੀਦਾ ਹੈ।
ਗ਼ਲਤ ਸੋਚ ਅਤੇ ਗ਼ਲਤ ਇਰਾਦਾ ਇਨਸਾਨ ਨੂੰ ਹਰ ਰਿਸ਼ਤੇ ਤੋਂ ਦੂਰ ਕਰ ਦਿੰਦੇ ਹਨ। ਚੁੱਪ ਦੀ ਆਪਣੀ ਭਾਸ਼ਾ ਹੁੰਦੀ ਹੈ। ਕਈਆਂ ਦੇ ਬੋਲਾਂ ਵਿਚ ਵੀ ਸੰਗੀਤ ਹੁੰਦਾ ਹੈ। ਕਈਆਂ ਦੇ ਸੁਭਾਅ ਵਿਚ ਵੀ ਰੌਣਕ ਹੁੰਦੀ ਹੈ। ਕਈਆਂ ਦੀ ਸੋਚਣੀ ਵਿਚ ਵੀ ਚਾਅ ਹੁੰਦੇ ਹਨ। ਕਈਆਂ ਦੇ ਕੰਮਾਂ ਵਿਚ ਵੀ ਰੌਸ਼ਨੀ ਹੁੰਦੀ ਹੈ। ਕਈਆਂ ਦੇ ਯਤਨਾਂ ਵਿਚ ਵੀ ਮੁਹੱਬਤ ਹੁੰਦੀ ਹੈ। ਸਮਾਂ ਕਦੇ ਵੀ ਗ਼ਲਤ ਨਹੀਂ ਹੁੰਦਾ। ਗ਼ਲਤ ਤਾਂ ਅਸੀਂ ਆਪ ਹੁੰਦੇ ਹਾਂ। ਅਸੀਂ ਹਾਲਾਤ ਦੀ ਦੇਣ ਹਾਂ ਪਰ ਇਹ ਵੀ ਸੱਚ ਹੈ ਕਿ ਇਹ ਹਾਲਾਤ ਵੀ ਸਾਡੀ ਦੇਣ ਹਨ। ਇਹ ਜ਼ਿਆਦਾ ਮਹੱਤਵਪੂਰਨ ਨਹੀਂ ਕਿ ਸਾਨੂੰ ਮਿਲਿਆ ਕੀ ਹੈ ਪਰ ਇਹ ਜ਼ਿਆਦਾ ਮਹੱਤਵਪੂਰਨ ਹੈ ਕਿ ਅਸੀਂ ਦਿੱਤਾ ਕੀ ਹੈ। ਉਸ ਇਨਸਾਨ ਨੂੰ ਕਦੇ ਨਾ ਭੁੱਲੋ, ਜਿਸ ਨੇ ਔਖੇ ਸਮੇਂ ਵਿਚ ਤੁਹਾਡੀ ਮਦਦ ਕੀਤੀ ਹੋਵੇ। ਅਸੀਂ ਮਦਦ ਉਸ ਸਮੇਂ ਨਹੀਂ ਕਰਦੇ ਜਦੋਂ ਸਾਡੇ ਕੋਲ ਮਦਦ ਕਰਨ ਲਈ ਕੁਝ ਹੁੰਦਾ ਹੈ, ਬਲਕਿ ਅਸੀਂ ਮਦਦ ਉਸ ਸਮੇਂ ਕਰਦੇ ਹਾਂ, ਜਦੋਂ ਅਸੀਂ ਇਸ ਦੀ ਇੱਛਾ ਰੱਖਦੇ ਹਾਂ।
ਹਰ ਕੋਈ ਸਮਝਾਉਣ ਦੀ ਕੋਸ਼ਿਸ਼ ਕਰਦਾ ਹੈ, ਸਮਝਣ ਦਾ ਯਤਨ ਕੋਈ ਵਿਰਲਾ ਹੀ ਕਰਦਾ ਹੈ। ਸਿਰਫ ਚਿਹਰੇ ਦਾ ਹੀ ਨਹੀਂ, ਤੁਹਾਡੀ ਰੂਹ ਦਾ ਵੀ ਇਕ ਹੁਸਨ ਹੈ। ਸੁੰਦਰਤਾ ਤੁਹਾਡੇ ਕੰਮਾਂ ਵਿਚ ਵੀ ਹੁੰਦੀ ਹੈ। ਤੁਹਾਡੀ ਸਹੀ ਕੀਮਤ ਉਦੋਂ ਹੀ ਪੈਂਦੀ ਹੈ ਜਦੋਂ ਤੁਸੀਂ ਆਪਣੀ ਕੀਮਤ ਆਪ ਸਮਝਦੇ ਹੋ। ਤਾਕਤਵਰ ਬਣੋ, ਇਸ ਲਈ ਨਹੀਂ ਕਿ ਮਾੜੇ ਨੂੰ ਦਬਾ ਸਕੋ, ਸਗੋਂ ਇਸ ਲਈ ਕਿ ਕੋਈ ਤਕੜਾ ਤੁਹਾਨੂੰ ਦਬਾ ਨਾ ਸਕੇ। ਅਜਿਹਾ ਕੋਈ ਕੰਮ ਨਾ ਕਰੋ ਕਿ ਫਿਰ ਜ਼ਿੰਦਗੀ ਭਰ ਤੁਹਾਨੂੰ ਉਹ ਸ਼ਰਮਸਾਰ ਕਰਦਾ ਰਹੇ। ਉਹ ਖੁਦ ਹੀ ਕਮਜ਼ੋਰ ਹੁੰਦੇ ਹਨ ਜੋ ਤੁਹਾਨੂੰ ਡਰਾਉਂਦੇ ਹਨ, ਇਸ ਲਈ ਉਨ੍ਹਾਂ ਤੋਂ ਡਰੋ ਨਾ। ਬਹਾਦਰ ਜੇਕਰ ਕਿਸੇ ਤੋਂ ਡਰਦੇ ਨਹੀਂ ਤਾਂ ਉਹ ਕਿਸੇ ਨੂੰ ਡਰਾਉਂਦੇ ਵੀ ਨਹੀਂ।


-ਪਿੰਡ ਗੋਲੇਵਾਲਾ (ਫ਼ਰੀਦਕੋਟ)।
ਮੋਬਾ: 94179-49079

ਪਤਲੇ ਅਤੇ ਜਵਾਨ ਦਿਸਣ ਦਾ ਅੱਜ ਦੀ ਪੀੜ੍ਹੀ 'ਤੇ ਦਬਾਅ

ਸੁੰਦਰ ਦਿਸਣ ਦਾ ਅਧਿਕਾਰ ਹਰ ਔਰਤ ਨੂੰ ਹੈ ਪਰ ਬਾਹਰ ਦੀ ਸੁੰਦਰਤਾ ਦੇ ਨਾਲ-ਨਾਲ ਜੇਕਰ ਅੰਦਰ ਦੀ ਸੁੰਦਰਤਾ 'ਤੇ ਵੀ ਧਿਆਨ ਦੇਵੋ ਤਾਂ ਤੁਸੀਂ ਹੋਰ ਵੀ ਖ਼ੂਬਸੂਰਤ ਹੋ ਸਕਦੇ ਹੋ। ਘਰ ਵਿਚ ਕੋਈ ਸਮਾਗਮ ਜਾਂ ਪਾਰਟੀ ਹੋਵੇ ਤਾਂ ਹਰ ਔਰਤ ਆਪਣੇ-ਆਪ ਨੂੰ ਆਕਰਸ਼ਕ ਬਣਾਉਣ ਲਈ ਵੱਖ-ਵੱਖ ਢੰਗ ਤਰੀਕੇ ਅਪਣਾਉਂਦੀ ਹੈ। ਪਤਲੀ ਨਜ਼ਰ ਆਉਣ ਲਈ ਕਈ ਤਰ੍ਹਾਂ ਦੇ ਢੰਗ ਲੱਭਣ ਦੀ ਕੋਸ਼ਿਸ਼ ਕਰਦੀ ਹੈ। ਇਹ ਤਰੀਕੇ ਜਿੰਨੇ ਚੰਗੇ ਹੁੰਦੇ ਹਨ, ਓਨੇ ਹੀ ਮਹਿੰਗੇ ਵੀ ਹੁੰਦੇ ਹਨ ਪਰ ਜਦੋਂ ਔਰਤਾਂ 'ਤੇ ਪਤਲਾ ਅਤੇ ਜਵਾਨ ਦਿਸਣ ਦਾ ਦਬਾਅ ਹੁੰਦਾ ਹੈ ਤਾਂ ਉਹ ਹਰ ਤਰ੍ਹਾਂ ਦਾ ਜੋਖ਼ਮ ਵੀ ਲੈ ਲੈਂਦੀਆਂ ਹਨ।
ਜ਼ਿਆਦਾਤਰ ਕੁੜੀਆਂ ਵੱਖ-ਵੱਖ ਤਰ੍ਹਾਂ ਦੇ ਪ੍ਰੋਟੀਨ ਸ਼ੇਕ ਦਾ ਸੇਵਨ ਕਰਨਾ ਸ਼ੁਰੂ ਕਰ ਦਿੰਦੀਆਂ ਹਨ ਅਤੇ ਖਾਣਾ ਬਿਲਕੁਲ ਹੀ ਬੰਦ ਕਰ ਦਿੰਦੀਆਂ ਹਨ ਅਤੇ ਜਦੋਂ ਕੁਝ ਸਮੇਂ ਬਾਅਦ ਫਿਰ ਤੋਂ ਭੋਜਨ ਸ਼ੁਰੂ ਕਰਦੀਆਂ ਹਨ ਤਾਂ ਬਹੁਤ ਤੇਜ਼ੀ ਨਾਲ ਉਹ ਮੋਟੀਆਂ ਹੋ ਜਾਂਦੀਆਂ ਹਨ। ਜਿਸ ਨਾਲ ਇਨ੍ਹਾਂ ਨੂੰ ਜ਼ਬਰਦਸਤੀ ਪ੍ਰੋਟੀਨ ਸ਼ੇਕ ਦੁਬਾਰਾ ਸ਼ੁਰੂ ਕਰਨਾ ਪੈਂਦਾ ਹੈ, ਜੋ ਬਹੁਤ ਮਹਿੰਗੇ ਪੈਂਦੇ ਹਨ।
ਪਤਲੇ ਹੋਣ ਦੇ ਕੁਝ ਕੁਦਰਤੀ ਢੰਗ ਵੀ ਹੁੰਦੇ ਹਨ। ਵਧਦੀ ਉਮਰ ਅਤੇ ਮੋਟਾਪੇ ਦੇ ਸੰਕੇਤਾਂ ਨੂੰ ਕੁਦਰਤੀ ਢੰਗ ਨਾਲ ਰੋਕਿਆ ਜਾ ਸਕਦਾ ਹੈ ਅਤੇ ਲੰਮੇ ਸਮੇਂ ਤੱਕ ਜਵਾਨ ਦਿਸ ਸਕਦੇ ਹੋ।
