ਤਾਜਾ ਖ਼ਬਰਾਂ


ਜਿਲ੍ਹਾ ਬਰਨਾਲਾ ਦੇ ਪਿੰਡ ਭੋਤਨਾ ਦਾ ਇਕ ਵਿਅਕਤੀ ਆਇਆ ਕੋਰੋਨਾ ਪਾਜ਼ੀਟਿਵ
. . .  0 minutes ago
ਟੱਲੇਵਾਲ 2 ਜੁਲਾਈ (ਸੋਨੀ ਚੀਮਾ )-ਜਿਲ੍ਹਾ ਬਰਨਾਲਾ ਦੇ ਪਿੰਡ ਭੋਤਨਾ ਵਿਖੇ ਬੀਤੇ ਦਿਨੀਂ ਦੁਬਈ ਤੋਂ ਆਇਆ ਇਕ ਵਿਅਕਤੀ ਕੋਰੋਨਾ ਪਾਜ਼ੀਟਿਵ ਪਾਇਆ...
ਸ੍ਰੀ ਮੁਕਤਸਰ ਸਾਹਿਬ 'ਚ ਕੋਰੋਨਾ ਦੇ 6 ਹੋਰ ਮਾਮਲੇ ਆਏ ਸਾਹਮਣੇ
. . .  14 minutes ago
ਸ੍ਰੀ ਮੁਕਤਸਰ ਸਾਹਿਬ, 2 ਜੁਲਾਈ (ਰਣਜੀਤ ਸਿੰਘ ਢਿੱਲੋਂ)- ਸ੍ਰੀ ਮੁਕਤਸਰ ਸਾਹਿਬ 'ਚ 6 ਹੋਰ ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ....
ਪਿੰਡ ਕੁਹਾੜਿਆਵਾਲੀ (ਫ਼ਾਜ਼ਿਲਕਾ) 'ਚ ਕੋਰੋਨਾ ਦਾ ਇਕ ਮਾਮਲਾ ਆਇਆ ਸਾਹਮਣੇ
. . .  18 minutes ago
ਮੰਡੀ ਅਰਨੀਵਾਲਾ, 2 ਜੁਲਾਈ (ਨਿਸ਼ਾਨ ਸਿੰਘ ਸੰਧੂ)- ਸੀ.ਐੱਚ.ਸੀ ਡੱਬਵਾਲਾ ਕਲਾਂ ਅਧੀਨ ਆਉਂਦੇ ਸਬ ਸੈਂਟਰ ਪਿੰਡ ਕੁਹਾੜਿਆਵਾਲੀ....
ਘਰੇਲੂ ਕਲੇਸ਼ ਤੋਂ ਤੰਗ ਆਈ ਨਵ-ਵਿਆਹੁਤਾ ਵੱਲੋਂ ਖ਼ੁਦਕੁਸ਼ੀ
. . .  27 minutes ago
ਪ੍ਰੇਮ ਸੰਬੰਧਾਂ 'ਚ ਅਸਫਲ ਨੌਜਵਾਨ ਵਲੋਂ ਖ਼ੁਦਕੁਸ਼ੀ
. . .  40 minutes ago
ਮਾਹਿਲਪੁਰ, 2 ਜੁਲਾਈ (ਦੀਪਕ ਅਗਨੀਹੋਤਰੀ)- ਮਾਹਿਲਪੁਰ ਦੇ ਨਜ਼ਦੀਕ ਪਿੰਡ ਪੈਂਸਰਾ ਵਿਖੇ ਇਕ ਨੌਜਵਾਨ ਨੇ ...
ਸੁਮੇਧ ਸੈਣੀ ਵਿਰੁੱਧ ਮੁਲਤਾਨੀ ਦੇ ਲਾਪਤਾ ਹੋਣ ਦਾ ਮਾਮਲਾ ਰਜਨੀਸ਼ ਗਰਗ ਦੀ ਅਦਾਲਤ 'ਚ ਤਬਦੀਲ
. . .  42 minutes ago
ਚੰਡੀਗੜ੍ਹ, 2 ਜੁਲਾਈ(ਹਰਕੰਵਲ ਜੀਤ)- ਪੰਜਾਬ ਦੇ ਸਾਬਕਾ ਡੀ.ਜੀ.ਪੀ ਸੁਮੇਧ ਸਿੰਘ ਸੈਣੀ ਵਿਰੁੱਧ ਮੁਲਤਾਨੀ ਦੇ ...
ਵਿਪਨ ਕੁਮਾਰ ਨੇ ਸੰਭਾਲਿਆ ਜ਼ਿਲ੍ਹਾ ਵੈਟਰਨਰੀ ਇੰਸਪੈਕਟਰ ਦਾ ਅਹੁਦਾ
. . .  54 minutes ago
ਪਠਾਨਕੋਟ, 2 ਜੁਲਾਈ (ਚੌਹਾਨ) - ਅੱਜ ਪਸ਼ੂ ਹਸਪਤਾਲ ਪਠਾਨਕੋਟ ਵਿਖੇ ਵਿਪਨ ਕੁਮਾਰ ਨੇ ਜ਼ਿਲ੍ਹਾ ਵੈਟਰਨਰੀ ਇੰਸਪੈਕਟਰ ਦਾ ਅਹੁਦਾ ਸੰਭਾਲ ...
ਲੁਧਿਆਣਾ 'ਚ ਕੋਰੋਨਾ ਕਾਰਨ ਇਕ ਹੋਰ ਮਰੀਜ਼ ਦੀ ਹੋਈ ਮੌਤ
. . .  57 minutes ago
ਲੁਧਿਆਣਾ, 2 ਜੁਲਾਈ (ਸਿਹਤ ਪ੍ਰਤੀਨਿਧੀ) - ਲੁਧਿਆਣਾ 'ਚ ਕੋਰੋਨਾ ਵਾਇਰਸ ਤੋਂ ਪੀੜਤ ਹੋਣ ਕਰਕੇ ਇੱਕ ਹੋਰ ਮਰੀਜ਼...
ਮਾਲਖ਼ਾਨੇ 'ਚ ਅੱਗ ਲੱਗਣ ਕਾਰਨ ਖਈ ਮੋਟਰਸਾਈਕਲਾਂ ਸਮੇਤ ਅੱਧੀ ਦਰਜਨ ਤੋਂ ਵੱਧ ਕਾਰਾਂ ਸੜ ਕੇ ਸੁਆਹ
. . .  about 1 hour ago
ਮੰਡੀ ਕਿਲਿਆਂਵਾਲੀ, 2 ਜੁਲਾਈ (ਇਕਬਾਲ ਸਿੰਘ ਸ਼ਾਂਤ)- ਲੰਬੀ ਥਾਣਾ ਵਿਖੇ ਅੱਜ ਬਾਅਦ ਦੁਪਹਿਰ ਅੱਗ ਲੱਗਣ ਕਾਰਨ ਮਾਲ ਖਾਣੇ 'ਚ ਕਰੀਬ 50-60 ਮੋਟਰ ਸਾਈਕਲ....
ਫਾਰਮੇਸੀ ਅਫ਼ਸਰਾਂ ਅਤੇ ਦਰਜਾ ਚਾਰ ਮੁਲਾਜ਼ਮਾਂ ਦਾ ਧਰਨਾ 14ਵੇਂ ਦਿਨ 'ਚ ਸ਼ਾਮਲ
. . .  2 minutes ago
ਲੁਧਿਆਣਾ, 2 ਜੁਲਾਈ (ਸਿਹਤ ਪ੍ਰਤੀਨਿਧੀ) - ਪੰਜਾਬ ਸਰਕਾਰ ਦੇ ਪੇਂਡੂ ਵਿਕਾਸ ਅਤੇ ਪੰਚਾਇਤ ਵਿਭਾਗ ਅਧੀਨ ਪਿਛਲੇ 14 ਸਾਲਾਂ ਤੋਂ...
ਕੇਰਲ ਸਰਕਾਰ ਨੇ ਕੋਰੋਨਾ ਦੇ ਮਰੀਜ਼ਾਂ ਨੂੰ ਲੈ ਕੇ ਜਾਰੀ ਕੀਤੇ ਦਿਸ਼ਾ-ਨਿਰਦੇਸ਼ਾਂ 'ਚ ਕੀਤਾ ਬਦਲਾਅ
. . .  about 1 hour ago
ਤਿਰੂਵਨੰਤਪੁਰਮ, 2 ਜੁਲਾਈ- ਕੇਰਲ ਸਰਕਾਰ ਨੇ ਕੋਰੋਨਾ ਤੋਂ ਪੀੜਤ ਮਰੀਜ਼ਾਂ ਸੰਬੰਧੀ ਦਿਸ਼ਾ-ਨਿਰਦੇਸ਼ਾਂ 'ਚੇ ਕੁਝ ਬਦਲਾਅ ਕੀਤੇ...
ਤਲਵੰਡੀ ਭਾਈ 'ਚ 7 ਵਰ੍ਹਿਆਂ ਦੇ ਬੱਚੇ ਸਮੇਤ ਦੋ ਦੀ ਕੋਰੋਨਾ ਰਿਪੋਰਟ ਆਈ ਪਾਜ਼ੀਟਿਵ
. . .  about 1 hour ago
ਤਲਵੰਡੀ ਭਾਈ, 2 ਜੁਲਾਈ (ਕੁਲਜਿੰਦਰ ਸਿੰਘ ਗਿੱਲ)- ਤਲਵੰਡੀ ਭਾਈ ਦੇ 7 ਵਰ੍ਹਿਆਂ ਦੇ ਬੱਚੇ ਸਮੇਤ ਦੋ ਜਣਿਆਂ ਦੀ ਕੋਰੋਨਾ ਰਿਪੋਰਟ ...
ਰਵੀ ਸ਼ੰਕਰ ਪ੍ਰਸਾਦ ਨੇ 59 ਚੀਨੀ ਐਪਸ 'ਤੇ ਪਾਬੰਦੀ ਲਗਾਏ ਜਾਣ ਦੇ ਕਦਮ ਨੂੰ ਦੱਸਿਆ 'ਡਿਜੀਟਲ ਸਟ੍ਰਾਈਕ'
. . .  about 1 hour ago
ਨਵੀਂ ਦਿੱਲੀ, 2 ਜੁਲਾਈ- ਕੇਂਦਰੀ ਮੰਤਰੀ ਰਵੀ ਸ਼ੰਕਰ ਪ੍ਰਸਾਦ ਨੇ ਦੇਸ਼ 'ਚ ਚੀਨੀ ਮੋਬਾਈਲ ਐਪਸ 'ਤੇ ਪਾਬੰਦੀ ਲਗਾਏ ਜਾਣ ਦੇ ਕੇਂਦਰ ਸਰਕਾਰ .....
ਸੜਕ ਹਾਦਸੇ 'ਚ ਮਜ਼ਦੂਰ ਦੀ ਮੌਤ
. . .  about 2 hours ago
ਸੁਨਾਮ ਊਧਮ ਸਿੰਘ ਵਾਲਾ, 2 ਜੁਲਾਈ (ਹਰਚੰਦ ਸਿੰਘ ਭੁੱਲਰ/ਸਰਬਜੀਤ ਸਿੰਘ ਧਾਲੀਵਾਲ) - ਅੱਜ ਸਵੇਰੇ ਸਵਖਤੇ ਹੀ ਸੁਨਾਮ ਲਹਿਰਾਗਾਗਾ ਸੜਕ 'ਤੇ ਹੋਏ ਇਕ ...
20 ਜੁਲਾਈ ਨੂੰ ਪੂਰੇ ਪੰਜਾਬ ਦੀਆਂ ਮੁੱਖ ਸੜਕਾਂ 'ਤੇ ਟਰੈਕਟਰ ਖੜਾ ਕੇ ਕੀਤਾ ਜਾਵੇਗਾ ਜਾਮ
. . .  about 2 hours ago
ਸੰਗਰੂਰ, 2 ਜੁਲਾਈ (ਧੀਰਜ ਪਸ਼ੋਰੀਆ)- ਕੇਂਦਰ ਸਰਕਾਰ ਵੱਲੋਂ ਜਾਰੀ ਕੀਤੇ ਗਏ ਕਿਸਾਨ ਵਿਰੋਧੀ ਆਰਡੀਨੈਂਸ ਦੇ ਖ਼ਿਲਾਫ਼ ਬੀ.ਕੇ.ਯੂ...
ਨਸ਼ੇ ਦੀ ਵੱਧ ਮਾਤਰਾ ਲੈਣ ਕਾਰਨ ਨੌਜਵਾਨ ਦੀ ਹੋਈ ਮੌਤ
. . .  about 2 hours ago
ਗੁਰੂਸਰ ਸੁਧਾਰ, 2 ਜੁਲਾਈ (ਬਲਵਿੰਦਰ ਸਿੰਘ ਧਾਲੀਵਾਲ) - ਥਾਣਾ ਸੁਧਾਰ ਅਧੀਨ ਪੈਂਦੇ ਪਿੰਡ ਬੋਪਾਰਾਏ ਕਲਾਂ ਦੇ 27 ਸਾਲਾ ਨੌਜਵਾਨ ਹਾਕਮ ਸਿੰਘ ਪੁੱਤਰ ...
ਫ਼ਿਰੋਜ਼ਪੁਰ 'ਚ ਕੋਰੋਨਾ ਦੇ ਤਿੰਨ ਹੋਰ ਮਾਮਲਿਆਂ ਦੀ ਹੋਈ ਪੁਸ਼ਟੀ
. . .  about 2 hours ago
ਫ਼ਿਰੋਜ਼ਪੁਰ, 2 ਜੁਲਾਈ (ਜਸਵਿੰਦਰ ਸਿੰਘ ਸੰਧੂ) - ਸਿਹਤ ਵਿਭਾਗ ਵਲੋਂ ਕੋਰੋਨਾ ਸ਼ੱਕੀ ਵਿਅਕਤੀਆਂ ਦੇ ਲਏ ਗਏ ਟੈੱਸਟਾਂ ਦੌਰਾਨ...
ਦਿੱਲੀ 'ਚ ਦੇਸ਼ ਦੇ ਪਹਿਲੇ ਪਲਾਜ਼ਮਾ ਬੈਂਕ ਦੀ ਹੋਈ ਸ਼ੁਰੂਆਤ, ਕੇਜਰੀਵਾਲ ਨੇ ਕੀਤਾ ਐਲਾਨ
. . .  about 2 hours ago
ਨਵੀਂ ਦਿੱਲੀ, 2 ਜੁਲਾਈ- ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਵੀਰਵਾਰ ਨੂੰ ਪੈੱ੍ਰਸ ਕਾਨਫ਼ਰੰਸ ਕਰ ਕੇ ਗੰਭੀਰ ਹਾਲਤ ਵਾਲੇ ਮਰੀਜ਼ਾਂ ਦੇ ਇਲਾਜ...
ਸ਼ਿਵਰਾਜ ਨੇ ਮੰਤਰੀ ਮੰਡਲ ਦਾ ਕੀਤਾ ਵਿਸਥਾਰ, 28 ਮੰਤਰੀਆਂ ਨੇ ਚੁੱਕੀ ਸਹੁੰ
. . .  about 2 hours ago
ਭੋਪਾਲ, 2 ਜੁਲਾਈ- ਮੱਧ ਪ੍ਰਦੇਸ਼ ਦੇ ਮੁੱਖਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਨੇ ਅੱਜ ਆਪਣੇ ਮੰਤਰੀ-ਮੰਡਲ ਦਾ ਵਿਸਥਾਰ ਕਰਦਿਆਂ 28 ਨਵੇਂ ...
ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਰ ਮੀਡੀਆ ਨੂੰ ਕਰ ਰਹੇ ਹਨ ਸੰਬੋਧਨ
. . .  about 3 hours ago
ਮੁੱਖ ਮੰਤਰੀ ਯੋਗੀ ਨੇ 'ਕੋਵਿਡ ਮੈਨੇਜਮੈਂਟ ਟੀਮ-11' ਦੇ ਅਧਿਕਾਰੀਆਂ ਨਾਲ ਕੀਤੀ ਬੈਠਕ
. . .  about 3 hours ago
ਲਖਨਊ, 2 ਜੁਲਾਈ- ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਨੇ 'ਕੋਵਿਡ ਮੈਨੇਜਮੈਂਟ ਟੀਮ-11' ਦੇ ਅਧਿਕਾਰੀਆਂ ...
ਜੰਮੂ-ਕਸ਼ਮੀਰ : ਪੁੰਛ 'ਚ ਪਾਕਿਸਤਾਨ ਵੱਲੋਂ ਜੰਗਬੰਦੀ ਦੀ ਉਲੰਘਣਾ
. . .  about 3 hours ago
ਸ੍ਰੀਨਗਰ, 2 ਜੁਲਾਈ - ਜੰਮੂ-ਕਸ਼ਮੀਰ 'ਚ ਪਾਕਿਸਤਾਨ ਵੱਲੋਂ ਅੱਜ ਸਵੇਰੇ ਪੁੰਛ ਜ਼ਿਲ੍ਹੇ ਦੇ ਸ਼ਾਹਪੁਰ ਅਤੇ ਕਿਰਨੀ ਸੈਕਟਰ 'ਚ ਜੰਗਬੰਦੀ...
ਕਿਸਾਨ ਆਗੂ ਦੀ ਰਿਹਾਈ ਲਈ ਕਿਸਾਨ ਮਜ਼ਦੂਰ ਸੰਘਰਸ਼ ਕਮੇਟੀ ਵੱਲੋਂ ਧਰਨਾ ਜਾਰੀ
. . .  about 3 hours ago
ਟਾਂਡਾ ਉੜਮੁੜ, 2 ਜੁਲਾਈ (ਭਗਵਾਨ ਸਿੰਘ ਸੈਣੀ)- ਬੀਤੇ ਦਿਨ ਪਿੰਡ ਰੜਾ ਮੰਡ ਵਿਖੇ ਜ਼ਮੀਨੀ ਵਿਵਾਦ ਨੂੰ ਲੈ ਕੇ ਦੋ ਧਿਰਾਂ ਦੇ ਖ਼ਿਲਾਫ਼ ਹੋਏ ਝਗੜੇ ਦੇ ਸੰਬੰਧ 'ਚ ਟਾਂਡਾ ....
ਸੰਤ ਬਾਬਾ ਕਸ਼ਮੀਰ ਸਿੰਘ ਜੀ ਭੂਰੀ ਵਾਲਿਆਂ ਵੱਲੋਂ ਲਗਾਏ ਗਏ ਛਾਂ ਦਾਰ ਬੂਟੇ
. . .  about 3 hours ago
ਅੰਮ੍ਰਿਤਸਰ, 2 ਜੁਲਾਈ (ਰਾਜੇਸ਼ ਕੁਮਾਰ ਸੰਧੂ)- ਕਾਰਸੇਵਾ ਸੰਪਰਦਾਇ ਸੰਤ ਬਾਬਾ ਕਸ਼ਮੀਰ ਸਿੰਘ ਜੀ ਭੂਰੀ ਵਾਲਿਆਂ....
ਦੋ ਪਾਵਰਕਾਮ ਮੁਲਾਜ਼ਮਾਂ ਨਾਲ ਕੁੱਟਮਾਰ
. . .  about 4 hours ago
ਖਮਾਣੋਂ, 2 ਜੁਲਾਈ (ਪਰਮਵੀਰ ਸਿੰਘ) - ਇਲਾਕੇ 'ਚ ਪਾਵਰਕਾਮ ਦੇ ਦੋ ਮੁਲਜ਼ਮਾਂ ਨਾਲ ਕੁੱਟਮਾਰ ਕੀਤੇ ਜਾਣ ਦਾ ਮਾਮਲਾ ....
ਹੋਰ ਖ਼ਬਰਾਂ..

ਬਾਲ ਸੰਸਾਰ

ਵਿਗਿਆਨੀਆਂ ਦਾ ਬਚਪਨ

ਸ੍ਰੀ ਨਿਵਾਸ ਰਾਮਾਨੁਜਨ

ਭਾਰਤ ਦੀ ਧਰਤੀ 'ਤੇ ਰਾਮਾਨੁਜਨ ਵਰਗੇ ਮਹਾਨ ਗਣਿਤ ਵਿਗਿਆਨੀ ਪੈਦਾ ਹੋਏ ਹਨ ਜੋ ਵਿਸ਼ਵ ਵਿਚ ਅੰਕਾਂ ਦਾ ਅਨੁਭਵੀ ਖਿਡਾਰੀ ਬਣ ਕੇ ਉੱਭਰਿਆ। ਉਹ ਛੋਟੀ ਉਮਰੇ ਹੀ ਸਾਨੂੰ ਅਲਵਿਦਾ ਆਖ ਗਿਆ। ਆਓ ਰਾਮਾਨੁਜਨ ਦੇ ਬਚਪਨ ਦੀਆਂ ਕੁਝ ਨਿੱਕੀਆਂ-ਨਿੱਕੀਆਂ ਗੱਲਾਂ, ਆਦਤਾਂ, ਘਟਨਾਵਾਂ ਤੁਹਾਡੇ ਨਾਲ ਸਾਂਝੀਆਂ ਕਰੀਏ। ਰਾਮਾਨੁਜਨ ਤਿੰਨ ਸਾਲ ਦੀ ਉਮਰ ਤੱਕ ਬੋਲਣ ਨਹੀਂ ਸੀ ਲੱਗਿਆ। ਕਿਸੇ ਨੂੰ ਚਿੱਤ-ਚੇਤਾ ਵੀ ਨਹੀਂ ਸੀ ਕਿ ਇਹ ਦੇਰ ਨਾਲ ਬੋਲਣ ਵਾਲਾ ਬੱਚਾ ਇਕ ਦਿਨ ਜੀਨੀਅਸ ਕਹਿਲਾਵੇਗਾ। ਜਦੋਂ ਸਕੂਲ ਪੜ੍ਹਨ ਲੱਗਿਆ ਤਾਂ ਅਧਿਆਪਕਾਂ ਨੂੰ ਊਟਪਟਾਂਗ ਸਵਾਲ ਪੁੱਛਦਾ। ਜਿਵੇਂ ਦੁਨੀਆ ਦਾ ਪਹਿਲਾ ਆਦਮੀ ਕਿਹੜਾ ਸੀ? ਧਰਤੀ ਅਤੇ ਬੱਦਲਾਂ ਵਿਚਕਾਰ ਦੂਰੀ ਕਿੰਨੀ ਹੈ? ਅਧਿਆਪਕ ਰਾਮਾਨੁਜਨ ਦੇ ਸਵਾਲਾਂ ਨੂੰ ਫਜ਼ੂਲ ਸਮਝਦੇ ਸਨ।
ਉਦੋਂ ਉਹ ਸਕੂਲ ਵਿਚ ਹੀ ਪੜ੍ਹਦਾ ਸੀ, ਜਦੋਂ ਉਸ ਨੇ ਕਾਲਜ ਪੱਧਰ ਦਾ ਗਣਿਤ ਪੜ੍ਹ ਲਿਆ ਸੀ। ਉਹ ਤਿਕੋਣਮਿਤੀ ਦੇ ਔਖੇ ਸਵਾਲ ਹੱਲ ਕਰ ਲੈਂਦਾ ਸੀ। ਉਸ ਨੂੰ ਹੱਲ ਕਰਨ ਲਈ ਸਵਾਲ ਨਾ ਲੱਭਦੇ ਤਾਂ ਖ਼ੁਦ ਹੀ ਸਵਾਲ ਤਿਆਰ ਕਰ ਲੈਂਦਾ ਅਤੇ ਉਨ੍ਹਾਂ ਨੂੰ ਹੱਲ ਕਰਨ ਬੈਠ ਜਾਂਦਾ ਸੀ। ਇਸ ਨਾਲ ਉਸ ਦੀ ਸ਼ੋਭਾ ਦੂਰ ਦੂਰ ਤੱਕ ਫੈਲ ਗਈ ਸੀ। ਇਕ ਦਿਨ ਅਧਿਆਪਕ ਉਸ ਦੀ ਕਲਾਸ ਨੂੰ ਪੜ੍ਹਾ ਰਿਹਾ ਸੀ: ਜੇ ਪੰਜ ਅੰਬ ਪੰਜ ਬੰਦਿਆਂ ਵਿਚਕਾਰ ਵੰਡੀਏ ਤਾਂ ਹਰੇਕ ਬੰਦੇ ਨੂੰ ਇਕ ਅੰਬ ਮਿਲੇਗਾ। ਯਾਨਿ ਕਿ ਕਿਸੇ ਅੰਕ ਨੂੰ ਉਸੇ ਅੰਕ ਨਾਲ ਤਕਸੀਮ ਕਰਨ ਨਾਲ ਉੱਤਰ 'ਇਕ' ਹੀ ਆਵੇਗਾ। ਨਿੱਕਾ ਰਾਮਾਨੁਜਨ ਵਿਚਾਲੇ ਹੀ ਬੋਲ ਪਿਆ,ਜੇ ਸਿਫ਼ਰ ਨੂੰ ਸਿਫ਼ਰ ਨਾਲ ਵੰਡੀਏ,ਤਾਂ ਵੀ ਉੱਤਰ ਇਕ ਹੀ ਆਵੇਗਾ? ਅਧਿਆਪਕ ਉਸ ਦੀ ਸੋਚਣੀ ਤੋਂ ਦੰਗ ਰਹਿ ਗਿਆ ਸੀ। ਉਹ ਕੋਈ ਵੀ ਜਵਾਬ ਨਹੀਂ ਸੀ ਦੇ ਸਕਿਆ। ਦੂਜੀ ਕਲਾਸ ਵਿਚ ਰਾਮਾਨੁਜਨ ਸਟਾਕ ਦੇ ਸਵਾਲ ਕੱਢ ਲੈਂਦਾ ਸੀ। ਤੀਜੀ ਵਿਚ ਅਲਜ਼ਬਰਾ ਅਤੇ ਤਿਕੋਣਮਿਤੀ ਦੇ ਔਖੇ ਸਵਾਲ ਹੱਲ ਕਰ ਲੈਂਦਾ ਸੀ।
ਗਣਿਤ ਦਾ ਉਸ ਨੂੰ ਐਨਾ ਜਨੂੰਨ ਸੀ ਕਿ ਗਿਆਰ੍ਹਵੀਂ ਦੀ ਪ੍ਰੀਖਿਆ ਦੌਰਾਨ ਗਣਿਤ ਵਿਚੋਂ ਉਸ ਦੇ ਵੱਧ ਤੋਂ ਵੱਧ ਨੰਬਰ ਆਏ ਸਨ ਅਤੇ ਬਾਕੀ ਵਿਸ਼ਿਆਂ ਵਿਚ ਉਹ ਫੇਲ੍ਹ ਹੋ ਗਿਆ ਸੀ। ਉਸ ਨੂੰ ਪੜ੍ਹਨ ਦਾ ਐਨਾ ਸ਼ੌਕ ਸੀ ਕਿ ਪੂਰੀ ਪੂਰੀ ਰਾਤ ਸਲੇਟ ਉੱਤੇ ਗਣਿਤ ਦੇ ਨਵੇਂ ਸੂਤਰ ਲਿਖਦਾ ਰਹਿੰਦਾ। ਫਿਰ ਉਨ੍ਹਾਂ ਸੂਤਰਾਂ ਨੂੰ ਇਕ ਰਜਿਸਟਰ 'ਤੇ ਉਤਾਰ ਲੈਂਦਾ ਸੀ। ਇਸ ਰਜਿਸਟਰ ਨੂੰ ਰਾਮਾਨੁਜਨ ਸਦਾ ਆਪਣੇ ਕੋਲ ਰੱਖਦਾ ਸੀ। ਉਸ ਨੇ ਜਿਓਮਿਤੀ ਦੀਆਂ ਕਿੰਨੀਆਂ ਹੀ ਥਿਊਰਮਾਂ ਖ਼ੁਦ ਖੋਜੀਆਂ ਸਨ। ਕਈ ਨਵੇਂ ਪਰਿਮੇਯ ਉਸ ਨੇ ਸੁਪਨੇ ਵਿਚ ਦੇਖੇ ਸਨ ਅਤੇ ਅੱਧੀ ਰਾਤ ਨੂੰ ਉੱਠ ਕੇ ਕਾਪੀ ਉੱਤੇ ਲਿਖੇ ਸਨ। ਰਾਮਾਨੁਜਨ ਦਾ ਪਰਿਵਾਰ ਕੁੱਲ ਦੇਵੀ ਨਾਮਗਿਰੀ ਨੂੰ ਮੰਨਦਾ ਸੀ। ਰਾਮਾਨੁਜਨ ਆਪਣੇ ਖੋਜੇ ਸੂਤਰਾਂ ਅਤੇ ਥਿਊਰਮਾਂ ਦਾ ਸਿਹਰਾ ਕੁੱਲ ਦੇਵੀ ਨਾਮਗਿਰੀ ਨੂੰ ਦਿੰਦਾ ਸੀ। ਕਲਾਸ ਵਿਚੋਂ ਫੇਲ੍ਹ ਹੋਣ ਨਾਲ ਉਸ ਦਾ ਵਜ਼ੀਫ਼ਾ ਬੰਦ ਹੋ ਗਿਆ ਸੀ।
ਪੜ੍ਹਾਈ ਵਿਚਾਲੇ ਰੁਕ ਗਈ ਸੀ। ਰਾਮਾਨੁਜਨ ਸਕੂਲੋਂ ਹਟ ਗਿਆ ਅਤੇ ਕੰਮ ਦੀ ਭਾਲ ਕਰਦਾ ਆਪਣਾ ਥਿਊਰਮਾਂ ਵਾਲਾ ਰਜਿਸਟਰ ਵੀ ਨਾਲ ਲੈ ਕੇ ਜਾਂਦਾ ਸੀ। ਉਸ ਦੀ ਸ਼ਖ਼ਸੀਅਤ ਵਿਚ ਹੋਰ ਵੀ ਬੜੇ ਗੁਣ ਸਨ। ਘਰੇ ਆਰਥਿਕ ਤੰਗੀ ਸੀ। ਕਦੀ-ਕਦੀ ਉਨ੍ਹਾਂ ਨੂੰ ਪਹਿਨਣ ਲਈ ਪੂਰੇ ਕੱਪੜੇ ਅਤੇ ਖਾਣ ਨੂੰ ਭੋਜਨ ਵੀ ਨਾ ਨਸੀਬ ਹੁੰਦਾ। ਉਸ ਦਾ ਕੋਈ ਦੋਸਤ ਨਾ ਬਣਦਾ। ਸਵਾਲ ਹੱਲ ਕਰਦੇ ਸਮੇਂ ਕੋਈ ਵੀ ਪਰਿਵਾਰਕ ਮੈਂਬਰ ਉਸ ਦੇ ਨੇੜੇ ਨਾ ਜਾਂਦਾ। ਉਹ ਡਰਦੇ ਸਨ ਕਿ ਕਿਤੇ ਉਸ ਦੇ ਖਿਆਲਾਂ ਦੀ ਲੜੀ ਟੁੱਟ ਨਾ ਜਾਵੇ। ਉਹ ਕੱਟੜ ਸਨਾਤਨੀ ਵਿਚਾਰਾਂ ਵਾਲਾ ਵੈਸ਼ਨੋ ਮੁੰਡਾ ਸੀ। ਉਹ ਹਰ ਰੋਜ਼ ਸਵੇਰੇ ਉੱਠ ਕੇ ਨਹਾਉਂਦਾ ਸੀ। ਇਹ ਆਦਤ ਉਸ ਦੀ ਸਾਰੀ ਉਮਰ ਬਣੀ ਰਹੀ। ਇੰਗਲੈਂਡ ਦੀ ਕਹਿਰ ਦੀ ਸਰਦੀ ਵਿਚ ਵੀ ਉਹ ਠੰਢੇ ਪਾਣੀ ਨਾਲ ਨਹਾਉਣੋਂ ਨਹੀਂ ਸੀ ਹਟਿਆ। ਖ਼ੁਦ ਖਾਣਾ ਬਣਾਉਂਦਾ ਅਤੇ ਚੌਂਕਾ ਚੁੱਲ੍ਹਾ ਕਰਦਾ ਰਿਹਾ।
ਭਰ ਜਵਾਨੀ ਵਿਚ 32 ਸਾਲਾਂ ਦਾ ਰਾਮਾਨੁਜਨ ਸਾਥੋਂ ਸਦਾ ਲਈ ਵਿਛੜ ਗਿਆ ਸੀ। ਉਸ ਦੇ ਜਨਮ ਦਿਨ ਨੂੰ ਕੌਮੀ ਗਣਿਤ ਦਿਵਸ ਦੇ ਤੌਰ 'ਤੇ ਮਨਾਇਆ ਜਾਂਦਾ ਹੈ।

-ਮੋਬਾਈਲ : 97806-67686


ਖ਼ਬਰ ਸ਼ੇਅਰ ਕਰੋ

ਕਹਾਣੀ

ਚਿੱਟਾ ਕਾਂ

ਕਾਂ ਕਈ ਦਿਨ ਸੋਚਦਾ ਰਿਹਾ। ਕਈ ਦਿਨ ਸੋਚਣ ਤੋਂ ਬਾਅਦ ਕਾਂ ਨੂੰ ਖਿਆਲ ਆਇਆ ਕਿ ਕਿਸਾਨ ਉਸ ਦੇ ਕਾਲ਼ੇ ਰੰਗ ਨੂੰ ਨਫ਼ਰਤ ਕਰਦਾ ਹੈ।
'ਗੋਰੇ-ਚਿੱਟੇ ਰੰਗ ਕਰਕੇ ਕਿਸਾਨ, ਕਬੂਤਰ ਨੂੰ ਪਿਆਰ ਕਰਦਾ ਹੈ। ਜੇ ਕਿਧਰੇ ਮੇਰਾ ਰੰਗ ਵੀ ਚਿੱਟਾ ਹੋਵੇ, ਫਿਰ ਕਿਸਾਨ ਮੈਨੂੰ ਵੀ ਪਿਆਰ ਕਰੇ।' ਕਾਂ ਨੇ ਸੋਚਿਆ ਤੇ ਕਾਂ ਨੇ ਵੀ ਗੋਰਾ-ਚਿੱਟਾ ਹੋਣ ਦਾ ਫੈਸਲਾ ਕਰ ਲਿਆ।
ਗੋਰਾ-ਚਿੱਟਾ ਹੋਣ ਲਈ ਹੁਣ ਕਾਂ ਰੋਜ਼ਾਨਾ ਨਹਿਰ 'ਤੇ ਜਾਣ ਲੱਗ ਪਿਆ। ਨਹਿਰ 'ਤੇ ਜਾਕੇ ਕਾਂ ਵਾਰ-ਵਾਰ ਅੰਗਰੇਜ਼ੀ ਸਾਬਣ ਲਾ ਕੇ ਨਹਾਉਂਦਾ। ਕਾਂ ਚੰਗੀ ਤਰ੍ਹਾਂ ਨਹਾਉਣ ਤੋਂ ਬਾਅਦ ਪਾਊਡਰ ਵੀ ਲਾਉਂਦਾ ਸੀ। ਕਾਂ ਨੂੰ ਅੰਗਰੇਜ਼ੀ ਸਾਬਣ ਨਾਲ ਨਹਾਉਂਦੇ ਨੂੰ ਤੇ ਪਾਉਡਰ ਲਾਉਂਦੇ ਨੂੰ ਕਈ ਦਿਨ ਹੋ ਗਏ ਸਨ। ਕਾਂ ਰੋਜ਼ਾਨਾ ਨਹਾ-ਧੋ ਕੇ ਸ਼ੀਸ਼ਾ ਵੇਖਦਾ ਸੀ ਤੇ ਸ਼ੀਸ਼ਾ ਵੇਖ ਕੇ ਕਾਂ ਦਾ ਮਨ ਖਰਾਬ ਹੋ ਜਾਂਦਾ। ਅਜੇ ਤਕ ਕਾਂ ਦੇ ਰੰਗ ਦਾ ਭੋਰਾ ਵੀ ਫ਼ਰਕ ਨਹੀਂ ਪਿਆ ਸੀ।
ਕਾਂ ਕਈ ਦਿਨ ਵੇਖਦਾ ਰਿਹਾ। ਉਸਦਾ ਕਾਲਾ ਰੰਗ ਟੱਸ ਤੋਂ ਮੱਸ ਨਾ ਹੋਇਆ। ਹਾਰ ਕੇ ਕਾਂ ਗੋਰੇ-ਚਿੱਟੇ ਹੋਣ ਦਾ ਕੋਈ ਹੋਰ ਢੰਗ ਸੋਚਣ ਲੱਗ ਪਿਆ।
ਕਾਂ ਸੋਚਦਾ-ਸੋਚਦਾ ਸ਼ਹਿਰ ਚਲਾ ਗਿਆ। ਕਾਂ ਨੂੰ ਪੂਰੀ ਉਮੀਦ ਸੀ ਕਿ ਸ਼ਹਿਰ ਵਿੱਚੋਂ ਉਸਨੂੰ ਗੋਰੇ-ਚਿੱਟੇ ਹੋਣ ਦਾ ਕੋਈ ਨਾ ਕੋਈ ਢੰਗ ਲੱਭ ਜਾਵੇਗਾ।
ਸ਼ਹਿਰ ਆਕੇ ਕਾਂ ਨੇ ਇਕ ਨਾਈ ਨੂੰ ਲੋਕਾਂ ਦੇ ਵਾਲ ਰੰਗਦੇ ਵੇਖਿਆ। ਕਾਂ ਦੀ ਖੁਸ਼ੀ ਦੀ ਕੋਈ ਸੀਮਾ ਨਾ ਰਹੀ।
'ਮੈਂ ਵੀ ਨਾਈ ਤੋਂ ਖੰਭ ਰੰਗਵਾ ਕੇ ਚਿੱਟਾ ਬਣ ਸਕਦਾ ਹਾਂ।' ਕਾਂ ਨੇ ਸੋਚਿਆ ਤੇ ਉਹ ਵੀ ਆਪਣੇ ਖੰਭ ਰੰਗਵਾਉਣ ਲਈ ਪੈਂਟਰ ਕੋਲ ਪਹੁੰਚ ਗਿਆ।
ਕਾਂ ਨੇ ਪੈਂਟਰ ਨੂੰ ਖੰਭ ਚਿੱਟੇ ਕਰ ਦੇਣ ਲਈ ਆਖਿਆ।
ਗੋਰਾ-ਚਿੱਟਾ ਬਣ ਕੇ ਕਾਂ ਨੇ ਆਪਣੇ ਲਈ ਮੁਸੀਬਤ ਸਹੇੜ ਲਈ ਸੀ, ਫਿਰ ਵੀ ਉਹ ਬੇਹਦ ਖੁਸ਼ ਸੀ। ਉਸਦੇ ਮਨ ਦੀ ਮੁਰਾਦ ਪੂਰੀ ਹੋ ਗਈ ਸੀ ਤੇ ਉਹ ਚਾਈਂ-ਚਾਈਂ ਆਪਣੇ ਮਿੱਤਰ ਕਬੂਤਰ ਨੂੰ ਮਿਲਣ ਤੁਰ ਪਿਆ।
ਕਾਂ ਨੂੰ ਪੂਰੀ ਉਮੀਦ ਸੀ ਕਿ ਹੁਣ ਕਿਸਾਨ, ਉਸਦੀ ਕਬੂਤਰ ਵਾਂਗ ਹੀ ਸੇਵਾ ਕਰੇਗਾ। ਪਰ ਕਾਂ ਨੂੰ ਵੇਖਕੇ ਕਿਸਾਨ ਪਹਿਲਾਂ ਨਾਲੋਂ ਵੀ ਵਧੇਰੇ ਗੁੱਸੇ ਵਿਚ ਆ ਗਿਆ।
'ਕਾਵਾਂ ਕਾਣਿਆ! ਮੈਨੂੰ ਪਹਿਲਾਂ ਤੇਰੀ ਬੋਲੀ ਤੇ ਚਲਾਕੀ ਭਰੀਆਂ ਆਦਤਾਂ ਹੀ ਭੈੜੀਆਂ ਲਗਦੀਆਂ ਸਨ, ਹੁਣ ਤੇਰੀ ਸ਼ਕਲ ਵੀ ਭੇੜੀ ਲੱਗਣ ਲੱਗ ਪਈ ਆ।' ਕਿਸਾਨ ਨੇ ਆਖਿਆ ਤੇ ਉਹ ਇੱਟ-ਵੱਟਾ ਲੈ ਕੇ ਕਾਂ ਨੂੰ ਮਾਰਨ ਭੱਜਾ। ਕਾਂ ਨੇ ਝਕਾਨੀ ਦੇ ਕੇ ਮਸਾਂ ਜਾਨ ਬਚਾਈ।
ਹੁਣ ਕਾਂ ਨੂੰ ਸਮਝ ਲੱਗ ਗਈ ਸੀ ਕਿ ਗੋਰਾ-ਚਿੱਟਾ ਬਣ ਕੇ ਉਸਨੇ ਐਵੇਂ ਹੀ ਆਪਣੀ ਚਮੜੀ ਤੇ ਖੰਭ ਖਰਾਬ ਕਰ ਲਏ ਸਨ। ਕਿਸੇ ਦੂਸਰੇ ਕੋਲੋਂ ਪਿਆਰ ਤੇ ਸਤਿਕਾਰ ਲੈਣ ਲਈ ਗੋਰੇ-ਚਿੱਟੇ ਬਣਨ ਦੀ ਜ਼ਰੂਰਤ ਨਹੀਂ ਹੈ। ਸਗੋਂ ਆਪਣੀ ਬੋਲੀ ਵਿਚ ਮਿਠਾਸ ਘੋਲਣ ਦੀ ਜ਼ਰੂਰਤ ਹੈ ਤੇ ਮੰਦੀਆਂ ਆਦਤਾਂ ਦਾ ਤਿਆਗ ਕਰਨ ਦੀ ਜ਼ਰੂਰਤ ਹੈ। ਕਾਂ ਹੁਣ ਆਪਣੇ ਪਿੰਡੇ 'ਤੇ ਲੱਗੇ ਰੰਗ ਨੂੰ ਲਾਹੁਣ ਦਾ ਕੋਈ ਢੰਗ ਸੋਚਣ ਲੱਗ ਪਿਆ।

-ਇਕਬਾਲ ਸਿੰਘ ਹਮਜਾਪੁਰ,
ਪਿੰਡ ਤੇ ਡਾ: ਹਮਜਾਪੁਰ, ਫ਼ਤਿਆਬਾਦ-125051
ਮੋਬਾਈਲ : 09416592149

ਬਾਲ ਕਵਿਤਾ

ਤੋਤਾ

ਸਾਡੇ ਘਰ ਇਕ ਤੋਤਾ ਆਇਆ,
ਰੱਬ ਨੇ ਕਿੰਨਾ ਸੋਹਣਾ ਬਣਾਇਆ।

ਲਾਲ ਚੁੰਝ ਤੇ ਗਲ ਵਿਚ ਗਾਨੀ,
ਹਰਾ ਰੰਗ ਹੈ ਉਸ ਦੀ ਨਿਸ਼ਾਨੀ ।

ਪਿੰਜਰੇ ਦੇ ਵਿਚ ਤੋਤਾ ਰਹਿੰਦਾ
ਟਿਕ ਕੇ ਉਹ ਕਦੇ ਨਾ ਬਹਿੰਦਾ।

ਬੰਦਿਆਂ ਵਾਂਗ ਹੈ ਤੋਤਾ ਬੋਲੇ
ਸਾਰਿਆਂ ਦੇ ਹੈ ਭੇਦ ਉਹ ਖੋਲ੍ਹੇ।

ਸਾਰਾ ਦਿਨ ਹੈ ਸ਼ੋਰ ਮਚਾਉਂਦਾ
ਸਭ ਦਾ ਨਾਮ ਲੈ ਕੇ ਬੁਲਾਉਂਦਾ।

ਟਿਕ ਟਿਕ ਕਰਕੇ ਮਿਰਚਾਂ ਖਾਵੇ
ਭੁੱਖ ਲੱਗੇ ਤਾਂ ਰੌਲਾ ਪਾਵੇ।

ਪੰਛੀਆਂ ਵਿਚੋਂ ਪੰਛੀ ਨਿਆਰਾ
ਸਾਡੇ ਵਾਂਗ ਹੈ ਬੋਲੇ ਸਾਰਾ।

'ਪਰਵਿੰਦਰ ਸੁੱਖ' ਕਰੇ ਅਰਜ਼ੋਈ
ਪੰਛੀਆਂ ਨੂੰ ਨਾ ਮਾਰੋ ਕੋਈ।

-ਪਰਵਿੰਦਰ ਕੌਰ ਸੁੱਖ
ਨਿਊ ਜਨਤਾ ਨਗਰ ਲੁਧਿਆਣਾ
ਮੋਬਾਈਲ : 81960-63335

ਸਿਆਣਪ ਦਾ ਥੱਪੜ

ਮੈਂ ਆਪਣੇ ਪਿੰਡ ਦੇ ਸਰਕਾਰੀ ਸਕੂਲ ਵਿਚ ਚੌਥੀ ਜਮਾਤ ਵਿਚ ਪੜ੍ਹਦਾ ਸੀ। ਮੇਰਾ ਅਧਿਆਪਕ ਬਹੁਤ ਮਿਹਨਤੀ ਤੇ ਸਖਤ ਸੀ। ਸਮੇਂ ਸਿਰ ਸਕੂਲ ਪਹੁੰਚਣਾ ਤੇ ਬੱਚਿਆਂ ਨੂੰ ਪੜ੍ਹਾਉਣਾ ਉਸ ਦਾ ਧਰਮ ਸੀ। ਇਕ ਦਿਨ ਇਕ ਘਟਨਾ ਵਾਪਰੀ। ਮੈਂ ਤੇ ਮੇਰਾ ਮਿੱਤਰ ਸਲੇਟੀ ਖਾ ਰਹੇ ਸਾਂ। ਮਾਸਟਰ ਜੀ ਨੇ ਸਾਨੂੰ ਸਲੇਟੀ ਖਾਂਦੇ ਵੇਖ ਲਿਆ ਤੇ ਸਾਨੂੰ ਮੁਰਗਾ ਬਣਨ ਲਈ ਕਿਹਾ। ਉਸ ਤੋਂ ਪਹਿਲਾਂ ਇਕ ਜ਼ੋਰਦਾਰ ਥੱਪੜ ਲਗਾਇਆ। ਅਸੀਂ ਮੁਰਗਾ ਬਣ ਗਏ। ਜਦੋਂ ਮਾਸਟਰ ਕਿਸੇ ਦੂਸਰੇ ਕੰਮ ਲਈ ਦੂਸਰੇ ਪਾਸੇ ਚਲੇ ਗਏ ਅਸੀਂ ਘਰ ਨੂੰ ਦੌੜ ਗਏ। ਮੈਂ ਤੇ ਮੇਰੇ ਦੋਸਤ ਨੇ ਘਰ ਜਾ ਕੇ ਆਪਣੇ-ਆਪਣੇ ਪਿਤਾ ਨੂੰ ਜਾ ਕੇ ਦੱਸਿਆ ਕਿ ਸਾਨੂੰ ਮਾਸਟਰ ਜੀ ਨੇ ਮਾਰਿਆ ਹੈ। ਮੇਰੇ ਪਿਤਾ ਨੇ ਮੈਨੂੰ ਸਾਈਕਲ ਦੇ ਅੱਗੇ ਡੰਡੇ ਉਪਰ ਬਿਠਾਇਆ ਤੇ ਚੰਗੀ ਭੁਗਤ ਸਵਾਰੀ ਤੇ ਮੈਂ ਜ਼ੋਰ-ਜ਼ੋਰ ਦੀ ਰੋਣ ਲੱਗ ਪਿਆ। ਸੂਕਲ ਦੀ ਦੂਰੀ ਘਰ ਤੋਂ ਇਕ ਕਿਲੋਮੀਟਰ ਦੀ ਸੀ। ਪਿਤਾ ਜੀ ਮੈਨੂੰ ਲੈ ਕੇ ਸਕੂਲ ਮਾਸਟਰ ਜੀ ਕੋਲ ਪਹੁੰਚੇ ਤੇ ਮਾਸਟਰ ਜੀ ਨੂੰ ਕਿਹਾ ਕਿ ਤੁਸੀਂ ਇਸ ਨੂੰ ਘਰ ਕਿਉਂ ਜਾਣ ਦਿੱਤਾ ਅਤੇ ਕਾਰਨ ਪੁੱਛਿਆ। ਮਾਸਟਰ ਜੀ ਦੇ ਸਾਹਮਣੇ ਵੀ ਚੰਗੀ ਭੁਗਤ ਸੁਆਰੀ। ਮਾਸਟਰ ਜੀ ਨੇ ਮੇਰੇ ਪਿਤਾ ਜੀ ਨੂੰ ਰੋਕ ਕੇ ਮੈਨੂੰ ਆਪਣੀ ਗੋਦੀ ਵਿਚ ਲੈ ਲਿਆ ਤੇ ਪਿਆਰ ਨਾਲ ਸਮਝਾਇਆ ਕਿ ਸਲੇਟੀ ਨਹੀਂ ਖਾਣੀ। ਪ੍ਰੰਤੂ ਮੇਰੇ ਦੋਸਤ ਦੇ ਪਿਤਾ ਜੀ ਮੋਟਰ ਸਾਈਕਲ 'ਤੇ ਆਏ ਤੇ ਮਾਸਟਰ ਜੀ ਨੂੰ ਬੁਰਾ-ਭਲਾ ਕਹਿਣ ਲੱਗੇ। ਉਨ੍ਹਾਂ ਦੇ ਬੋਲਣ ਦੀ ਭਾਸ਼ਾ ਅਸੱਭਿਅਕ ਸੀ। ਪ੍ਰੰਤੂ ਮਾਸਟਰ ਜੀ ਨੇ ਏਨਾ ਹੀ ਕਿਹਾ ਕਿ ਸਰਦਾਰ ਜੀ ਇਹ ਬੱਚੇ ਮੇਰੇ ਹਨ, ਇਨ੍ਹਾਂ ਦਾ ਖਿਆਲ ਰੱਖਣਾ ਮੇਰੀ ਜ਼ਿੰਮੇਵਾਰੀ ਹੈ। ਪ੍ਰੰਤੂ ਉਹ ਫਿਰ ਵੀ ਬੋਲਦੇ ਗਏ। ਉਸ ਦਿਨ ਤੋਂ ਬਾਅਦ ਮਾਸਟਰ ਜੀ ਨੇ ਮੈਨੂੰ ਹੋਰ ਵੀ ਮਿਹਨਤ ਨਾਲ ਪੜ੍ਹਾਉਣਾ ਸ਼ੁਰੂ ਕਰ ਦਿੱਤਾ, ਜਿਸ ਦੀ ਬਦੌਲਤ ਮੈਂ ਅਧਿਆਪਕ ਬਣਿਆ, ਉਸ ਥੱਪੜ ਨੇ ਮੇਰੀ ਜ਼ਿੰਦਗੀ ਬਦਲ ਦਿੱਤੀ।

-ਸ. ਪ੍ਰ. ਸ. ਹਕੀਕਤਪੁਰਾ, ਸੰਗਰੂਰ।

ਬਾਲ ਨਾਵਲ-31

ਨਾਨਕਿਆਂ ਦਾ ਪਿੰਡ

(ਲੜੀ ਜੋੜਨ ਲਈ ਪਿਛਲੇ ਸਨਿਚਰਵਾਰ ਦਾ ਅੰਕ ਦੇਖੋ)
'ਅਸੀਂ ਵੀ ਸਾਰੇ ਆਪਣਾ ਹੋਮਵਰਕ ਵੇਲੇ ਸਿਰ ਮੁਕਾ ਕੇ ਬਾਅਦ ਵਿਚ ਫੇਰ ਮੌਜ ਕਰਾਂਗੇ', ਪੰਮੀ ਨੇ ਆਪਣਾ ਵਿਚਾਰ ਦੱਸਿਆ।
'ਬਿਲਕੁਲ ਠੀਕ, ਅਸੀਂ ਸਾਰੇ ਵੀ ਕੋਮਲ ਵਾਂਗ ਆਪਣਾ ਹੋਮ ਵਰਕ ਵੇਲੇ ਸਿਰ ਕਰਾਂਗੇ। ਪਰ ਅੱਗੋਂ ਕਹਾਣੀ ਦਾ ਕੀ ਹੋਇਆ', ਸਾਰੇ ਬੱਚੇ ਇਕੱਠੇ ਬੋਲ ਪਏ।
'ਛੁੱਟੀਆਂ ਖ਼ਤਮ ਹੋਣ ਤੋਂ ਬਾਅਦ ਜਦੋਂ ਸਕੂਲ ਖੁੱਲ੍ਹੇ ਤਾਂ ਜਿਹੜੇ ਬੱਚਿਆਂ ਨੇ ਹੋਮ ਵਰਕ ਪੂਰਾ ਕੀਤਾ ਸੀ, ਉਹ ਤਾਂ ਖ਼ੁਸ਼ੀ ਖ਼ੁਸ਼ੀ ਸਕੂਲ ਜਾ ਕੇ ਆਪਣੇ ਦੋਸਤਾਂ ਮਿੱਤਰਾਂ ਨੂੰ ਮਿਲਣਾ ਚਾਹੁੰਦੇ ਸਨ। ਜਿਨ੍ਹਾਂ ਨੇ ਹੋਮ ਵਰਕ ਕੀਤਾ ਹੀ ਨਹੀਂ ਜਾਂ ਅੱਧ ਪਚੱਧਾ ਕੀਤਾ ਸੀ, ਉਹ ਸਕੂਲ ਜਾਣ ਤੋਂ ਕੰਨੀ ਕਤਰਾ ਰਹੇ ਸਨ।'
'ਕੰਨੀ ਕਤਰਾ ਰਹੇ ਕੀ ਹੁੰਦੈ, ਨਾਨਾ ਜੀ?'
'ਕੰਨੀ ਕਤਰਾਉਣ ਦਾ ਮਤਲਬ ਹੁੰਦਾ ਹੈ, ਕਿਸੇ ਦੇ ਸਾਹਮਣੇ ਜਾਣ ਤੋਂ ਝਿਜਕਣਾ।'
'ਠੀਕ ਹੈ ਨਾਨਾ ਜੀ, ਹੁਣ ਸਮਝ ਲੱਗ ਗਈ। ਜਿਹੜੇ ਬੱਚਿਆਂ ਨੇ ਹੋਮਵਰਕ ਨਹੀਂ ਸੀ ਕੀਤਾ, ਉਹ ਆਪਣੇ ਅਧਿਆਪਕਾਂ ਦੇ ਸਾਹਮਣੇ ਜਾਣ ਤੋਂ ਝਿਜਕ ਰਹੇ ਸਨ ਯਾਨੀ ਕੰਨੀ ਕਤਰਾ ਰਹੇ ਸਨ', ਸੁਖਮਨੀ ਨੂੰ ਇਸ ਮੁਹਾਵਰੇ ਦੀ ਪੂਰੀ ਸਮਝ ਲੱਗ ਗਈ ਲਗਦੀ ਸੀ।
'ਸਕੂਲ ਖੁੱਲ੍ਹਣ ਤੋਂ ਤਿੰਨ-ਚਾਰ ਦਿਨ ਬਾਅਦ ਅਧਿਆਪਕਾਂ ਨੇ ਬੱਚਿਆਂ ਦਾ ਹੋਮ ਵਰਕ ਚੈੱਕ ਕਰਨਾ ਸ਼ੁਰੂ ਕਰ ਦਿੱਤਾ। ਜਦੋਂ ਹਿਸਾਬ ਦੇ ਅਧਿਆਪਕ ਨੇ ਸਾਰੇ ਬੱਚਿਆਂ ਦਾ ਹੋਮ ਵਰਕ ਚੈੱਕ ਕੀਤਾ ਤਾਂ ਇਕ ਸਵਾਲ ਸਾਰੇ ਬੱਚਿਆਂ ਦਾ ਗ਼ਲਤ ਸੀ। ਉਹ ਕੇਵਲ ਕੋਮਲ ਦਾ ਠੀਕ ਸੀ। ਅਧਿਆਪਕ ਨੇ ਕੋਮਲ ਨੂੰ ਬੁਲਾ ਕੇ ਸਾਰੀ ਕਲਾਸ ਦੇ ਸਾਹਮਣੇ ਉਸ ਨੂੰ ਸ਼ਾਬਾਸ਼ ਦਿੱਤੀ। ਇਕ ਕਿਤਾਬ ਇਨਾਮ ਵਜੋਂ ਵੀ ਦਿੱਤੀ। ਪਰ ਕੋਮਲ ਨੇ ਇਨਾਮ ਲੈਣ ਤੋਂ ਨਾਂਹ ਕਰਦਿਆਂ ਕਿਹਾ ਕਿ 'ਮੈਂ ਇਸ ਇਨਾਮ ਦੀ ਹੱਕਦਾਰ ਨਹੀਂ ਕਿਉਂਕਿ ਇਹ ਸਵਾਲ ਜਿਹੜਾ ਸਾਰਿਆਂ ਦਾ ਗ਼ਲਤ ਹੈ, ਮੇਰੇ ਕੋਲੋਂ ਬੜੀ ਕੋਸ਼ਿਸ਼ ਕਰਨ ਦੇ ਬਾਵਜੂਦ ਵੀ ਨਹੀਂ ਸੀ ਨਿਕਲਿਆ। ਉਹ ਸਵਾਲ ਮੈਂ ਆਪਣੇ ਚਾਚਾ ਦੀ ਕੋਲੋਂ ਕਢਵਾਇਆ ਸੀ।' ਕੋਮਲ ਦੀ ਸੱਚੀ ਗੱਲ ਸੁਣ ਕੇ ਉਸ ਦੇ ਅਧਿਆਪਕ ਬਹੁਤ ਖ਼ੁਸ਼ ਹੋਏ। ਹੁਣ ਉਨ੍ਹਾਂ ਨੇ ਕੋਮਲ ਨੂੰ ਇਕ ਦੀ ਥਾਂ ਦੋ ਕਿਤਾਬਾਂ ਇਨਾਮ ਦੀਆਂ ਦੇਂਦੇ ਹੋਏ ਕਿਹਾ, 'ਇਕ ਕਿਤਾਬ ਤੇਰੀ ਸਾਰਾ ਹੋਮ ਵਰਕ ਕਰਨ ਦੀ ਹੈ ਅਤੇ ਦੂਸਰੀ ਕਿਤਾਬ ਤੇਰੀ ਸਾਰਿਆਂ ਸਾਹਮਣੇ ਸੱਚ ਬੋਲਣ ਦੀ ਹਿੰਮਤ ਦੀ ਹੈ।'
'ਅਸੀਂ ਵੀ ਮਿਹਨਤ ਨਾਲ ਪੜ੍ਹਾਈ ਕਰਾਂਗੇ ਅਤੇ ਹਮੇਸ਼ਾ ਸੱਚ ਬੋਲਾਂਗੇ', ਸਾਰੇ ਬੱਚੇ ਇਕੱਠੇ ਬੋਲ ਪਏ।
ਕਹਾਣੀ ਖ਼ਤਮ ਹੁੰਦਿਆਂ ਹੀ ਗਵਾਂਢ ਦੇ ਦੋਵੇਂ ਬੱਚੇ ਆਪਣੇ ਘਰ ਨੂੰ ਦੌੜ ਗਏ।
ਛੋਟੀ ਪੰਮੀ ਅਤੇ ਨਵਰਾਜ ਵੀ ਸੌਂਦੇ ਜਾਂਦੇ ਸਨ। ਉਨ੍ਹਾਂ ਵੱਲ ਵੇਖ ਕੇ ਨਾਨਾ ਜੀ ਨੇ ਕਿਹਾ, 'ਚਲੋ, ਹੁਣ ਆਪੋ ਆਪਣੀਆਂ ਮੰਜੀਆਂ 'ਤੇ ਜਾ ਕੇ ਸੌਂ ਜਾਓ।'
ਸਾਰੇ ਬੱਚੇ ਜਾ ਕੇ ਲੇਟ ਗਏ। ਕੁਝ ਮਿੰਟਾਂ ਬਾਅਦ ਹੀ ਜਦੋਂ ਨਾਨਾ ਜੀ ਨੇ ਉਨ੍ਹਾਂ ਨੂੰ ਵੇਖਿਆ ਤਾਂ ਬੱਚੇ ਘੂਕ ਸੁੱਤੇ ਪਏ ਸਨ।
-14-
ਅੱਜ ਸਵੇਰੇ ਜਲਦੀ ਹੀ ਨਾਨਾ ਜੀ ਕਿਸੇ ਕੰਮ ਲਈ ਚਲੇ ਗਏ ਸਨ। ਸ਼ਾਮ ਨੂੰ ਜਦੋਂ ਉਹ ਘਰ ਆਏ ਤਾਂ ਆਉਂਦਿਆਂ ਹੀ ਬੱਚਿਆਂ ਨੇ ਉਨ੍ਹਾਂ ਦੁਆਲੇ ਘੇਰਾ ਪਾ ਲਿਆ। ਨਾਨੀ ਜੀ ਨੇ ਉਨ੍ਹਾਂ ਨੂੰ ਬਥੇਰਾ ਕਿਹਾ ਕਿ, 'ਤੁਹਾਡੇ ਨਾਨਾ ਜੀ ਸਵੇਰ ਦੇ ਥੱਕੇ ਆਏ ਹਨ, ਉਨ੍ਹਾਂ ਨੂੰ ਮੂੰਹ-ਹੱਥ ਧੋ ਕੇ ਚਾਹ ਵਗੈਰਾ ਪੀ ਲੈਣ ਦਿਓ।' ਪਰ ਬੱਚਿਆਂ ਵਿਚ ਐਨਾ ਸਬਰ ਕਿੱਥੇ? ਉਹ ਤਾਂ ਸਾਰੇ ਦਿਨ ਦੀਆਂ ਗੱਲਾਂ ਜਲਦੀ ਤੋਂ ਜਲਦੀ ਨਾਨਾ ਜੀ ਨੂੰ ਸੁਣਾਉਣੀਆਂ ਚਾਹੁੰਦੇ ਸਨ। (ਚਲਦਾ)

-ਮੋਬਾਈਲ : 98889-24664

ਨਵੇਂ ਅਸੂਲ

ਲੰਮੇ ਅਰਸੇ ਦੇ ਪਿੱਛੋਂ ਖੁੱਲੂਗੇ ਸਕੂਲ ਯਾਰੋ।
ਨਵੇਂ ਅਪਣਾਉਣੇ ਪੈਣੇ ਜੀਊਣ ਦੇ ਅਸੂਲ ਯਾਰੋ।
ਹੱਥ ਜੋੜ ਸਾਥੀਆਂ ਨੂੰ ਦੂਰੋਂ ਹੀ ਬੁਲਾਵਾਂਗੇ।
ਬੈਂਚਾਂ 'ਤੇ ਬੈਠਣੇ ਦੀ ਦੂਰੀ ਵੀ ਵਧਾਵਾਂਗੇ।
ਸਮੇਂ ਨਾਲ ਸਾਰਾ ਕੁਝ ਕਰਾਂਗੇ ਕਬੂਲ ਯਾਰੋ।
ਨਵੇਂ ਅਪਣਾਉਣੇ...............................।
ਕਾਪੀਆਂ ਕਿਤਾਬਾਂ ਬਦਲਾਈਆਂ ਨਹੀਉਂ ਜਾਣੀਆਂ।
ਇੱਕੋ ਭਾਂਡੇ ਯਾਰਾਂ ਨਾਲ ਰੋਟੀਆਂ ਨ੍ਹੀਂ ਖਾਣੀਆਂ।
ਟੀਚਰਾਂ ਦੇ ਦੱਸੇ ਸਭ ਮੰਨਣੇ ਨੇ ਰੂਲ ਯਾਰੋ।
ਨਵੇਂ ਅਪਣਾਉਣੇ..................................।
ਵਾਰ-ਵਾਰ ਧੋਂਦੇ ਰਹਿਣਾ ਹੱਥ ਅਸੀਂ ਆਪਣੇ।
ਮਾਸਕਾਂ 'ਚ ਟੀਚਰ ਵੀ ਓਪਰੇ ਜਿਹੇ ਜਾਪਣੇ।
ਚੁਟਕਲੇ ਨਵੇਂ-ਨਵੇਂ ਹੋਣੇ ਮਕਬੂਲ ਯਾਰੋ।
ਨਵੇਂ ਅਪਣਾਉਣੇ..................................।
ਆਨਲਾਈਨ ਬੜਾ ਕੁਝ ਟੀਚਰਾਂ ਪੜ੍ਹਾਇਆ ਏ।
ਸਮਝਾਂਗੇ ਜਿਹੜਾ ਸਾਨੂੰ ਸਮਝ ਨਾ ਆਇਆ ਏ।
ਬੋਲਣਾ ਨ੍ਹੀਂ ਅਸੀਂ ਹੁਣ ਊਲ-ਜਲੂਲ ਯਾਰੋ।
ਨਵੇਂ ਅਪਣਾਉਣੇ ................................।

-ਜਸਪਾਲ ਸਿੰਘ ਨਾਗਰਾ 'ਮਹਿੰਦਪੁਰੀ'
ਯੂਬਾ ਸਿਟੀ, ਕੈਲੀਫੋਰਨੀਆ (ਅਮਰੀਕਾ)
ਸੰਪਰਕ : 001-360-448-1989

ਚੁਟਕਲੇ

* ਪਿਤਾ (ਰਾਜੀਵ ਨੂੰ) ਬੇਟਾ, ਕੀ ਵੱਡਾ ਹੋ ਕੇ ਤੂੰ ਮੇਰਾ ਨਾਂਅ ਰੌਸ਼ਨ ਕਰੇਂਗਾ?
ਰਾਜੀਵ-ਉਹ ਤਾਂ ਮੈਂ ਹੁਣ ਵੀ ਕਰ ਰਿਹਾ ਹਾਂ।
ਪਿਤਾ-ਉਹ ਕਿਵੇਂ?
ਰਾਜੀਵ-ਤੁਹਾਡੀ ਨੇਮ ਪਲੇਟ ਉਤੇ ਬੱਲਬ ਜਗਾ ਕੇ।
* ਪਤਨੀ (ਗੁੱਸੇ ਨਾਲ) ਮੇਰੇ ਤਾਂ ਕਰਮ ਫੁੱਟ ਗਏ ਹਨ, ਜਿਹੜੀ ਮੈਂ ਤੁਹਾਡੇ ਪੱਲੇ ਬੱਝ ਗਈ, ਵਰਨਾ ਤੇਰੇ ਨਾਲੋਂ ਵੀ ਚੰਗੇ ਵਰ ਮਿਲ ਸਕਦੇ ਸੀ।
ਪਤੀ-ਸੁੱਚਮੁੱਚ ਚੰਗੇ ਰਹੇ ਹੋਣਗੇ, ਤਦ ਤਾਂ ਤੇਰੀ ਚੁੰਗਲ ਵਿਚ ਆਉਣ ਤੋਂ ਬਚ ਗਏ।
* ਮਾਸਟਰ ਭੂਸ਼ਨ (ਲੱਕੀ ਨੂੰ) ਤੁਹਾਡੇ ਪਿਤਾ ਜੀ ਕੀ ਮਰਦੇ ਦਮ ਤੱਕ ਹੋਸ਼ ਵਿਚ ਸਨ?
ਲੱਕੀ-ਹਾਲੇ ਤਾਂ ਪਤਾ ਨਹੀਂ, ਉਦੋਂ ਹੀ ਪਤਾ ਚੱਲੇਗਾ ਜਦੋਂ ਵਸੀਅਤਨਾਮਾ ਖੁੱਲ੍ਹੇਗਾ।
* ਥਾਣੇਦਾਰ (ਰੇਖਾ ਨੂੰ)-ਤੁਹਾਡੇ ਘਰ ਵਿਚ ਚੋਰੀ ਕਦੋਂ ਹੋਈ?
ਰੇਖਾ-ਅੱਜ ਦੁਪਹਿਰ ਜਦ ਮੈਂ ਘਰ ਵਿਚ ਨਹੀਂ ਸੀ।
ਥਾਣੇਦਾਰ-ਤੁਸੀਂ ਉਸ ਸਮੇਂ ਕਿੱਥੇ ਗਏ ਸੀ।
ਰੇਖਾ-ਆਪਣੀ ਗੁਆਂਢਣ ਦੇ ਘਰ ਗਈ ਸੀ, ਉਸ ਨੂੰ ਘਰ ਦੀ ਸੁਰੱਖਿਆ ਦੇ ਤਰੀਕੇ ਦੱਸਣ।

-ਅਜੇਸ਼ ਗੋਇਲ ਬਿੱਟੂ
ਹੁਸਨਰ ਰੋਡ, ਗਿੱਦੜਬਾਹਾ।
ਮੋਬਾਈਲ : 98140-9791
7.

ਕਿਵੇਂ ਮਾਪੀ ਜਾਂਦੀ ਹੈ ਤਾਰਿਆਂ ਦੇ ਵਿਚਕਾਰ ਦੀ ਦੂਰੀ

ਪਿਆਰੇ ਬੱਚਿਓ, ਤੁਸੀਂ ਸਾਰਿਆਂ ਨੇ ਰਾਤ ਦੇ ਸਮੇਂ ਅਸਮਾਨ ਵਿਚ ਟਿਮਟਿਮਾਉਂਦੇ ਹੋਏ ਬਹੁਤ ਸਾਰੇ ਤਾਰੇ ਦੇਖੇ ਹੋਣਗੇ। ਇਹ ਤਾਰੇ ਬਹੁਤ ਛੋਟੇ ਦਿਸਦੇ ਹਨ, ਪਰ ਅਸਲ ਵਿਚ ਇਹ ਤਾਰੇ ਬਹੁਤ ਵੱਡੇ ਆਕਾਰ ਦੇ ਹੁੰਦੇ ਹਨ, ਪਰ ਧਰਤੀ ਤੋਂ ਐਨੀ ਦੂਰ ਹੁੰਦੇ ਹਨ ਕਿ ਬਹੁਤ ਛੋਟੇ ਦਿਸਦੇ ਹਨ। ਹੁਣ ਤੁਹਾਡੇ ਮਨ ਵਿਚ ਇਹ ਪ੍ਰਸ਼ਨ ਉੱਠਦਾ ਹੋਵੇਗਾ ਕਿ ਆਖਰ ਏਨਾ ਤਾਰਿਆਂ ਦੀ ਦੂਰੀ ਨੂੰ ਕਿਵੇਂ ਮਾਪਿਆਂ ਜਾਂਦਾ ਹੈ?
ਤਾਰਿਆਂ ਤੋਂ ਧਰਤੀ ਦੀ ਦੂਰੀ ਜਾਂ ਫਿਰ ਉਨ੍ਹਾਂ ਦੀ ਆਪਸ ਵਿਚ ਦੂਰੀ ਨੂੰ ਨਾਪਣ ਲਈ ਪ੍ਰਕਾਸ਼ ਵਰ੍ਹਾ ਮਤਲਬ ਲਾਈਟ ਈਯਰ ਯੂਨਿਟ ਦਾ ਇਸਤੇਮਾਲ ਕੀਤਾ ਜਾਂਦਾ ਹੈ। ਹੁਣ ਤੁਸੀਂ ਸੋਚ ਰਹੋਗੇ ਇਹ ਪ੍ਰਕਾਸ਼ ਵਰ੍ਹਾ ਕੀ ਹੁੰਦਾ ਹੈ? ਇਕ ਵਰ੍ਹਾ ਵਿਚ ਪ੍ਰਕਾਸ਼ ਜਿੰਨੀ ਦੂਰੀ ਭੈਅ ਕਰਦਾ ਹੈ, ਉਸ ਨੂੰ ਇਕ ਪ੍ਰਕਾਸ਼ ਵਰ੍ਹਾ ਕਹਿੰਦੇ ਹਨ। ਇਕ ਪ੍ਰਕਾਸ਼ ਵਰ੍ਹਾ ਲਗਪਗ 96,46,00,00,00,000 ਕਿਲੋਮੀਟਰ ਦੇ ਬਰਾਬਰ ਹੁੰਦਾ ਹੈ।
ਧਰਤੀ ਦੇ ਸਭ ਤੋਂ ਕਰੀਬੀ ਤਾਰੇ ਦਾ ਨਾਂਅ ਅਲਫ਼ਾ ਸੇਂਟੂਰੀ ਹੈ। ਇਹ ਸਾਡੇ ਤੋਂ ਚਾਰ ਪ੍ਰਕਾਸ਼ ਵਰ੍ਹਾ ਦੂਰ ਸਥਿਤ ਹੈ। ਕਿਸੇ ਤਾਰੇ ਦੀ ਧਰਤੀ ਤੋਂ ਦੂਰੀ ਦਾ ਪਤਾ ਲਗਾਉਣ ਦੇ ਲਈ ਖਗੋਲ ਸ਼ਾਸਤਰੀ ਧਰਤੀ ਦੀਆਂ ਦੋ ਉਲਟ ਥਾਵਾਂ ਤੋਂ ਉਸ ਤਾਰੇ ਦਾ ਨਿਰੀਖਣ ਕਰਦੇ ਹਨ ਜਾਂ ਛੇ ਮਹੀਨੇ ਦੇ ਬਾਅਦ ਉਸ ਤਾਰੇ ਦਾ ਨਿਰੀਖਣ ਕਰਦੇ ਹਨ, ਜਦ ਧਰਤੀ ਸੂਰਜ ਦਾ ਚੱਕਰ ਲਗਾਉਂਦੇ ਹੋਏ ਆਪਣੀ ਉਲਟ ਦਿਸ਼ਾ ਵਿਚ ਆ ਜਾਂਦੀ ਹੈ।
ਜਦ ਉਹ ਇਹੋ ਜਿਹਾ ਕਰਦੇ ਹਨ ਤਾਂ ਇਹੋ ਜਿਹਾ ਪ੍ਰਤੀਤ ਹੁੰਦਾ ਹੈ ਕਿ ਤਾਰੇ ਨੇ ਆਪਣੀ ਪੁਜ਼ੀਸ਼ਨ ਬਦਲ ਲਈ ਹੈ। ਪੁਜ਼ੀਸ਼ਨ ਵਿਚ ਇਹ ਜਿਹੜੀ ਤਬਦੀਲੀ ਹੁੰਦੀ ਹੈ, ਉਸ ਨੂੰ ਪੈਰਲੱਕਸ ਕਹਿੰਦੇ ਹਨ। ਫਿਰ ਇਸ ਨੂੰ ਮਾਪ ਕੇ ਖਗੋਲ ਸ਼ਾਸਤਰੀ ਤਾਰੇ ਦੀ ਦੂਰੀ ਦੀ ਗਿਣਤੀ ਕਰਦੇ ਹਨ।

-ਨਿਰਮਲ 'ਪ੍ਰੇਮੀ' ਰਾਮਗੜ੍ਹ
ਪਿੰਡ ਰਾਮਗੜ੍ਹ, ਡਾਕ: ਫਿਲੌਰ-144410. ਜ਼ਿਲ੍ਹਾ ਜਲੰਧਰ।
ਮੋਬਾਈਲ : 94631-61691.

ਬਾਲ ਕਵਿਤਾ

ਆਨਲਾਈਨ ਮੁਕਾਬਲੇ...

ਕਹਿੰਦੇ ਮੈਡਮ ਬੱਚਿਓ ਪੇਂਟਿੰਗ ਬਣਾਓ,
ਘਰ ਬੈਠੇ ਕਲਾ ਦੇ ਜੌਹਰ ਵਿਖਾਓ।
ਚਮਕਾਓ ਨਾਮ ਬਣ ਕੇ ਕਲਾਕਾਰ,
ਰੰਗਾਂ ਦੀ ਦੁਨੀਆ ਹੈ ਸ਼ਾਨਦਾਰ।
ਵਿਹਲੇ ਸਮੇਂ ਦਾ ਹੈ ਸਦਉਪਯੋਗ,
ਹੱਥੋਂ ਜਾਣ ਨਾ ਦਿਓ ਇਹ ਸੰਜੋਗ।
ਪੜ੍ਹਦੇ-ਪੜ੍ਹਦੇ ਕੁਝ ਸਿੱਖ ਜਾਓ,
ਸੁੰਦਰ-ਸੁੰਦਰ ਤਸਵੀਰਾਂ ਬਣਾਓ।
ਪੰਛੀ, ਤਾਰੇ, ਫੁੱਲਾਂ ਦੀ ਕਿਆਰੀ,
ਕਲਪਨਾ ਦੀ ਤੁਸੀਂ ਲਾਓ ਉਡਾਰੀ।
ਆਸੇ ਪਾਸੇ ਵੇਖੋ ਸੁੰਦਰ ਨਜ਼ਾਰੇ,
ਕਾਗਜ਼ ਉੱਪਰ ਉਤਾਰ ਲਵੋ ਸਾਰੇ।
ਆਨਲਾਈਨ ਮੁਕਾਬਲੇ ਦੀ ਤਿਆਰੀ,
ਤੁਹਾਡੀ ਵੇਖਣੀ ਅਸਾਂ ਕਲਾਕਾਰੀ।
ਵਧੀਆ ਚਿੱਤਰ ਨੂੰ ਮਿਲੇਗਾ ਸਨਮਾਨ,
ਇਸ ਗੱਲ ਦਾ 'ਵਿਵੇਕ' ਤੂੰ ਰੱਖੀ ਧਿਆਨ।

-ਵਿਵੇਕ
ਕੋਟ ਈਸੇ ਖਾਂ, ਜ਼ਿਲ੍ਹਾ ਮੋਗਾ ।
ਮੋਬਾਈਲ : 94633-8405
1



Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX