ਸਿਡਨੀ, 29 ਨਵੰਬਰ (ਏਜੰਸੀ)- ਭਾਰਤ ਅਤੇ ਆਸਟ੍ਰੇਲੀਆ ਦਰਮਿਆਨ ਖੇਡੇ ਗਏ ਇਕ ਦਿਨਾ ਲੜੀ ਦੇ ਦੂਸਰੇ ਮੈਚ 'ਚ ਆਸਟ੍ਰੇਲੀਆ ਨੇ ਭਾਰਤ ਨੂੰ 51 ਦੌੜਾਂ ਨਾਲ ਹਰਾ ਕੇ ਲੜੀ 'ਤੇ 2-0 ਨਾਲ ਕਬਜ਼ਾ ਕਰ ਲਿਆ | ਆਸਟ੍ਰੇਲੀਆ ਵਲੋਂ ਦਿੱਤੇ ਗਏ 389 ਦੌੜਾਂ ਦੇ ਵੱਡੇ ਟੀਚੇ ਨੂੰ ਹਾਸਲ ਕਰਨ 'ਚ ਭਾਰਤ ਟੀਮ ਨਾਕਾਮ ਰਹੀ ਤੇ ਨਿਰਧਾਰਿਤ 50 ਓਵਰਾਂ 'ਚ 9 ਵਿਕਟਾਂ ਦੇ ਨੁਕਸਾਨ 'ਤੇ 338 ਦੌੜਾਂ ਹੀ ਬਣਾ ਸਕੀ | ਟੀਚੇ ਦਾ ਪਿੱਛਾ ਕਰਨ ਉੱਤਰੀ ਭਾਰਤੀ ਟੀਮ ਦੀ ਸ਼ੁਰੂਆਤ ਆਸਟ੍ਰੇਲੀਆ ਵਾਂਗ ਮਜਬੂਤ ਨਹੀਂ ਰਹੀ, ਜਿਸ ਦੀ ਕਿ ਜ਼ਰੂਰਤ ਸੀ | ਮਯੰਕ ਅਗਰਵਾਲ ਅਤੇ ਉਨ੍ਹਾਂ ਦੇ ਜੋੜੀਦਾਰ ਸ਼ਿਖਰ ਧਵਨ ਨੇ 30 ਦੌੜਾਂ ਦੀ ਪਾਰੀ ਖੇਡੀ ਤੇ ਆਊਟ ਹੋ ਗਏ | ਇਸ ਦੇ ਬਾਅਦ ਕਪਤਾਨ ਵਿਰਾਟ ਕੋਹਲੀ ਨੇ 89 ਦੌੜਾਂ ਦੀ ਪਾਰੀ ਖੇਡ ਕੇ ਟੀਮ ਲਈ ਸਭ ਤੋਂ ਵੱਧ ਦੌੜਾਂ ਬਣਾਈਆਂ ਤੇ ਹੇਜ਼ਲਵੁੱਡ ਦੀ ਗੇਂਦ 'ਤੇ ਆਊਟ ਹੋਏ | ਸ਼੍ਰੇਅਸ ਆਈਅਰ ਨੇ 38 ਤੇ ਕੇ.ਐਲ. ਰਾਹੁਲ ਨੇ 76 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ | ਟੀਮ ਲਈ ਹਾਰਦਿਕ ਪਾਂਡਿਆ ਨੇ 28 ਅਤੇ ਰਵਿੰਦਰ ਜਡੇਜਾ ਨੇ 24 ਦੌੜਾਂ ਬਣਾਈਆਂ | ਬਾਕੀ ਦੇ ਖਿਡਾਰੀਆਂ ਦੀ ਤੂੰ ਚੱਲ ਮੈਂ ਆਇਆ ਵਾਲੀ ਸਥਿਤੀ ਰਹੀ | ਭਾਰਤੀ ਟੀਮ ਨਿਰਧਾਰਿਤ 50 ਓਵਰਾਂ 'ਚ 9 ਵਿਕਟਾਂ ਦੇ ਨੁਕਸਾਨ 'ਤੇ 338 ਦੌੜਾਂ ਹੀ ਬਣਾ ਸਕੀ | ਇਸ ਤੋਂ ਪਹਿਲਾਂ ਟਾਸ ਜਿੱਤ ਤੇ ਪਹਿਲਾਂ ਬੱਲੇਬਾਜ਼ੀ ਕਰਨ ਉੱਤਰੀ ਆਸਟ੍ਰੇਲੀਆ ਟੀਮ ਦੀ ਸ਼ੁਰੂਆਤ ਦਮਦਾਰ ਰਹੀ | ਓਪਨਰ ਡੇਵਿਡ ਵਾਰਨਰ ਨੇ 83 ਅਤੇ ਉਨ੍ਹਾਂ ਦੇ ਜੋੜੀਦਾਰ ਅਰੋਨ ਫਿੰਚ ਨੇ 60 ਦੌੜਾਂ ਦੀ ਪਾਰੀ ਖੇਡੀ | ਇਸ ਤੋਂ ਬਾਅਦ ਸਟੀਵਨ ਸਮਿਥ ਨੇ 64 ਗੇਂਦਾਂ ਖੇਡ ਕੇ 14 ਚੌਕਿਆਂ ਤੇ 2 ਛੱਕਿਆਂ ਨਾਲ ਟੀਮ ਲਈ ਸਭ ਤੋਂ ਵੱਧ 104 ਦੌੜਾਂ ਦਾ ਯੋਗਦਾਨ ਪਾਇਆ | ਉਪਰੰਤ ਲਾਬੂਸ ਚੇਂਗ ਨੇ 70 ਦੌੜਾਂ ਬਣਾਈਆਂ | ਮੈਕਸਵੈੱਲ ਨੇ ਨਾਬਾਦ ਰਹਿ ਕੇ 4 ਚੌਕਿਆਂ ਤੇ 4 ਛੱਕਿਆਂ ਨਾਲ 63 ਦੌੜਾਂ ਬਣਾ ਕੇ ਟੀਮ ਨੂੰ ਮਜਬੂਤ ਸਥਿਤੀ 'ਚ ਪਹੁੰਚਾਇਆ | ਆਸਟ੍ਰੇਲੀਆ ਟੀਮ ਨੇ 4 ਵਿਕਟਾਂ ਦੇ ਨੁਕਸਾਨ 'ਤੇ 50 ਓਵਰ ਖੇਡਦਿਆਂ 389 ਦੌੜਾਂ ਦਾ ਵੱਡਾ ਟੀਚਾ ਭਾਰਤ ਸਾਹਮਣੇ ਰੱਖਿਆ |
ਕੋਹਲੀ ਨੇ ਅੰਤਰਰਾਸ਼ਟਰੀ ਕ੍ਰਿਕਟ 'ਚ ਪੂਰੀਆਂ ਕੀਤੀਆਂ ਸਭ ਤੋਂ ਤੇਜ਼ 22 ਹਜ਼ਾਰ ਦੌੜਾਂ
ਆਸਟ੍ਰੇਲੀਆ ਦੇ ਖ਼ਿਲਾਫ਼ ਦੂਸਰੇ ਇਕ ਦਿਨਾ ਮੈਚ 'ਚ ਵਿਰਾਟ ਕੋਹਲੀ ਨੇ ਇਕ ਹੋਰ ਰਿਕਾਰਡ ਆਪਣੇ ਨਾਂਅ ਕਰ ਲਿਆ ਹੈ | ਕੋਹਲੀ ਅੰਤਰਰਾਸ਼ਟਰੀ ਕਿ੍ਕਟ (ਇਕ ਦਿਨਾ, ਟੀ-20 ਅਤੇ ਟੈਸਟ) 'ਚ ਸਭ ਤੋਂ ਤੇਜ਼ 22000 ਦੌੜਾਂ ਪੂਰੀਆਂ ਕਰਨ ਵਾਲੇ ਖਿਡਾਰੀ ਬਣ ਗਏ ਹਨ | ਕੋਹਲੀ 10 ਹਜ਼ਾਰ ਤੋਂ ਲੈ ਕੇ 22 ਹਜ਼ਾਰ ਤੱਕ ਸਾਰੇ ਪੜਾਅ ਨੂੰ ਪਾਰ ਕਰਨ ਵਾਲੇ ਸਭ ਤੋਂ ਤੇਜ਼ ਖਿਡਾਰੀ ਹਨ |
Website & Contents Copyright © Sadhu Singh Hamdard Trust, 2002-2021.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered
by REFLEX