* ਪਤਲੇ ਰਹਿਣ ਲਈ ਅਤੇ ਜਵਾਨ ਰਹਿਣ ਲਈ ਡਾਈਟ ਨੂੰ ਸੰਤੁਲਿਤ ਕਰਨਾ ਬਹੁਤ ਜ਼ਰੂਰੀ ਹੈ। ਆਪਣੇ ਰੋਜ਼ਮਰ੍ਹਾ ਦੇ ਖਾਧ ਪਦਾਰਥਾਂ ਨੂੰ 5 ਹਿੱਸਿਆਂ 'ਚ ਵੰਡੋ।
* ਸਾਡੇ ਸਰੀਰ ਵਿਚੋਂ ਵਾਧੂ ਚਰਬੀ ਨੂੰ ਬਹਰ ਕੱਢਣ ਲਈ ਦਿਨ ਵਿਚ ਘੱਟੋ ਘੱਟ 2-4 ਲੀਟਰ ਪਾਣੀ ਪੀਓ, ਜਿਸ ਨਾਲ ਸਾਡਾ ਹਾਜ਼ਮਾ ਅਤੇ ਚਮੜੀ ਠੀਕ ਰਹਿੰਦੀ ਹੈ।
* ਹਫ਼ਤੇ ਵਿਚ 5 ਦਿਨ ਇਕ ਘੰਟਾ ਕਸਰਤ ਕਰੋ, ਜਿਸ ਨਾਲ ਤਣਾਅ ਵੀ ਘੱਟ ਹੋਵੇਗਾ ਅਤੇ ਸਰੀਰ ਵੀ ਹਲਕਾ ਰਹੇਗਾ।
* ਰੋਜ਼ ਘੱਟ ਤੋਂ ਘੱਟ ਆਪਣੇ-ਆਪ ਨੂੰ 10 ਮਿੰਟ ਦਿਓ ਅਤੇ ਆਪਣੇ ਅੰਤਰਮਨ ਨਾਲ ਗੱਲਾਂ ਕਰੋ ਜਿਸ ਨਾਲ ਸਹੀ ਅਤੇ ਗ਼ਲਤ ਦਾ ਫ਼ੈਸਲਾ ਕਰਨਾ ਸੌਖਾ ਹੋਵੇਗਾ।
* ਆਪਣੇ ਖਾਣੇ ਵਿਚ ਪ੍ਰੋਟੀਨ ਦੀ ਮਾਤਰਾ ਨੂੰ ਸੰਤੁਲਿਤ ਰੱਖੋ ਜਿਸ ਲਈ ਪੁੰਗਰੇ ਅਨਾਜ, ਅੰਡੇ, ਮੇਵੇ ਆਦਿ ਦਾ ਨਾਸ਼ਤਾ ਕਰੋ।
* ਦੁਪਹਿਰ ਨੂੰ ਜਵਾਰ, ਬਾਜਰਾ ਆਦਿ ਦੀ ਰੋਟੀ ਖਾਓ।
* ਹਰ ਤਰ੍ਹਾਂ ਦੀਆਂ ਦਾਲਾਂ, ਹਰੀਆਂ ਪੱਤੇਦਾਰ ਅਤੇ ਮੌਸਮੀ ਸਬਜ਼ੀਆਂ ਦੀ ਭਰਪੂਰ ਮਾਤਰਾ ਆਪਣੇ ਭੋਜਨ ਵਿਚ ਸ਼ਾਮਿਲ ਕਰੋ।
* ਰਾਤ ਦਾ ਖਾਣਾ ਸੌਣ ਤੋਂ ਲਗਪਗ 3 ਘੰਟੇ ਪਹਿਲਾਂ ਖਾ ਲਉ।
* ਮੈਡੀਟੇਸ਼ਨ ਲਈ ਸਵੇਰੇ ਤਾਜ਼ੀ ਹਵਾ ਵਿਚ ਬੈਠੋ। ਮਨ ਸ਼ਾਂਤ ਅਤੇ ਖ਼ੁਸ਼ ਰਹੇਗਾ।
ਇਨ੍ਹਾਂ ਸਭ ਗੱਲਾਂ ਨੂੰ ਧਿਆਨ ਵਿਚ ਰੱਖਦੇ ਹੋਏ ਅਸੀਂ ਲੰਮੇ ਸਮੇਂ ਤੱਕ ਸੁੰਦਰ ਅਤੇ ਜਵਾਨ ਦਿਸ ਸਕਦੇ ਹਾਂ।


-ਸਹਾਇਕ ਪ੍ਰੋਫ਼ੈਸਰ ਕੋਸਮੈਟੋਲੋਜ਼ੀ, ਐਚ. ਐਮ. ਵੀ., ਜਲੰਧਰ।

ਪਾਲਕ ਦੇ ਸਵਾਦੀ ਸ਼ਾਕਾਹਾਰੀ ਪਕਵਾਨ

ਪਾਲਕ ਦਾ ਸੂਪ
ਸਮੱਗਰੀ : 1 ਗੁੱਛੀ ਪਾਲਕ, 1 ਛੋਟਾ ਚਮਚ ਜ਼ੀਰਾ, ਪੀਸਿਆ ਹੋਇਆ ਅਦਰਕ, ਦੋ ਮੱਧ ਆਕਾਰ ਦੇ ਬਾਰੀਕ ਕੱਟੇ ਹੋਏ ਪਿਆਜ਼, 2 ਮੱਧ ਆਕਾਰ ਦੇ ਕੱਦੂਕਸ਼ ਕੀਤੇ ਟਮਾਟਰ, 1 ਵੱਡਾ ਚਮਚ ਆਟਾ, ਅੱਧਾ ਚਮਚ ਕਾਲੀ ਮਿਰਚ, ਨਮਕ ਸਵਾਦ ਅਨੁਸਾਰ, ਅੱਧਾ ਚਮਚ ਭੁੰਨਿਆ ਜ਼ੀਰਾ, 2 ਚਮਚ ਮੱਖਣ।
ਵਿਧੀ : ਪਾਲਕ ਨੂੰ ਚੰਗੀ ਤਰ੍ਹਾਂ ਧੋ ਕੇ ਸਾਫ਼ ਕਰ ਕੇ ਕੱਟ ਲਓ। ਉਸ ਵਿਚ ਕੱਟਿਆ ਹੋਇਆ ਪਿਆਜ਼, ਕੱਦੂਕਸ਼ ਕੀਤਾ ਹੋਇਆ ਅਦਰਕ ਅਤੇ ਟਮਾਟਰ ਮਿਲਾਓ। ਇਨ੍ਹਾਂ ਨੂੰ 8 ਤੋਂ 10 ਮਿੰਟ ਤੱਕ ਉਬਾਲ ਲਓ। ਫਿਰ ਹੈਂਡ ਮਿਕਸਰ ਨਾਲ ਉਸ ਨੂੰ ਮਿਕਸ ਕਰ ਲਓ। ਥੋੜ੍ਹੀ ਮੋਟੀ ਛਾਣਨੀ ਨਾਲ ਛਾਣ ਲਓ। ਪੈਨ ਵਿਚ ਵੱਖਰੇ ਤੋਂ ਮੱਖਣ ਗਰਮ ਕਰੋ। ਉਸ ਵਿਚ ਪਾਲਕ ਦਾ ਮਿਕਸਚਰ ਪਾਓ। ਆਟੇ ਨੂੰ ਪਾਣੀ ਵਿਚ ਘੋਲ ਕੇ ਉਸੇ ਮਿਕਸਚਰ ਵਿਚ ਪਾਓ। ਨਮਕ, ਕਾਲੀ ਮਿਰਚ ਵੀ ਪਾ ਦਿਓ। ਹੁਣ ਦੋ ਚਾਰ ਉਬਾਲੇ ਦਿਵਾ ਕੇ ਸੂਪ ਬਾਊਲ ਵਿਚ ਗਰਮ-ਗਰਮ ਪਰੋਸੋ। ਉਸ 'ਤੇ ਕੱਟਿਆ ਧਨੀਆ ਅਤੇ ਪੀਸਿਆ ਜ਼ੀਰਾ ਪਾ ਕੇ ਵਰਤਾਓ।
ਆਲੂ-ਪਾਲਕ ਦੇ ਹਰੇ ਕਟਲੇਟ
ਸਮੱਗਰੀ : ਛੇ ਮੱਧ ਅਕਾਰ ਦੇ ਉੱਬਲੇ ਮਸਲੇ ਆਲੂ, 1 ਕੱਪ ਆਟਾ, 1 ਗੁੱਛੀ ਪਾਲਕ, 1 ਵੱਡਾ ਚਮਚ ਅਦਰਕ, ਲਸਣ ਦਾ ਮਿਸ਼ਰਣ, ਅੱਧਾ ਛੋਟਾ ਚਮਚ ਗਰਮ ਮਸਾਲਾ, ਅੱਧਾ ਛੋਟਾ ਚਮਚ ਨਿੰਬੂ ਦਾ ਰਸ, ਅੱਧੀ ਕਟੋਰੀ ਡਬਲ ਰੋਟੀ ਦਾ ਚੂਰਾ, ਨਮਕ-ਮਿਰਚ ਸਵਾਦ ਅਨੁਸਾਰ, ਤਲਣ ਲਈ ਤੇਲ।
ਵਿਧੀ : ਪਾਲਕ ਉਬਾਲ ਕੇ ਮਸਲ ਲਓ। ਆਟਾ ਅਤੇ ਪਾਲਕ ਮਲੋ। ਉਸ ਵਿਚ ਮਸਾਲੇ ਮਿਲਾਓ ਅਤੇ ਛੋਟੀ-ਛੋਟੀ ਚਪਾਤੀ ਬਣਾਓ। ਆਲੂ ਵਿਚ ਨਿੰਬੂ ਦਾ ਰਸ ਮਿਲਾ ਕੇ ਆਲੂ ਦੀ ਗੋਲੀਆਂ ਬਣਾਓ। ਉਨ੍ਹਾਂ ਗੋਲੀਆਂ ਨੂੰ ਪਾਲਕ ਦੇ ਆਟੇ ਵਾਲੀ ਚਪਾਤੀ ਵਿਚ ਭਰ ਕੇ ਕਟਲੇਟ ਦਾ ਆਕਾਰ ਦਿਓ ਅਤੇ ਬ੍ਰੈਡ ਦਾ ਚੂਰਾ ਲਗਾ ਕੇ ਗਰਮ ਤੇਲ ਵਿਚ ਤਲਣ ਲਈ ਪਾਓ। ਲਾਲ ਹੋਣ 'ਤੇ ਦੂਜੇ ਪਾਸੇ ਪਲਟੋ ਅਤੇ ਗਰਮ ਗਰਮ ਸੌਸ ਨਾਲ ਖਾਣ ਨੂੰ ਦਿਓ।
ਆਲੂ ਪਾਲਕ ਦੀ ਭੁਰਜੀ
ਸਮੱਗਰੀ : 2 ਮੱਧ ਆਕਾਰ ਦੇ ਆਲੂ, 1 ਗੁੱਛੀ ਪਾਲਕ, ਥੋੜ੍ਹਾ ਜਿਹਾ ਤੇਲ, ਨਮਕ-ਮਿਰਚ ਸਵਾਦ ਅਨੁਸਾਰ, ਅੱਧਾ ਛੋਟਾ ਚਮਚ ਹਲਦੀ, 1 ਵੱਡਾ ਪਿਆਜ਼, ਦੋ ਹਰੀਆਂ ਮਿਰਚਾਂ ਬਰੀਕ ਕੱਟੀਆਂ ਹੋਈਆਂ, ਅੱਧਾ ਚਮਚ ਅਦਰਕ ਬਰੀਕ ਕੱਟਿਆ ਹੋਇਆ, 1 ਵੱਡਾ ਟਮਾਟਰ।
ਵਿਧੀ : ਪਾਲਕ ਨੂੰ ਚੰਗੀ ਤਰ੍ਹਾਂ ਧੋ ਕੇ ਬਰੀਕ ਕੱਟੋ। ਆਲੂ ਛਿੱਲ ਕੇ ਛੋਟੇ ਟੁਕੜੇ ਕੱਟੋ। ਤੇਲ ਗਰਮ ਕਰ ਕੇ ਪਿਆਜ਼ ਸੁਨਹਿਰੀ ਭੁੰਨੋ। ਉਸ ਵਿਚ ਅਦਰਕ, ਟਮਾਟਰ, ਹਰੀ ਮਿਰਚ ਪਾਓ ਅਤੇ ਹਲਦੀ ਨਮਕ ਮਿਰਚ ਪਾ ਕੇ ਮਸਾਲਾ ਭੁੰਨ ਲਓ। ਉਸ ਤੋਂ ਬਾਅਦ ਆਲੂ ਅਤੇ ਕੱਟਿਆ ਪਾਲਕ ਮਿਲਾ ਕੇ ਹਿਲਾਓ ਅਤੇ ਢਕ ਕੇ ਹੌਲੀ ਅੱਗ 'ਤੇ ਗਲਣ ਦਿਓ। ਜਦੋਂ ਆਲੂ ਪਾਲਕ ਗਲ ਜਾਵੇ, ਢੱਕਣ ਲਾਹ ਕੇ ਅੱਗ ਥੋੜ੍ਹੀ ਜ਼ਿਆਦਾ ਕਰ ਦਿਓ ਤੇ ਉਸ ਨੂੰ ਸੁੱਕਣ ਦਿਓ। ਭੁਰਜੀ ਤਿਆਰ ਹੈ। ਇਸ ਨੂੰ ਗਰਮ ਚਪਾਤੀ ਅਤੇ ਪਰੌਂਠੇ ਨਾਲ ਪੇਸ਼ ਕਰੋ।


-ਸੁਨੀਤਾ ਗਾਬਾ

ਪੜ੍ਹਾਈ ਵਿਚ ਮਾਪਿਆਂ ਦਾ ਸਹਿਯੋਗ

ਬੱਚਿਆਂ ਲਈ ਸਿਲੇਬਸ ਯਾਦ ਕਰਨਾ ਬਹੁਤ ਵੱਡੀ ਸਮੱਸਿਆ ਹੈ। ਮਾਪੇ ਇਸ ਸਮੱਸਿਆ ਨੂੰ ਬਹੁਤ ਅਸਾਨੀ ਨਾਲ ਘਟਾ ਸਕਦੇ ਹਨ ਤੇ ਪੜ੍ਹਾਈ ਨੂੰ ਰੌਚਕ ਬਣਾ ਸਕਦੇ ਹਨ। ਜੇਕਰ ਪੜ੍ਹਾਈ ਨਾਲੋ-ਨਾਲ ਹੁੰਦੀ ਰਹੇ ਤਾਂ ਪੇਪਰਾਂ ਦੇ ਦਿਨਾਂ ਵਿਚ ਬੱਚਿਆਂ ਨੂੰ ਕੋਈ ਮੁਸ਼ਕਿਲ ਨਹੀਂ ਆਉਂਦੀ ਹੈ। ਮਾਪਿਆਂ ਨੂੰ ਘਰ ਵਿਚ ਪੜ੍ਹਾਈ ਦਾ ਮਾਹੌਲ ਬਣਾਉਣ ਦੀ ਲੋੜ ਹੈ, ਤਾਂ ਜੋ ਬੱਚੇ ਪੜ੍ਹਾਈ ਨੂੰ ਬੋਝ ਨਾ ਸਮਝ ਕੇ ਦਿਲੋਂ ਇਸ ਨਾਲ ਜੁੜਨ। ਬੱਚਿਆਂ ਵਿਚ ਪੜ੍ਹਾਈ ਦੀ ਲਗਨ ਪੈਦਾ ਕਰਨ ਲਈ ਮਾਪਿਆਂ ਨੂੰ ਹਰ ਰੋਜ਼ ਬੱਚਿਆਂ ਨਾਲ ਕਿਸੇ ਨਾ ਕਿਸੇ ਵਿਸ਼ੇ 'ਤੇ 35-40 ਮਿੰਟ ਚਰਚਾ ਕਰਨੀ ਚਾਹੀਦੀ ਹੈ। ਬੱਚਿਆਂ ਨਾਲ ਦੇਸ਼-ਵਿਦੇਸ਼ ਦੀਆਂ ਘਟਨਾਵਾਂ, ਰਾਜਨੀਤੀ, ਧਰਤੀ, ਪਾਣੀ, ਖੋਜਾਂ, ਬ੍ਰਹਿਮੰਡ ਤੇ ਨੈਤਿਕ ਸਿੱਖਿਆ ਆਦਿ ਕਿਸੇ ਵੀ ਵਿਸ਼ੇ 'ਤੇ ਸ਼ਾਮ ਦੀ ਚਾਹ ਸਮੇਂ ਜਾਂ ਰਾਤ ਨੂੰ ਸੈਰ ਕਰਨ ਸਮੇਂ ਚਰਚਾ ਕੀਤੀ ਜਾ ਸਕਦੀ ਹੈ। ਜਦੋਂ ਬੱਚੇ ਤੁਹਾਡੇ ਨਾਲ ਘੁੰਮਣ ਜਾਂਦੇ ਹਨ ਤਾਂ ਉਨ੍ਹਾਂ ਨੂੰ ਖੇਤਾਂ ਬਾਰੇ, ਫ਼ਸਲਾਂ ਅਤੇ ਖੇਤੀ ਦੇ ਸਾਧਨਾਂ ਬਾਰੇ ਦੱਸਿਆ ਜਾ ਸਕਦਾ ਹੈ। ਸੜਕਾਂ ਤੇ ਟੋਲ ਟੈਕਸ ਦੀ ਜਾਣਕਾਰੀ ਦਿੱਤੀ ਜਾ ਸਕਦੀ ਹੈ। ਰੋਜ਼ਾਨਾ ਘਰ ਵਿਚ ਕਿਸੇ ਨਾ ਕਿਸੇ ਵਿਸ਼ੇ 'ਤੇ ਚਰਚਾ ਕਰਨ ਨਾਲ ਬੱਚਿਆਂ ਨੂੰ ਵੀ ਸਮਝ ਆਉਣ ਲੱਗ ਜਾਵੇਗਾ ਕਿ ਸਾਨੂੰ ਰੱਟਾ ਨਹੀਂ ਮਾਰਨਾ ਪੈ ਰਿਹਾ ਹੈ। ਹਰ ਵਿਸ਼ੇ ਦੇ ਕੰਸੈਪਟ ਆਪ ਹੀ ਕਲੀਅਰ ਹੋ ਰਹੇ ਹਨ। ਇਸ ਤਰ੍ਹਾਂ ਕੀਤੀ ਪੜ੍ਹਾਈ ਨਾਲ ਬੱਚੇ ਦੀ ਸੋਚਣ, ਸਮਝਣ, ਬੋਲਣ ਤੇ ਸੁਣਨ ਦੀ ਸ਼ਕਤੀ ਵਧਦੀ ਹੈ। ਉਸ ਵਿਚ ਸਵੈ-ਵਿਸ਼ਵਾਸ ਪੈਦਾ ਹੁੰਦਾ ਹੈ। ਇਸ ਤਰ੍ਹਾਂ ਪੜ੍ਹਾਈ ਕਰਨ ਨਾਲ ਪੜ੍ਹਾਈ ਜਲਦੀ ਭੁੱਲਦੀ ਨਹੀਂ ਹੈ ਤੇ ਬੱਚਾ ਕੰਪੀਟੀਸ਼ਨ ਪੇਪਰਾਂ ਵਿਚ ਮਾਤ ਨਹੀਂ ਖਾਂਦਾ।
ਵਿਸ਼ੇ 'ਤੇ ਕੀਤੀ ਚਰਚਾ ਨਾਲ ਮਾਪਿਆਂ ਤੇ ਬੱਚਿਆਂ ਦਾ ਰਾਬਤਾ ਕਾਇਮ ਹੁੰਦਾ ਹੈ ਤੇ ਪੜ੍ਹਾਈ ਦਾ ਮਾਹੌਲ ਬਣਦਾ ਹੈ। ਮਾਪਿਆਂ ਨੂੰ ਬੱਚਿਆਂ ਦੇ ਵਿਚਾਰਾਂ ਦਾ ਪਤਾ ਲੱਗਦਾ ਹੈ ਅਤੇ ਦੋਹਾਂ ਦੇ ਵਿਚਾਲੇ ਦਾ ਰਿਸ਼ਤਾ ਮਜ਼ਬੂਤ ਬਣਦਾ ਹੈ, ਜੋ ਅੱਜ ਦੇ ਸਮੇਂ ਦੀ ਸਭ ਤੋਂ ਵੱਡੀ ਲੋੜ ਹੈ। ਮਾਂ-ਪਿਓ ਬੱਚੇ ਦੇ ਪਹਿਲੇ ਗੁਰੂ ਹੁੰਦੇ ਹਨ। ਉਨ੍ਹਾਂ ਨੂੰ ਬੱਚਿਆਂ ਦੇ ਸ਼ਬਦ ਭੰਡਾਰ ਵੱਲ ਵੀ ਖ਼ਾਸ ਧਿਆਨ ਦੇਣ ਦੀ ਜ਼ਰੂਰਤ ਹੈ। ਘਰ ਵਿਚ ਮਾਪੇ ਜਦ ਵੀ ਬੱਚਿਆਂ ਨੂੰ ਕੋਈ ਚੀਜ਼ ਲੈ ਕੇ ਆਉਣ ਲਈ ਕਹਿਣ ਤਾਂ ਹਰ ਵਾਰ ਉਸ ਚੀਜ਼ ਦੇ ਸਮਾਨਆਰਥਕ ਸ਼ਬਦ ਵਰਤਣ, ਇਸ ਨਾਲ ਬੱਚਾ ਜਲਦੀ ਸਿੱਖੇਗਾ ਤੇ ਯਾਦ ਵੀ ਰੱਖੇਗਾ। ਮਾਪਿਆਂ ਨੂੰ ਘਰ ਵਿਚ ਹਿੰਦੀ, ਪੰਜਾਬੀ, ਅੰਗਰੇਜ਼ੀ ਹਰ ਭਾਸ਼ਾ ਦੇ ਸ਼ਬਦਾਂ ਦਾ ਪ੍ਰਯੋਗ ਕਰਨਾ ਚਾਹੀਦਾ ਹੈ। ਛੋਟੇ-ਛੋਟੇ ਸ਼ਬਦਾਂ ਦਾ ਇਸਤੇਮਾਲ ਕਰਨਾ ਜਿਵੇਂ ਚੁਟਕੀਆਂ ਨੂੰ ਕਲੈਂਪ ਕਹਿਣਾ, ਚਾਹ ਪੁਨਣ ਨੂੰ ਫਿਲਟਰ ਕਰਨਾ, ਰੋਟੀ ਨੂੰ ਚਪਾਤੀ, ਦਵਾਈ ਨੂੰ ਮੈਡੀਸਨ ਕਹਿਣਾ ਆਦਿ। ਇਸ ਤਰ੍ਹਾਂ ਕਰਨ ਨਾਲ ਬੱਚੇ ਦੇ ਬੋਲਣ ਦਾ ਲਹਿਜ਼ਾ ਆਪਣੇ ਆਪ ਹੀ ਬਦਲ ਜਾਵੇਗਾ। ਇਸ ਤਰ੍ਹਾਂ ਨਾਲ ਸਿੱਖੇ ਸ਼ਬਦਾਂ ਨੂੰ ਬੱਚਾ ਆਪਣੇ ਦੋਸਤਾਂ-ਮਿੱਤਰਾਂ ਨੂੰ ਵੀ ਦੱਸਦਾ ਹੈ ਤੇ ਹੋਰ ਸ਼ਬਦ ਸਿੱਖਣ ਲਈ ਤਤਪਰ ਵੀ ਰਹਿੰਦਾ ਹੈ। ਬੱਚਿਆਂ ਦੀ ਪੜ੍ਹਾਈ ਨੂੰ ਆਸਾਨ ਬਣਾਉਣ ਲਈ ਤੇ ਸਮੇਂ ਦੇ ਨਾਲ ਤੋਰਨ ਲਈ ਮਾਪਿਆਂ ਨੂੰ ਇਸ ਵਿਧੀ ਨੂੰ ਅਪਨਾਉਣਾ ਚਾਹੀਦਾ ਹੈ। ਇਸ ਤਰ੍ਹਾਂ ਰੋਜ਼ਾਨਾ ਕੀਤੀ ਪੜ੍ਹਾਈ ਨਾਲ ਬੱਚਾ ਕਦੇ ਪੜ੍ਹਾਈ ਨੂੰ ਬੋਝ ਨਹੀਂ ਸਮਝੇਗਾ ਤੇ ਨਾ ਹੀ ਜਲਦੀ ਭੁੱਲ ਸਕਦਾ ਹੈ।


-ਸ. ਸ. ਸ. ਸ. (ਲੜਕੇ), ਫ਼ਿਰੋਜ਼ਪੁਰ।

ਘਰ ਨੂੰ ਰੱਖੋ ਪ੍ਰਦੂਸ਼ਣ ਮੁਕਤ

* ਸਫ਼ਾਈ ਕਰਨ ਲਈ ਸਿਰਕਾ ਅਤੇ ਗਰਮ ਪਾਣੀ ਦੀ ਵਰਤੋਂ ਹੋਰ ਉਤਪਾਦਾਂ ਦੀ ਤੁਲਨਾ ਵਿਚ ਬਿਹਤਰ ਹੈ। ਇਹ ਮੰਨਿਆ ਜਾਂਦਾ ਹੈ ਕਿ ਇਹ ਪ੍ਰਾਚੀਨ ਤਰੀਕਾ ਹੈ, ਇਸ ਲਈ ਲੋਕ ਇਸ ਨੂੰ ਵਰਤਣਾ ਆਪਣੀ ਸ਼ਾਨ ਦੇ ਖਿਲਾਫ ਸਮਝਦੇ ਹਨ ਪਰ ਇਹ ਤਰੀਕਾ ਕਾਫੀ ਅਸਰਦਾਇਕ ਹੈ।
* ਕਮਰੇ ਦੇ ਵਾਤਾਵਰਨ ਨੂੰ ਤਾਜ਼ਾ ਰੱਖਣ ਲਈ ਏਅਰ ਫਰੈਸ਼ਨਰਸ ਦੀ ਜਗ੍ਹਾ ਲੋੜ ਦੇ ਹਿਸਾਬ ਨਾਲ ਵੇਲਾਂ ਦੀ ਵਰਤੋਂ ਕਰਨੀ ਚਾਹੀਦੀ ਹੈ।
* ਅੱਜਕਲ੍ਹ ਟੂਟੀ ਦਾ ਪਾਣੀ ਵੀ ਪ੍ਰਦੂਸ਼ਣਮੁਕਤ ਨਹੀਂ ਹੁੰਦਾ। ਇਸ ਨੂੰ ਭਰਦੇ ਸਮੇਂ ਲੋੜੀਂਦੀਆਂ ਸਾਵਧਾਨੀਆਂ ਵਰਤਣ ਨਾਲ ਇਸ ਨੂੰ ਪ੍ਰਦੂਸ਼ਣਮੁਕਤ ਰੱਖਿਆ ਜਾ ਸਕਦਾ ਹੈ। ਖਾਣਾ ਬਣਾਉਣ ਵਾਲਾ ਪਾਣੀ ਭਰਨ ਤੋਂ ਪਹਿਲਾਂ ਕੁਝ ਮਿੰਟ ਟੂਟੀ ਵਿਚੋਂ ਪਾਣੀ ਵਗ ਜਾਣ ਦਿਓ। ਪਾਣੀ 'ਤੇ ਫਿਲਟਰ ਲਗਾਓ ਤਾਂ ਬਿਹਤਰ ਹੈ।
* ਬਾਜ਼ਾਰ ਵਿਚ ਮਿਲਣ ਵਾਲੀ ਕਾਲੀ, ਭੂਰੀ ਜਾਂ ਲਾਲ ਰੰਗ ਦੀ ਵਾਲਾਂ ਦੀ ਡਾਈ ਦੀ ਵਰਤੋਂ ਕਦੇ ਨਾ ਕਰੋ। ਇਹ ਸਿਰ ਦੀ ਚਮੜੀ ਨੂੰ ਪਾਰ ਕਰ ਕੇ ਮੁੱਖ ਖੂਨ ਵਿਚ ਪ੍ਰਵੇਸ਼ ਕਰ ਕੇ ਨੁਕਸਾਨ ਪਹੁੰਚਾਉਂਦੀ ਹੈ। ਇਨ੍ਹਾਂ ਦੀ ਬਜਾਏ ਸਬਜ਼ੀਆਂ ਤੋਂ ਬਣੇ ਵਾਲਾਂ ਨੂੰ ਰੰਗਣ ਵਾਲੇ ਕੁਦਰਤੀ ਰੰਗਾਂ ਦੀ ਵਰਤੋਂ ਕਰੋ।
* ਪਸੀਨੇ ਦੀ ਬਦਬੂ ਨੂੰ ਦੂਰ ਕਰਨ ਜਾਂ ਫਿਰ ਬਹੁਤ ਜ਼ਿਆਦਾ ਪਸੀਨੇ ਨੂੰ ਰੋਕਣ ਲਈ ਪ੍ਰਭਾਵਿਤ ਅੰਗਾਂ 'ਤੇ ਸੋਢਾ ਬਾਈਕਾਰਬ ਰਗੜਨਾ ਬਿਹਤਰ ਹੈ।
* ਸਮੇਂ-ਸਮੇਂ 'ਤੇ ਚਾਦਰਾਂ ਅਤੇ ਤਕੀਏ ਦੇ ਕਵਰਾਂ ਨੂੰ ਬਦਲਣਾ ਬਹੁਤ ਜ਼ਰੂਰੀ ਹੈ, ਕਿਉਂਕਿ ਇਨ੍ਹਾਂ 'ਤੇ ਗੰਦਗੀ ਅਤੇ ਪਸੀਨੇ ਕਾਰਨ ਅਜਿਹੇ ਕੀਟਾਣੂ ਪੈਦਾ ਹੋ ਜਾਂਦੇ ਹਨ, ਜਿਨ੍ਹਾਂ ਨਾਲ ਸਾਹ ਅਤੇ ਅੱਖਾਂ ਦੀ ਬਿਮਾਰੀ ਫੈਲਣ ਦਾ ਡਰ ਬਣਿਆ ਰਹਿੰਦਾ ਹੈ।
* ਟੀ. ਵੀ. ਦੇ ਪਿਛਲੇ ਹਿੱਸੇ ਨੂੰ ਹਮੇਸ਼ਾ ਕੰਧ ਵੱਲ ਹੀ ਰੱਖੋ। ਟੀ.ਵੀ. ਦੇਖਦੇ ਸਮੇਂ ਟੀ.ਵੀ. ਸਕ੍ਰੀਨ ਤੋਂ ਲਗਪਗ 150 ਸੈਂ:ਮੀ: ਦੀ ਦੂਰੀ 'ਤੇ ਬੈਠੋ। * ਮੋਬਾਈਲ ਫੋਨ 'ਤੇ ਲਗਾਤਾਰ ਜ਼ਿਆਦਾ ਦੇਰ ਤੱਕ ਗੱਲਾਂ ਕਰਨਾ ਸਰੀਰ ਲਈ ਨੁਕਸਾਨਦਾਇਕ ਹੋ ਸਕਦਾ ਹੈ।


-ਭਾਸ਼ਣਾ ਬਾਂਸਲ





Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX